ഹദീസ്: നിങ്ങളുടെ വസ്ത്രങ്ങളിൽ നിന്ന് വെള്ള നിറമുള്ളവ നിങ്ങൾ ധരിക്കുക; നിങ്ങളുടെ വസ്ത്രങ്ങളിൽ ഏറ്റവും നല്ലത് അതാണ്. നിങ്ങളിൽ മരണപ്പെടുന്നവരെ അതിൽ നിങ്ങൾ കഫൻ ധരിപ്പിക്കുകയും ചെയ്യുക

عَنِ ابْنِ عَبَّاسٍ رَضيَ اللهُ عنهُما قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«البَسُوا مِنْ ثِيَابِكُمُ البَيَاضَ، فَإِنَّهَا مِنْ خَيْرِ ثِيَابِكُمْ، وَكَفِّنُوا فِيهَا مَوْتَاكُمْ».
[صحيح] - [رواه أبو داود والترمذي وابن ماجه] - [سنن الترمذي: 994]

ഇബ്‌നു അബ്ബാസ് -رَضِيَ اللَّهُ عَنْهُمَا- നിവേദനം: നബി -ﷺ- പറഞ്ഞു:
"നിങ്ങളുടെ വസ്ത്രങ്ങളിൽ നിന്ന് വെള്ള നിറമുള്ളവ നിങ്ങൾ ധരിക്കുക; നിങ്ങളുടെ വസ്ത്രങ്ങളിൽ ഏറ്റവും നല്ലത് അതാണ്. നിങ്ങളിൽ മരണപ്പെടുന്നവരെ അതിൽ നിങ്ങൾ കഫൻ ധരിപ്പിക്കുകയും ചെയ്യുക."
[സ്വഹീഹ്] - [رواه أبو داود والترمذي وابن ماجه] - [سنن الترمذي - 994]

വിശദീകരണം

വെള്ളനിറമുള്ള വസ്ത്രം ധരിക്കാനും, മരണപ്പെട്ടവരെ വെള്ളവസ്ത്രത്തിൽ കഫൻ ചെയ്യാനും നബി (ﷺ) ഉണർത്തുന്നു; വസ്ത്രങ്ങളിൽ ഏറ്റവും നല്ലത് വെള്ളനിറമുള്ളവയാണ്.

ഹദീഥിൻ്റെ പാഠങ്ങളിൽ നിന്ന്

1. വെള്ളവസ്ത്രം ധരിക്കുന്നത് പുണ്യകരമാണ്; അതല്ലാത്ത നിറങ്ങളുള്ള വസ്ത്രങ്ങൾ ധരിക്കുന്നത് അനുവദനീയവുമാണ്.
2. മരണപ്പെട്ടവരെ വെള്ളത്തുണിയിൽ കഫൻ ചെയ്യുക എന്നത് പുണ്യകരമാണ്.
3. ശൗകാനീ (رحمه الله) പറഞ്ഞു: "വെള്ള വസ്ത്രം ധരിക്കുന്നതും മരണപ്പെട്ടവരെ വെള്ള ധരിപ്പിക്കുന്നതും നല്ലതാണെന്നതിന് ഈ ഹദീഥ് തെളിവാണ്. കാരണം മറ്റു വസ്ത്രങ്ങളെക്കാൾ ശുദ്ധിയുള്ളതും നല്ലതും വെള്ളവസ്ത്രമാണ്. അത് ഏറ്റവും നല്ലതാണെന്ന് പറയാനുള്ള കാരണം വളരെ വ്യക്തമാണ്. എന്നാൽ അതാണ് ഏറ്റവും ശുദ്ധം എന്നു പറയാനുള്ള കാരണം അതിൽ എന്തെങ്കിലും ചെറിയ മാലിന്യം പറ്റിപിടിച്ചാലും അത് പെട്ടെന്ന് വ്യക്തമാകുന്നതാണ്."