Hadith: “មិនមែនជាអ្នកមានជំនឿឡើយ អ្នកដែលចូលចិត្តបន្តុះបង្អាប់គេ ចូលចិត្តដាក់បណ្ដាសាគេ និយាយពាក្យសម្ដីអាក្រក់ និងអសីលធម៌នោះ”។

عَنْ عَبْدِ اللهِ بْنِ مَسْعُودٍ رضي الله عنه قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«لَيْسَ الْمُؤْمِنُ بِالطَّعَّانِ وَلاَ اللَّعَّانِ وَلاَ الفَاحِشِ وَلاَ البَذِيءِ».
[صحيح] - [رواه الترمذي] - [سنن الترمذي: 1977]

អំពី អាប់ទុលឡោះ ពិន ម៉ាស្អ៊ូទ رضي الله عنه បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖
“មិនមែនជាអ្នកមានជំនឿឡើយ អ្នកដែលចូលចិត្តបន្តុះបង្អាប់គេ ចូលចិត្តដាក់បណ្ដាសាគេ និយាយពាក្យសម្ដីអាក្រក់ និងអសីលធម៌នោះ”។
[صحيح] - [رواه الترمذي] - [سنن الترمذي - 1977]

Explanation

ណាពី ﷺ លោកបានប្រាប់ថា មិនមែនជាលក្ខណៈរបស់អ្នកដែលមានជំនឿពេញលេញនោះទេ អ្នកដែលចូលចិត្តនិយាយបន្តុះបង្អាប់អ្នកដទៃទាក់ទងនឹងពូជពង្សរបស់ពួកគេ អ្នកដែលចូលចិត្តជេរប្រមាថប្រទេចផ្តាសាអ្នកដទៃ ហើយនិងអ្នកដែលប្រព្រឹត្តទង្វើអសីលធម៌ទាំងពាក្យសម្តីនិងទង្វើដោយគ្មានភាពអៀនខ្មាសនោះ។

Benefits from the Hadith

1. ការបដិសេធភាពមានជំនឿដែលមានចែងនៅក្នុងភស្តុតាងនានា គឺចំពោះតែការប្រព្រឹត្តប្រការដែលច្បាប់ហាមឃាត់ ឬបោះបង់ចោលប្រការដែលជាកាតព្វកិច្ចប៉ុណ្ណោះ។
2. ជំរុញឱ្យថែរក្សា និងការពារអវយវៈទាំងឡាយពីអំពើអាក្រក់ ជាពិសេសអណ្តាត។
3. អាស្ស៊ិនទី បាននិយាយថា៖ ការប្រើពាក្យ “ចូលចិត្តបន្តុះបង្អាប់គេ ចូលចិត្តដាក់បណ្ដាសាគេ” បង្ហាញថា ចំពោះការបន្តុះបង្អាប់ និងការដាក់បណ្តាសាក្នុងកម្រិតតិចតួច ទៅចំពោះអ្នកដែលសមសក្តិនឹងទទួល គឺមិនប៉ះពាល់ដល់ស្ថានភាព ឬលក្ខណៈសម្បត្តិនៃអ្នកមានជំនឿឡើយ។