Hadith: “នឹងមានក្រុមមួយក្នុងចំណោមប្រជាជាតិរបស់ខ្ញុំដែលតែងតែបន្តទទួលបានជ័យជម្នះ រហូតដល់កិច្ចការរបស់អល់ឡោះបានមកដល់ពួកគេ ខណៈដែលពួកគេនៅតែទទួលបានជ័យជម្នះ”។

عَنِ المُغِيرَةِ بْنِ شُعْبَةَ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«لاَ يَزَالُ طَائِفَةٌ مِنْ أُمَّتِي ظَاهِرِينَ، حَتَّى يَأْتِيَهُمْ أَمْرُ اللَّهِ وَهُمْ ظَاهِرُونَ».
[صحيح] - [متفق عليه] - [صحيح البخاري: 7311]

អំពី អាល់មូហ្គីរ៉ោះ ពិន ស្ហួកហ្ពះ رضي الله عنه អំពីណាពី ﷺ លោកបានមានប្រសាសន៍ថា៖
“នឹងមានក្រុមមួយក្នុងចំណោមប្រជាជាតិរបស់ខ្ញុំដែលតែងតែបន្តទទួលបានជ័យជម្នះ រហូតដល់កិច្ចការរបស់អល់ឡោះបានមកដល់ពួកគេ ខណៈដែលពួកគេនៅតែទទួលបានជ័យជម្នះ”។
[صحيح] - [متفق عليه] - [صحيح البخاري - 7311]

Explanation

ណាពី ﷺ លោកបានប្រាប់ថា ជាការពិតណាស់ នឹងមានក្រុមមួយក្នុងចំណោមប្រជាជាតិរបស់ខ្ញុំដែលតែងតែបន្តទទួលបានជ័យជម្នះ ហើយកម្ចាត់ពួកអ្នកទាំងឡាយដែលប្រឆាំងនឹងពួកគេ រហូតដល់បទបញ្ជារបស់អល់ឡោះបានមកដល់ ដោយដកយកជីវិតពួកគេនៅសម័យកាលចុងក្រោយនៃលោកិយមុននឹងថ្ងៃបរលោកបានមកដល់។

Benefits from the Hadith

1. បញ្ជាក់ពីអច្ឆរិយភាពមួយរបស់ណាពី ﷺ ។ ជាការពិតណាស់ លក្ខណៈនេះនៅតែមានតាំងពីសម័យណាពី ﷺ រហូតដល់សព្វថ្ងៃ និងនៅតែបន្តមាន រហូតដល់កិច្ចការរបស់អល់ឡោះដូចដែលបានលើកឡើងក្នុងហាទីស្ហនេះបានមកដល់។
2. គុណតម្លៃនៃការប្រកាន់ខ្ជាប់នឹងសេចក្តីពិត និងអនុវត្តតាមវា ព្រមទាំងជំរុញលើរឿងនេះ។
3. ជ័យជម្នះនៃសាសនាមានពីរប្រភេទ គឺជ័យជម្នះតាមរយៈអំណះអំណាង និងការបញ្ជាក់ ហើយនិងជ័យជម្នះតាមរយៈកម្លាំង និងអាវុធ។ ចំពោះជ័យជម្នះដែលនៅគង់វង្សរហូត គឺជាជ័យជម្នះតាមរយៈអំណះអំណាង និងការបញ្ជាក់ ព្រោះថាអំណះអំណាងនៃអ៊ីស្លាម គឺគម្ពីរគួរអាន ច្បាស់លាស់ និងយកឈ្នះលើអ្វីៗផ្សេងទៀត។ ក៏ប៉ុន្តែប្រភេទទីពីរនៃជ័យជម្នះ គឺជ័យជម្នះតាមរយៈកម្លាំងនិងអាវុធ គឺវាអាស្រ័យទៅលើកម្រិតនៃជំនឿ និងការពង្រឹងអំណាចនៅលើផែនដី។