Hadith: “ជាការពិតណាស់ រូបខ្ញុំមិនត្រូវបានគេតែងតាំងមកជាអ្នកប្រទេចផ្តាសានោះឡើយ។ តាមពិត រូបខ្ញុំត្រូវបានគេតែងតាំងមកដើម្បីជាក្តីមេត្តាករុណាប៉ុណ្ណោះ”។

عَنْ أَبِي هُرَيْرَةَ رَضِيَ اللَّهُ عَنْهُ قَالَ: قِيلَ: يَا رَسُولَ اللهِ ادْعُ عَلَى المُشْرِكِينَ قَالَ:
«إِنِّي لَمْ أُبْعَثْ لَعَّانًا، وَإِنَّمَا بُعِثْتُ رَحْمَةً».
[صحيح] - [رواه مسلم] - [صحيح مسلم: 2599]

អំពី អាពូហ៊ូរ៉យរ៉ោះ رضي الله عنه បាននិយាយថា៖ មានគេនិយាយថា៖ ឱរ៉ស៊ូលុលឡោះ! សូមលោកបួងសួងឲ្យពួកពហុទេពនិយម(មុស្ហរីគីន)វិនាសផងចុះ។ លោកបានមានប្រសាសន៍ថា៖
“ជាការពិតណាស់ រូបខ្ញុំមិនត្រូវបានគេតែងតាំងមកជាអ្នកប្រទេចផ្តាសានោះឡើយ។ តាមពិត រូបខ្ញុំត្រូវបានគេតែងតាំងមកដើម្បីជាក្តីមេត្តាករុណាប៉ុណ្ណោះ”។
[صحيح] - [رواه مسلم] - [صحيح مسلم - 2599]

Explanation

មានគេស្នើសុំណាពី ﷺ ឲ្យបួងសួងពីអល់ឡោះជាម្ចាស់សុំឲ្យពួកពហុទេពនិយមវិនាសអន្តរាយ។ ពេលនោះ លោកបានមានប្រសាសន៍ថា៖ ជាការពិតណាស់ រូបខ្ញុំមិនត្រូវបានអល់ឡោះតែងតាំង និងបញ្ជូនមកធ្វើជាអ្នកប្រទេចផ្តាសា បួងសួងឲ្យមនុស្សវិនាសអន្តរាយ សុំឲ្យឃ្លាតឆ្ងាយពីក្តីមេត្តាករុណារបស់អល់ឡោះ និងឲ្យពួកគេលែងទទួលបាននូវប្រការល្អនោះឡើយ។ ពិតណាស់ រូបខ្ញុំមិនត្រូវបានគេតែងតាំងមកដើម្បីធ្វើរឿងទាំងនេះឡើយ។ តាមពិត រូបខ្ញុំត្រូវបានគេតែងតាំងមកដើម្បីជាមូលហេតុនាំមកនូវប្រការល្អ ព្រមទាំងជាក្តីមេត្តាចំពោះមនុស្សទូទៅ និងសម្រាប់អ្នកមានជំនឿទាំងឡាយជាពិសេស។

Benefits from the Hadith

1. បញ្ជាក់ពីភាពពេញលេញនៃសីលធម៌របស់ណាពី ﷺ។
2. សារៈសំខាន់នៃការសម្អាតខ្លួនឲ្យបរិសុទ្ធចាកផុតពីការជេរប្រមាថ និងដាក់បណ្តាសា ជាការអនុវត្តតាមគំរូណាពី ﷺ។
3. ហាទីស្ហនេះហាមឃាត់ពីការដាក់បណ្តាសា។
4. ជំរុញឲ្យមានក្តីមេត្តាករុណាចំពោះមនុស្ស។