Hadith: كوركۆ، ناڤێ خودێ بینه‌ (بێژه‌ بسم الله)، و ب ده‌ستێ ڕاستێ بخۆ، و ژ به‌را خۆ بخۆ

عن عُمر بن أبي سلمة رضي الله عنه قال:
كُنْتُ غُلَامًا فِي حَجْرِ رَسُولِ اللهِ صَلَّى اللهُ عَلَيْهِ وَسَلَّمَ، وَكَانَتْ يَدِي تَطِيشُ فِي الصَّحْفَةِ، فَقَالَ لِي رَسُولُ اللهِ صَلَّى اللهُ عَلَيْهِ وَسَلَّمَ: «يَا غُلَامُ، سَمِّ اللهَ، وَكُلْ بِيَمِينِكَ، وَكُلْ مِمَّا يَلِيكَ» فَمَا زَالَتْ تِلْكَ طِعْمَتِي بَعْدُ.
[صحيح] - [متفق عليه] - [صحيح البخاري: 5376]

عومه‌رێ كوڕێ ئه‌بو سه‌له‌مه‌ی (خودێ ژێ ڕازی بیت) دبێژیت:
ئه‌ز زارۆكه‌ك بووم د كوشا پێغه‌مبه‌ریدا (صه‌لات و سه‌لامێن خودێ ل سه‌ر بن)، و ده‌ستێ من د ناڤ ئامانێ خوارنێدا دهات و دچوو، ڤێجا پێغه‌مبه‌ری (صه‌لات و سه‌لامێن خودێ ل سه‌ر بن) گۆته‌ من: «كوركۆ، ناڤێ خودێ بینه‌ (بێژه‌ بسم الله)، و ب ده‌ستێ ڕاستێ بخۆ، و ژ به‌را خۆ بخۆ»، ڤێجا پشتی هنگی ئه‌و بوو شێوازێ خوارنا من.
[صحيح] - [متفق عليه] - [صحيح البخاري - 5376]

Explanation

عومه‌رێ كوڕێ ئه‌بی سه‌له‌مه‌یێ (خودێ ژێ ڕازی بیت) -كو كوڕێ هه‌ڤژینا پێغه‌مبه‌ری (صه‌لات و سه‌لامێن خودێ ل سه‌ر بن) (ئوم سه‌له‌مه‌یێ) بوو و د بن چاڤدێری و په‌روه‌رده‌كرن و بخودانكرنا ویدا بوو- ڤه‌دگوهێزیت كو ل ده‌مێ خوارنێ وی ده‌ستێ خۆ دبره‌ هه‌می لایێن ئامانێ خوارنێ دا خوارنێ ژێ بخوت، ڤێجا پێغه‌مبه‌ری (صه‌لات و سه‌لامێن خودێ ل سه‌ر بن) سێ تۆره‌ و ئادابێن خوارنێ نیشا وی دان:
یێ ئێكێ: گۆتنا "بسم الله" ل ده‌سپێكا خوارنێ.
یێ دووێ: خوارن ب ده‌ستێ ڕاستێ.
یێ سێیێ: خوارن ژ وى لایێ خوارنێ یێ كو ل نێزیكی وی.

Benefits from the Hadith

1. ژ تۆره‌ و ئا‌دا‌بێن خوارن و ڤه‌خوارنێ؛ ئینانا ناڤێ خودێیه‌ ل ده‌سپێكێ.
2. فێركرنا زارۆكان ل سه‌ر تۆره‌ و ئادا‌بان، ب تایبه‌ت ئه‌وان زارۆكێن د بن چاڤدێری و بخودانكرنا مرۆڤیدا.
3. نه‌رمییا پێغه‌مبه‌ری (صه‌لات و سه‌لامێن خودێ ل سه‌ر بن) و سنگفره‌هییا وی د فێركرن و په‌روه‌رده‌كرنا زارۆكاندا.
4. ژ تۆره‌ و ئا‌دا‌بێن خوارنێ ئه‌وه‌ مرۆڤ ژ به‌را خۆ بخۆت، ئه‌و نه‌بیت ئه‌گه‌ر خوارنێن جۆراوجۆر بن، هنگی مرۆڤ دشێت ژ لایێن دی ژی بۆ خۆ بینیت.
5. پێگیریا صه‌حابییان ب وان تۆره‌ و ئا‌دا‌بێن پێغه‌مبه‌ری (صه‌لات و سه‌لامێن خودێ ل سه‌ر بن) نیشا وان داین، و ئه‌ڤه‌ ژ ئاخڤتنا عومه‌ری دیار دبیت ده‌مێ دبێژیت: پشتی هنگی ئه‌و بوو شێوازێ خوارنا من.