1. ទំព័រ​ដេីម
  2. បញ្ជីទាំងអស់
  3. Da‘wah and Hisbah

ហាទីស្ហ “ជាការពិតណាស់ នឹងកើតមានឡើងនូវមេដឹកនាំជាច្រើនដែលភូតកុហក និងប្រព្រឹត្តអំពើអយុត្តិធម៌។ ដូចនេះ ជនណាដែលជឿជាក់ចំពោះការកុហករបស់ពួកគេ និងជួយពួកគេលើការប្រព្រឹត្តអំពើអយុត្តិធម៌របស់ពួកគេនោះ ពិតប្រាកដណាស់ ជននោះពុំមែនជាក្រុមរបស់ខ្ញុំឡើយ ហើយខ្ញុំក៏មិនមែនជាក្រុមរបស់គេដែរ

عَنْ حُذَيْفَةَ رَضيَ اللهُ عنهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«إِنَّهَا سَتَكُونُ أُمَرَاءُ يَكْذِبُونَ وَيَظْلِمُونَ، فَمَنْ صَدَّقَهُمْ بِكَذِبِهِمْ وَأَعَانَهُمْ عَلَى ظُلْمِهِمْ فَلَيْسَ مِنَّي، وَلَسْتُ مِنْهُ، وَلَا يَرِدُ عَلَيَّ الْحَوْضَ، وَمَنْ لَمْ يُصَدِّقْهُمْ بِكَذِبِهِمْ وَلَمْ يُعِنْهُمْ عَلَى ظُلْمِهِمْ فَهُوَ مِنِّي، وَأَنَا مِنْهُ، وَسَيَرِدُ عَلَيَّ الْحَوْضَ».

អំពី ហ៊ូហ្សៃហ្វះ رضي الله عنه អំពីណាពី ﷺ លោកបានមានប្រសាសន៍ថា៖
“ជាការពិតណាស់ នឹងកើតមានឡើងនូវមេដឹកនាំជាច្រើនដែលភូតកុហក និងប្រព្រឹត្តអំពើអយុត្តិធម៌។ ដូចនេះ ជនណាដែលជឿជាក់ចំពោះការកុហករបស់ពួកគេ និងជួយពួកគេលើការប្រព្រឹត្តអំពើអយុត្តិធម៌របស់ពួកគេនោះ ពិតប្រាកដណាស់ ជននោះពុំមែនជាក្រុមរបស់ខ្ញុំឡើយ ហើយខ្ញុំក៏មិនមែនជាក្រុមរបស់គេដែរ។ ហើយគេក៏មិនអាចជួបខ្ញុំនៅឯស្រះទឹកនោះដែរ។ ចំណែកឯជនណាដែលមិនជឿជាក់ចំពោះការកុហករបស់ពួកគេ និងមិនជួយពួកគេលើការប្រព្រឹត្តអំពើអយុត្តិធម៌របស់ពួកគេទេនោះ ពិតប្រាកដណាស់ ជននោះជាក្រុមរបស់ខ្ញុំឡើយ ហើយខ្ញុំក៏ជាក្រុមរបស់គេ ហើយគេនឹងបានជួបខ្ញុំនៅឯស្រះទឹក”។

