హదీథు: “ఓక వ్యక్తి ప్రవక్త సల్లల్లాహు అలైహి వసల్లం ను ఇలా ప్రశ్నించాడు: “ఇస్లాంలో ఏ విషయం అన్నింటి కంటే ఉత్తమమైనది?” దానికి ప్రవక్త సల్లల్లాహు అలైహి వసల్లం ఇలా అన్నారు: “(ఆకలిగొన్న వారికి) అన్నం తినిపించడం, ‘సలాం’ చేయడం, నీకు పరిచయం ఉన్న వారికీ, మరియు నీకు పరిచయం లేని వారికీ కూడా”

عَنْ عَبْدِ اللَّهِ بْنِ عَمْرٍو رَضِيَ اللَّهُ عَنْهُمَا:
أَنَّ رَجُلًا سَأَلَ النَّبِيَّ صَلَّى اللهُ عَلَيْهِ وَسَلَّمَ: أَيُّ الإِسْلاَمِ خَيْرٌ؟ قَالَ: «تُطْعِمُ الطَّعَامَ، وَتَقْرَأُ السَّلاَمَ عَلَى مَنْ عَرَفْتَ وَمَنْ لَمْ تَعْرِفْ».
[صحيح] - [متفق عليه] - [صحيح البخاري: 12]

అబ్దుల్లాహ్ ఇబ్న్ అమ్ర్ రజియల్లాహు అన్హుమా ఉల్లేఖనం :
“ఓక వ్యక్తి ప్రవక్త సల్లల్లాహు అలైహి వసల్లం ను ఇలా ప్రశ్నించాడు: “ఇస్లాంలో ఏ విషయం అన్నింటి కంటే ఉత్తమమైనది?” దానికి ప్రవక్త సల్లల్లాహు అలైహి వసల్లం ఇలా అన్నారు: “(ఆకలిగొన్న వారికి) అన్నం తినిపించడం, ‘సలాం’ చేయడం, నీకు పరిచయం ఉన్న వారికీ, మరియు నీకు పరిచయం లేని వారికీ కూడా”.
[ప్రామాణికమైన హదీథు] - [అల్ బుఖారీ మరియు ముస్లిం నమోదు చేసినారు] - [సహీహ్ అల్ బుఖారీ - 12]

వ్యాఖ్యానము

ఈ హదీసులో ప్రవక్త సల్లల్లాహు అలైహి వసల్లంను ఇలా అడగడం జరిగింది – ఇస్లాంలో ఏ విషయం అన్నింటి కంటే ఉత్తమమైనది? దానికి ప్రవక్త సల్లల్లాహు అలైహి వసల్లం రెండు విషయాలను ప్రస్తావించారు:
మొదటిది: పేదలకు తరచుగా అన్నం పెట్టడం, ఇందులో స్వచ్ఛంద సేవ, బహుమతులు, ఆతిథ్యం ఇవ్వడం మరియు విందు భోజనాలు ఏర్పాటు చేయడం ఉన్నాయి. ఇతరులకు ఆహారం ఇవ్వడం వల్ల కలిగే ప్రయోజనం కరువు, ధరల పెరుగుదల కాలంలో మరింత స్పష్టమవుతుంది.
రెండవది: ప్రతి ముస్లిం కి ‘సలాం’ చేయడం, వారు నీకు పరిచయం ఉన్నవారైనా, పరిచయం లేని వారైనా సరే.

హదీథు యొక్క ప్రయోజనాలలో నుండి

1. ఇందులో ప్రవక్త సల్లల్లాహు అలైహి వసల్లం యొక్క సహాబాలు – ఈ ప్రాపంచిక జీవితానికీ, పరలోక జీవితానికీ ప్రయోజనకరమైన విషయాలను తెలుసుకోవడం పట్ల ఎక్కువ ఆసక్తి కలిగి ఉండే వారు అని తెలుస్తున్నది.
2. ‘సలాం’ చేయుట (శాంతి శుభాకాంక్షలు తెలియజేయడం), ఇతరులకు ఆహారం అందించుట అనే ఆచరణలు ఇస్లాం ధర్మంలో ఉత్తమమైన ఆచరణలు, వాటి ఘనత కారణంగా మరియు ప్రజలకు అన్ని వేళలా వాటి అవసరం కారణంగా మనకు వాటి ఔన్నత్యం తెలుస్తున్నది.
3. ఈ రెండు గుణాలు మనలోని కరుణను, మంచితనాన్ని మన మాటల్లోనూ, మన ఆచరణల్లోనూ సమ్మిళితం చేసి చూపిస్తాయి, ఇది ‘ఇహ్’సాన్’ (కరుణ, మంచితనం మొ.) యొక్క అత్యంత పరిపూర్ణమైన రూపం.
4. ఈ లక్షణాలు ముస్లింలు ఒకరితో ఒకరు వ్యవహరించే విధానానికి సంబంధించినవి; మరియు ముస్లిములు తమ ప్రభువుతో వ్యవహరించే విధానానికి సంబంధించిన ఇతర లక్షణాలు కూడా ఉన్నాయి.
5. ఒకరికొకరు ‘సలాం’ చేయడం (శాంతి శుభాకాంక్షలు తెలియజేయడం), ఒకరికొకరు ముందుగా ‘సలాం’ చేయుట కొరకు యత్నించడం – ఇది కేవలం ముస్లిం సహోదరులకు మాత్రమే ప్రత్యేకమైనది. కనుక ఒక ముస్లిం అవిశ్వాసులకు ముందుగా సలాం చేయరాదు.