ਗੱਲ ਜਾਂ ਬਾਤਾਂ: ਮੋਮਿਨ ਤਾਅਨਾ ਦੇਣ ਵਾਲਾ, ਲਾਹਨਤ ਕਰਨ ਵਾਲਾ, ਬਦਜ਼ੁਬਾਨ ਅਤੇ ਅਸ਼ਲੀਲ ਗੱਲਾਂ ਬੋਲਣ ਵਾਲਾ ਨਹੀਂ ਹੁੰਦਾ।

عَنْ عَبْدِ اللهِ بْنِ مَسْعُودٍ رضي الله عنه قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«لَيْسَ الْمُؤْمِنُ بِالطَّعَّانِ وَلاَ اللَّعَّانِ وَلاَ الفَاحِشِ وَلاَ البَذِيءِ».
[صحيح] - [رواه الترمذي] - [سنن الترمذي: 1977]

ਅਬਦੁੱਲਾਹ ਬਿਨ ਮਸਉਦ (ਰਜ਼ੀਅੱਲਾਹੁ ਅਨਹੁ) ਤੋਂ ਰਿਵਾਇਤ ਹੈ, ਉਹ ਕਹਿੰਦੇ ਹਨ ਕਿ ਅੱਲਾਹ ਦੇ ਰਸੂਲ ﷺ ਨੇ ਫਰਮਾਇਆ:
"ਮੋਮਿਨ ਤਾਅਨਾ ਦੇਣ ਵਾਲਾ, ਲਾਹਨਤ ਕਰਨ ਵਾਲਾ, ਬਦਜ਼ੁਬਾਨ ਅਤੇ ਅਸ਼ਲੀਲ ਗੱਲਾਂ ਬੋਲਣ ਵਾਲਾ ਨਹੀਂ ਹੁੰਦਾ।"
[صحيح] - [رواه الترمذي] - [سنن الترمذي - 1977]

ਵਿਆਖਿਆ

ਅੱਲਾਹ ਦੇ ਨਬੀ ﷺ ਨੇ ਦੱਸਿਆ ਹੈ ਕਿ ਇੱਕ ਸੰਪੂਰਨ ਈਮਾਨ ਵਾਲੇ ਮੋਮਿਨ ਨੂੰ ਸ਼ੋਭਾ ਨਹੀਂ ਦਿੰਦਾ ਕਿ ਕਿਸੇ ਦੀ ਨਸਲ (ਜਾਤ) ਬਾਰੇ ਬੁਰਾ-ਭਲਾ ਕਹੇ, ਬਹੁਤ ਜ਼ਿਆਦਾ ਗਾਲਾਂ ਕੱਢੇ, ਲਾਅਨਤ ਕਰੇ ਅਤੇ ਸ਼ਰਮੋ-ਹਯਾ (ਲਾਜ) ਨੂੰ ਤਿਆਗ ਕੇ ਆਪਣੇ ਸ਼ਬਦਾਂ ਅਤੇ ਕਰਮਾਂ ਰਾਹੀਂ ਅਸ਼ਲੀਲ ਤੇ ਘਿਨਾਉਣੇ ਵਿਵਹਾਰ ਦਾ ਪ੍ਰਗਟਾਵਾ ਕਰੇ।

ਹਦੀਸ ਦੇ ਫਾਇਦੇ ਵਿੱਚੋਂ

1. ਇਸਲਾਮੀ ਨੁਸਖਿਆਂ (ਕੁਰਆਨ ਅਤੇ ਹਦੀਸ) ਵਿੱਚ ਕਿਸੇ ਕੰਮ ਨੂੰ ਕਰਨ ਜਾਂ ਤਰਕ ਕਰਨ ਨਾਲ ਈਮਾਨ ਨਾ ਹੋਣ ਦੀ ਗੱਲ ਉਸੇ ਵੇਲੇ ਹੁੰਦੀ ਹੈ, ਜਦੋਂ ਕੀਤਾ ਗਿਆ ਕੰਮ ਹਰਾਮ ਜਾਂ ਤਰਕ ਕੀਤਾ ਕੰਮ ਵਾਜਿਬ (ਲਾਜ਼ਮੀ) ਹੋਵੇ।
2. ਸ਼ਰੀਰ ਦੇ ਅੰਗਾਂ ਅਤੇ ਖਾਸ ਤੌਰ 'ਤੇ ਜ਼ਬਾਨ ਨੂੰ ਬੁਰਾਈਆਂ ਗੱਲਾਂ ਤੋਂ ਬਚਾਉਣ ਦੀ ਪ੍ਰੇਰਨਾ।
3. ਸਿੰਧੀ ਕਹਿੰਦੇ ਹਨ: 'ਅਲ-ਤਆਨ' (ਬਹੁਤ ਜ਼ਿਆਦਾ ਨਿੰਦਿਆ ਕਰਨਾ) ਅਤੇ 'ਅਲ-ਲਆਨ' (ਬਹੁਤ ਜ਼ਿਆਦਾ ਸਰਾਪ ਦੇਣਾ) ਵਰਗੇ ਤੀਬਰਤਾ ਦਰਸਾਉਣ ਵਾਲੇ ਸ਼ਬਦ ਇਹ ਸੰਕੇਤ ਦਿੰਦੇ ਹਨ ਕਿ ਜੇਕਰ ਇਨ੍ਹਾਂ ਸ਼ਬਦਾਂ ਦੀ ਵਰਤੋਂ ਸੀਮਤ ਹੱਦ ਤੱਕ ਅਤੇ ਉਨ੍ਹਾਂ ਲੋਕਾਂ ਪ੍ਰਤੀ ਜੋ ਇਸਦੇ ਹੱਕਦਾਰ ਹਨ—ਕੀਤੀ ਜਾਵੇ, ਤਾਂ ਇਸ ਨਾਲ ਵਿਅਕਤੀ ਦੇ ਅੰਦਰ ਮੌਜੂਦ ਉਨ੍ਹਾਂ ਗੁਣਾਂ 'ਤੇ ਕੋਈ ਅਸਰ ਨਹੀਂ ਪੈਂਦਾ ਜੋ ਇੱਕ ਮੋਮਿਨ ਦੀ ਪਛਾਣ ਹੁੰਦੇ ਹਨ।