صحيح رواه أحمد مسند أحمد - 23260

ពន្យល់

ណាពី ﷺ លោកបានប្រាប់ថា ជាការពិតណាស់ ក្រោយពេលដែលលោកទទួលមរណភាព នឹងលេចឡើងនូវមេដឹកនាំជាច្រើនដែលគ្រប់គ្រងមនុស្ស។ ពួកគេភូតកុហកដោយនិយាយនូវអ្វីដែលខ្លួនមិនបានធ្វើ ព្រមទាំងប្រព្រឹត្តនូវអំពើអយុត្តិធម៌នៅក្នុងការកាត់ក្តី។ ហេតុនេះ ជនណាដែលចូលដៃជើងជាមួយពួកគេ និងជឿជាក់ចំពោះការកុហករបស់ពួកគេ ព្រមទាំងជួយពួកគេលើការប្រព្រឹត្តអំពើអយុត្តិធម៌ ឬគាំទ្រពួកគេ ដូចជាការកាត់ចេញនូវច្បាប់ណាមួយ ដើម្បីយកចិត្តពួកគេ និងប្រាថ្នាចង់បាននូវអ្វីដែលពួកគេមាន ពិតប្រាកដណាស់ ខ្ញុំមិនពាក់ព័ន្ធអ្វីនឹងជននោះឡើយ។ ជននោះពុំមែនជាក្រុមរបស់ខ្ញុំ ហើយខ្ញុំក៏មិនមែនជាក្រុមរបស់គេដែរ។ ម្យ៉ាងទៀត គេក៏មិនអាចជួបខ្ញុំនៅឯស្រះទឹកកាវសើរនាថ្ងៃបរលោកនោះដែរ។ ហើយជនណាដែលមិនចូលដៃជើងជាមួយពួកគេ មិនជឿជាក់ចំពោះការកុហករបស់ពួកគេ និងមិនជួយពួកគេលើការប្រព្រឹត្តអំពើអយុត្តិធម៌របស់ពួកគេទេនោះ ពិតប្រាកដណាស់ ជននោះជាក្រុមរបស់ខ្ញុំ ខ្ញុំក៏ជាក្រុមរបស់គេ ហើយគេនឹងបានជួបខ្ញុំនៅឯស្រះទឹកនាថ្ងៃបរលោក។

មេរៀនដែលទាញបានពីហាទីស្ហ

  1. ប្រសិនបើគេចូលទៅជិតអ្នកមានអំណាចទាំងឡាយដោយការតម្រង់ទិស ណែនាំ និងកាត់បន្ថយប្រការអាក្រក់ នោះគឺជាអ្វីដែលគេជំរុញ។ តែប្រសិនបើគេចូលជួបដើម្បីជួយពួកគេលើការប្រព្រឹត្តអំពើអយុត្តិធម៌ និងគាំទ្រចំពោះការកុហកបោកប្រាស់នោះ វាជាអ្វីរឿងដ៏គួរឱ្យស្អប់ខ្ពើមស្តី។
  2. បញ្ជាក់ពីព្រមានចំពោះអ្នកដែលជួយមេដឹកនាំលើការប្រព្រឹត្តអំពើអយុត្តិធម៌។
  3. ការព្រមាននៅក្នុងហាទីស្ហនេះ គឺបង្ហាញពីការហាមឃាត់ចំពោះទង្វើនេះ ហើយវាស្ថិតក្នុងចំណោមបាបកម្មធំ។
  4. ជំរុញឲ្យជួយគ្នាលើការធ្វើអំពើល្អ និងកោតខ្លាចអល់ឡោះ និងមិនត្រូវជួយគ្នាលើការប្រព្រឹត្តអំពើបាប និងធ្វើជាសត្រូវនឹងគ្នា។
  5. ទទួលស្គាល់ស្រះទឹករបស់ណាពី ﷺ ហើយប្រជាជាតិរបស់លោកនឹងបានជួបលោកនៅទីនោះ។

បង្ហាញការបកប្រែ

35 ភាសា
EN English الإنجليزية
ID Indonesia الإندونيسية
BN বাংলা البنغالية
TR Türkçe التركية
BS Bosanski البوسنية
SI සිංහල السنهالية
HI हिन्दी الهندية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
MY မြန်မာ البورمية
TH ไทย التايلندية
PS پښتو بشتو
AS অসমীয়া الأسامية
SQ Shqip الألبانية
AM አማርኛ الأمهرية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
RO Română الرومانية
HU Magyar المجرية
MOS Moore الموري
KN ಕನ್ನಡ الكانادا
UK Українська الأوكرانية
KA ქართული الجورجية
MK Македонски المقدونية
PA ਪੰਜਾਬੀ البنجابية
MR मराठी الماراثية