ဟဒီးဆ်: မုအ်မင်န်သည် လူတို့အား အလွန်ပင်အပြစ်ရှာသူ၊ အလွန်ပင်ကျိန်ဆဲသူ၊ ညစ်ညမ်းသောစကား၊ အရှက်တရားကင်းမဲ့သည့် လုပ်ရပ်တို့ကို ကျူးလွန်သူ မဟုတ်ပေ။

عَنْ عَبْدِ اللهِ بْنِ مَسْعُودٍ رضي الله عنه قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«لَيْسَ الْمُؤْمِنُ بِالطَّعَّانِ وَلاَ اللَّعَّانِ وَلاَ الفَاحِشِ وَلاَ البَذِيءِ».
[صحيح] - [رواه الترمذي] - [سنن الترمذي: 1977]

ဤဘာသာပြန်ဆိုချက်ကို ပိုမိုသုံးသပ်ရန်နှင့် စစ်ဆေးရန်လိုအပ်သည်။.

အဗ်ဒုလ္လာဟ်ဗင်န် မတ်စ်အူးဒ် (ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်။
မုအ်မင်န်သည် လူတို့အား အလွန်ပင်အပြစ်ရှာသူ၊ အလွန်ပင်ကျိန်ဆဲသူ၊ ညစ်ညမ်းသောစကား၊ အရှက်တရားကင်းမဲ့သည့် လုပ်ရပ်တို့ကို ကျူးလွန်သူ မဟုတ်ပေ။
[ဤဟဒီးဆ်သည် ဆွဟီးဟ် အဆင့်ရှိသည်။] - [သိရ်မိဇီကျမ်း။] - [سنن الترمذي - 1977]

ရှင်းလင်းချက်

တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) မိန့်ကြားတော်မူသည်မှာ- လူတို့၏မျိုးရိုးဂုဏ်သိက္ခာကို အလွန်ကဲ့ရဲ့ရှုံ့ချသူ၊ များစွာဆဲရေးတိုင်းထွာသူနှင့် အလွန်ကျိန်ဆဲသူ၊ စက်ဆုပ်ဖွယ်ကောင်းသောအပြုအမူနှင့် ရိုင်းစိုင်းသောစကားကို မရှက်မကြောက်ဘဲ ပြောဆိုတတ်သူဖြစ်ခြင်းတို့သည် အီမာန်ပြည့်ဝသောမုအ်မင်န်တစ်ဦး၏ အချင်းလက္ခဏာမဟု‌တ်ပေ။

ဟဒီးဆ်မှ သိမှတ်ဖွယ်ရာများ

1. ဟဒီးဆ်တော်များတွင် "ပြည့်ဝသော အီမာန်ယုံကြည်သူ မဟုတ်" ဟု ငြင်းပယ်ထားခြင်းမှာ ဟရာမ်လုပ်ရပ်တစ်ခုကို ကျုးလွန်ခြင်း သို့မဟုတ် ဝါဂျိဗ်တာဝန်တစ်ရပ်ကို စွန့်လွှတ်ခြင်းကြောင့်သာ ဖြစ်သည်။
2. ကိုယ်အင်္ဂါအစိတ်အပိုင်းများကို မကောင်းမှုအပြစ်အနာအဆာများမှ ထိန်းသိမ်းရန်၊ အထူးသဖြင့် နှုတ်လျှာကို ထိန်းသိမ်းရန် တိုက်တွန်းထားသည်။
3. အိမာမ် ဆင်န်ဒီက ဤသို့ဆိုထားသည်- "အလွန်ကဲ့ရဲ့ပြစ်တင်သူ" နှင့် "အလွန်လအ်နသ်ကျိန်ဆဲသူ" ဟူသော အသုံး
4. အနှုန်းများတွင် အတိုင်းထက်အလွန် သုံးစွဲမှုပုံစံ သဘောသက်ရောက်သည်။ ၎င်းသည် ပြစ်တင်ကျိန်ဆဲခံထိုက်သူအား အနည်းငယ်ကဲ့ရဲ့ပြစ်တင် ကျိန်ဆဲခြင်းသည် အီမာန်ရှင်များ၏ ဂုဏ်ရည်နှင့် ပြည့်စုံမှုကို မထိခိုက်စေကြောင်း ညွှန်ပြနေသည်။