ሓዲሥ: ነጭ ልብስ ምርጡ ልብሳችሁ ነውና ከልብሶቻችሁ መካከል ነጩን ልብስን ልበሱ። ሟቾቻችሁንም በርሱ ከፍኑ።

عَنِ ابْنِ عَبَّاسٍ رَضيَ اللهُ عنهُما قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«البَسُوا مِنْ ثِيَابِكُمُ البَيَاضَ، فَإِنَّهَا مِنْ خَيْرِ ثِيَابِكُمْ، وَكَفِّنُوا فِيهَا مَوْتَاكُمْ».
[صحيح] - [رواه أبو داود والترمذي وابن ماجه] - [سنن الترمذي: 994]

ከኢብኑ ዐባስ ረዲየሏሁ ዓንሁ -አላህ መልካም ስራቸውን ይውደድላቸውና- እንደተላለፈው እንዲህ አሉ: «የአላህ መልክተኛ ሶለላሁ ዐለይሂ ወሰለም -የአላህ ሶላትና ሰላም በእርሳቸው ላይ ይስፈንና- እንዲህ አሉ:
"ነጭ ልብስ ምርጡ ልብሳችሁ ነውና ከልብሶቻችሁ መካከል ነጩን ልብስን ልበሱ። ሟቾቻችሁንም በርሱ ከፍኑ።"»
[ሶሒሕ ነው።] - [አቡዳውድ፣ ቲርሚዚና ኢብኑ ማጀህ ዘግበውታል።] - [ሱነን ቲርሚዚ - 994]

ትንታኔ

ነቢዩ ሶለሏሁ ዐለይሂ ወሰለም -የአላህ ሶላትና ሰላም በእርሳቸው ላይ ይስፈንና- ነጭ ልብስ ምርጥ ልብስ ስለሆነ ወንዶች ነጭ ልብስ እንዲለብሱና ሟቾቻቸውንም በነጭ ልብስ እንዲከፍኑ ጠቆሙ።

ከሐዲሱ የምንጠቀማቸው ቁምነገሮች

1. ነጭ ልብስ መልበስ እንደሚወደድ እንረዳለን። ከነጭ ውጪ ያለ ልብስም ይፈቀዳል።
2. ሟችን በነጭ ከፈን መከፈን እንደሚወደድ እንረዳለን።
3. ሸውካኒይ እንዲህ ብለዋል: "ሐዲሡ ነጭ ልብስ መልበስና ሟችን በነጭ ከፈን መከፈን የተደነገገ እንደሆነ ይጠቁማል። ይህም ከሌሎች ቀለሞች የፀዳና ውብ ስለሆነ ነው። ከሌሎች ቀለሞች ውብ መሆኑ ግልፅ የሆነ ጉዳይ ነው። ከሌሎች ቀለሞች የፀዳ መሆኑ ደግሞ በርሱ ላይ ትንሽ ነገር ቢያርፍበት እንኳ ግልፅ ብሎ ይታያልና። በነዚህ ምክንያቶችም ሌሎችን ቀለሞች ይበልጣል።"