حدیث: تل به زما د امت یوه ډله برلاسي وي، تر دې چې د الله امر راشي، او دوی به همداسې برلاسي وي

عَنِ المُغِيرَةِ بْنِ شُعْبَةَ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«لاَ يَزَالُ طَائِفَةٌ مِنْ أُمَّتِي ظَاهِرِينَ، حَتَّى يَأْتِيَهُمْ أَمْرُ اللَّهِ وَهُمْ ظَاهِرُونَ».
[صحيح] - [متفق عليه] - [صحيح البخاري: 7311]

له مغیره بن شعبة رضی الله عنه نه روایت دی چې رسول الله صلی الله علیه وسلم وفرمایل:
«تل به زما د امت یوه ډله برلاسي وي، تر دې چې د الله امر راشي، او دوی به همداسې برلاسي وي».
[صحيح دی] - [متفق علیه دی] - [صحيح البخاري - 7311]

تشریح

نبي صلی الله علیه وسلم خبر ورکړی چې زما د امت یوه ډله به تل پر خلکو برلاسې وي، پر خپلو مخالفینو به غالبه وي، تر دې چې د الله امر راشي – یعنې د دوی ارواح الله تعالی واخلي – د دنیا د پای پر مهال، مخکې له دې چې قیامت راشي.

د حديث له ګټو څخه

1. دا د نبي صلی الله علیه وسلم یوه ښکاره معجزه ده، ځکه دا صفت د نبي صلی الله علیه وسلم له زمانې راهیسې تر نن ورځې پورې الحمد لله پاتې دی، او همداسې به وي تر هغه وخته چې د الله امر راشي، لکه څنګه چې په حدیث کې ذکر شوی دی.
2. پر حق د ثابت پاتې کېدو او پرې د عمل کولو فضیلت او پرې ټینګار.
3. د دین ظهور دوه ډولونه لري: یا د دلیل، بیان، او وضاحت له لارې او یا د ځواک او جګړې له لارې، د دلیل او بیان له لارې ظهور تل پاتې دی، ځکه د اسلام دلیل قرآن دی او قرآن څرګند او پر هر څه غالب دی، خو دویم ډول ظهور، چې د ځواک او جګړې له لارې دی نو دا ایمان او ځمکه کې واکمنۍ ته په لیدو دی.