Ab Adiis: ku giñ daal di wax: giñ naa ci Laata ak Hussaa, na wax: laa ilaaha illal-Laahu, ku wax àndandoom ne ko: kaay ñu kàrt na saraxe

عَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«مَنْ حَلَفَ فَقَالَ فِي حَلِفِهِ: وَاللَّاتِ وَالعُزَّى، فَلْيَقُلْ: لاَ إِلَهَ إِلَّا اللَّهُ، وَمَنْ قَالَ لِصَاحِبِهِ: تَعَالَ أُقَامِرْكَ، فَلْيَتَصَدَّقْ».
[صحيح] - [متفق عليه] - [صحيح البخاري: 4860]

Jële na ñu ci Abuu Hurayrata yal na ko Yàlla dollee gërëm mu wax ne: Yonnente Yàlla bi yal na ko Yàlla dolli xéewal ak mucc nee na:
«ku giñ daal di wax: giñ naa ci Laata ak Hussaa, na wax: laa ilaaha illal-Laahu, ku wax àndandoom ne ko: kaay ñu kàrt na saraxe».
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Al-buxaariy bi gën a wér - 4860]

Leeral

Yonnente bi yal na ko Yàlla dolli xéewal ak mucc day moytandikuloo giñ ci ku dul Yàlla; ndax jullit du giñ ci ku dul Yàlla, Muy xamle ne ku giñ ci ku dul Yàlla; niki ku wax: giñ naa ci Laata ak Hussaa -ñaari xërëm lañu yu ñu doon jaamu ca ceddo ga lu jiitu lislaam - war na ci moom mu dabaatal ko daal di wax: laa ilaaha illal-Laahu, ngir set wicc ci bokkaale, ak kaffaara ngiñam loolu.
Yonnente bi yal na ko Yàlla dolli xéewal ak mucc xibaare ne ku wax àndandoom ne ko: kaay ñu fo ci kaart, -te mooy ñaar walla lu ko ëpp rawante teg alal ci seen diggante ku not jël ko, te manul ñàkk kenn ci ñoom ñaar gañe walla mu ñàkk-, kon sopp nañu mu saraxe dara ngir kaffaara loolu mu woote.

Bokk na ci njariñi Adiis bi

1. Giñ ci Yàlla rekk lañu koy def walla ci ay turam ak i meloom.
2. Giñ ci ku dul Yàlla mu kawe mi dafa araam, moo xam dafa giñ ci xërëm yi niki Laata ak Hussaa, walla mu giñ ci kóolute, walla ci Yonnente bi mbaa leneen.
3. Al-Xattaabii nee na: giñ ci ki ñuy jaamu di ko màggal lañu koy def, kon bu giñee ci Laata ak lu ko niru moo ngay roy yéefar ya, mu digle mu dabaatal ko ci baatub Tawhiid.
4. Ki giñ ci ku dul Yàlla kaffaarag giñ waru ko, waaye li ko war mooy mu dellu ci Yàlla jéggalu ko; ndaxte loolu tuub rekk mookoy far.
5. Kart dafa araam ci gépp anam, te mooy kart gi Yàlla araamal lënkale ko ak sàngara ak xërëm yi.
6. War nañoo dellu bàyyi ag moy Yàlla ca jamano ya ñu ko defee.
7. Ku tàbbi ci ñaawteef war na caa teg lu rafet; ndaxte yu rafet yi dañuy far
8. ñaawteef yi.