Hadithi: “Mos e mbani me dorën e djathtë organin gjenital gjatë urinimit e as mos u pastroni nga jashtëqitja me dorën e djathtë, si dhe mos merrni frymë në enë (gjatë pirjes në të)!”

عَنْ أَبِي قَتَادَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا يُمْسِكَنَّ أَحَدُكُمْ ذَكَرَهُ بِيَمِينِهِ وَهُوَ يَبُولُ، وَلَا يَتَمَسَّحْ مِنَ الْخَلَاءِ بِيَمِينِهِ، وَلَا يَتَنَفَّسْ فِي الْإِنَاءِ».
[صحيح] - [متفق عليه] - [صحيح مسلم: 267]

Ebu Katadja (Allahu qoftë i kënaqur me të!) transmeton se i Dërguari i Allahut ﷺ ka thënë:
“Mos e mbani me dorën e djathtë organin gjenital gjatë urinimit e as mos u pastroni nga jashtëqitja me dorën e djathtë, si dhe mos merrni frymë në enë (gjatë pirjes në të)!”
[Ky hadith është sahih] - [Muttefek alejhi] - [Sahihu i Muslimit - 267]

Shpjegimi

Profeti ﷺ në këtë hadith sqaroi disa norma të edukatës, ku ndaloi që njeriu ta mbajë me dorën e djathtë organin gjenital gjatë urinimit dhe ndaloi të largohet papastërtia nga organi gjenital ose anusi me dorën e djathtë, sepse e djathta përdoret për gjëra të mira dhe të ndershme. Gjithashtu ndaloi që njeriu të marrë frymë në enën në të cilën pi.

Mësime nga hadithi

1. Sqarim se Islami u ka paraprirë të tjerëve në normat rreth edukatës dhe pastërtisë.
2. Shmangia nga gjërat e pista, por, nëse dikush detyrohet t'i prekë, atëherë ta bëjë me të majtën.
3. Sqarim për fisnikërinë e dorës së djathtë dhe epërsinë e saj ndaj së majtës.
4. Sheriati islam (feja) është e përsosur dhe mësimet e tij janë universale.