हदीस: एक व्यक्तिले रसूल (सल्लल्लाहु अलैहि वसल्लम) लाई सोधे : इस्लामको सबैभन्दा राम्रो कर्म कुन हो ? उहाँले जवाफ दिनुभयो: "खाना खुवाउनु अनि परिचित र अपरिचित सबैलाई सलाम (अभिवादन) गर्नु ।
عَنْ عَبْدِ اللَّهِ بْنِ عَمْرٍو رَضِيَ اللَّهُ عَنْهُمَا:
أَنَّ رَجُلًا سَأَلَ النَّبِيَّ صَلَّى اللهُ عَلَيْهِ وَسَلَّمَ: أَيُّ الإِسْلاَمِ خَيْرٌ؟ قَالَ: «تُطْعِمُ الطَّعَامَ، وَتَقْرَأُ السَّلاَمَ عَلَى مَنْ عَرَفْتَ وَمَنْ لَمْ تَعْرِفْ».
[صحيح] - [متفق عليه]
المزيــد ...
अब्दुल्लाह बिन अम्र (रजियल्लाहु अन्हुमा) ले वर्णन गरेका छन्,
एक व्यक्तिले रसूल (सल्लल्लाहु अलैहि वसल्लम) लाई सोधे : इस्लामको सबैभन्दा राम्रो कर्म कुन हो ? उहाँले जवाफ दिनुभयो: "खाना खुवाउनु अनि परिचित र अपरिचित सबैलाई सलाम (अभिवादन) गर्नु ।"
सही - मुत्तफकुन अलैहि
रसूल (सल्लल्लाहु अलैहि वसल्लम) सित सोधियो: इस्लामको सबैभन्दा राम्रो विशेषता के हो ? उहाँले दुईवटा विशेषता वताउनुभयो :
पहिलो: गरिबहरूलाई खुवाउनु, यसमा सदका, हदिया (उपहार), दाअवत र वलीमा आदि समावेश छन् । विशेषगरी अनिकाल र उच्च महँगीको समयमा खुवाउनुको ठूलो महत्व छ ।
दोस्रो: परिचित वा अपरिचित हरेक मुस्लिमलाई सलाम (अभिवादन) गर्नु ।
हदीसका केही फाइदाहरू
- सहाबाहरू लोक परलोकमा फायदा पुर्याउने गुणहरू जान्न उत्सुक थिए ।
- सलाम गर्नु र खाना खुवाउनु इस्लामका उत्कृष्ट कार्यहरू हुन्; किनभने एउटा यसको छुट्टै सद्गुण हो र अर्को मानिसहरूलाई सधैं यसको आवश्यकता हुन्छ ।
- यी दुई गुणहरूले, वचन र कर्ममा परोपकारको संयोजन हुन्छ, जुन दया र परोपकारको उत्तम रूप हो ।
- यी गुणहरू मुस्लिमले एकअर्कासँग गर्ने व्यवहारसँग सम्बन्धित छन्, जबकि केही कार्यहरू भक्तले आफ्नो पालनकर्तासँग गर्ने अन्तरक्रियासँग सम्बन्धित छन् ।
- सलाम (अभिवादन) मा पहल गर्नु मुस्लिमहरूबीच मात्र सीमित छ, त्यसैले गैर-मुस्लिमहरूलाई अभिवादन गर्न पहल गर्नु हुँदैन ।
थप
- हदीस: दैनिक पाँच नमाज, र एक शुक्रवारदेखि अर्को शुक्रबार (सम्मको प्रार्थना) र एक रमजानदेखि अर्को रमजान (सम्मको उपवास) ले ती दिनहरु बीच भएका पापहरू लाई मेटाई दिन्छ, यस शर्त साथ कि व्यक्तिले ठूला पापहरूबाट आफूलाई जोगाइ रहोस् ।
- हदीस: एक मुस्लिमको अर्को मुस्लिममाथि पाँच अधिकारहरू छन्; सलाम (अभिवादन) को जवाफ फर्काउने, बिरामीलाई (हालखबर लिन) भेट्न जाने, जनाजा (अन्त्येष्टि) मा सहभागी हुने, निमन्त्रणा स्वीकार गर्ने र हाछ्युँ गर्नेलाई जवाफ1 दिने ।
- हदीस: निस्सन्देह, अल्लाहको सम्पत्ति दुरुपयोग गर्नेहरुको परिणाम कयामतको दिन नरक हो ।
- हदीस: मृतकलाई गालीगलौज नगर, किनकि उनीहरू अघि पठाएका (असल वा नराम्रा) कर्महरूमा पुगिसकेका छन् ।”
- हदीस: “कुनै व्यक्तिलाई आफ्नो भाइसँग तीन दिनभन्दा बढी कुरा नगर्ननु जायज छैन । दुबै एक अर्कालाई भेट्छन् तर अर्कोतिर मुख फर्काएर फर्कन्छ । दुई मध्ये सबैभन्दा राम्रो त्यो हो जसले सलाममा पहल गर्छ ।
- हदीस: सम्बन्ध तोड्ने व्यक्ति स्वर्गमा प्रवेश गर्नेछैन ।
- हदीस: अल्लाहको नजरमा सबैभन्दा घृणित व्यक्ति त्यो हो जो अत्यन्त झगडालु र सधैं विवादमा रहन्छ ।