Hədis: “Mömin tənə edən, lənət edən, pis söz danışan və ədəbsiz davranan deyildir”

عَنْ عَبْدِ اللهِ بْنِ مَسْعُودٍ رضي الله عنه قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«لَيْسَ الْمُؤْمِنُ بِالطَّعَّانِ وَلاَ اللَّعَّانِ وَلاَ الفَاحِشِ وَلاَ البَذِيءِ».
[صحيح] - [رواه الترمذي] - [سنن الترمذي: 1977]

Abdullah bin Məsuddan (Allah ondan razı olsun) rəvayət edilir ki, o, belə demişdir: Allahın Rəsulu (Allahın salavatı və salamı onun üzərinə olsun) buyurdu:
“Mömin tənə edən, lənət edən, pis söz danışan və ədəbsiz davranan deyildir”.
[Səhih] - [Ət-Tirmizi rəvayət etdi] - [Sünən Ət-Tirmizi - 1977]

Şərh (izah)

Peyğəmbər (Allahın salavatı və salamı onun üzərinə olsun) xəbər verir ki, insanları nəsillərinə görə ayıblamaq, tez-tez söyüş söymək və lənət etmək, ədəbsiz, çirkin söz danışmaq və hərəkət etmək möminin sifəti deyil.

Hədisin faydalarından

1. Şəriət mətnlərində imanın inkar edilməsi yalnız haramın işlənməsi və ya vacibin tərki səbəbi ilə olur.
2. Əzaları, xüsusən də dili pisliklərdən qorumağa təşviq etmək.
3. Sindi demişdir: “(ət-Taan, əl-Ləən) Tənə edən və lənət edən” kəlmələrinin mübaliğə formasında gəlməsi onun göstəricisidir ki, az halda bu ifadələrin layiq olan şəxsə söylənməsi iman əhlinin bu sifətlə vəsf olunmasına xələl gətirmir.