हदीस: तिमीहरूलाई केही शासकहरूको सामना गर्नुपर्नेछ, जसका केही काम तिमीले सही ठहर्याउनेछौ र केहीलाई अस्वीकार गर्नेछौ। जसले यिनीहरूका खराब कार्यलाई चिने, उसले आफ्नो जिम्मेवारीबाट मुक्त रह्यो, र जसले यस्ता काम को इन्कार गर्यो, उसले सलामती पायो। तर जो यसता काममा सन्तुष्ट भयो र समर्थन गर्यो, त्यो दोषी हुनेछ।
عَنْ أُمِّ سَلَمَةَ أُمِّ المُؤمنين رضي الله عنها: أَنَّ رَسُولَ اللهِ صلى الله عليه وسلم قَالَ:
«سَتَكُونُ أُمَرَاءُ فَتَعْرِفُونَ وَتُنْكِرُونَ، فَمَنْ عَرَفَ بَرِئَ، وَمَنْ أَنْكَرَ سَلِمَ، وَلَكِنْ مَنْ رَضِيَ وَتَابَعَ» قَالُوا: أَفَلَا نُقَاتِلُهُمْ؟ قَالَ: «لَا، مَا صَلَّوْا».
[صحيح] - [رواه مسلم] - [صحيح مسلم: 1854]
المزيــد ...
उम्मे सलमा; मुस्लिमहरूको आमाले बयान गरेकी छिन्, रसूल (सल्लल्लाहु अलैहि वसल्लम) ले भन्नुभएको छ :
"तिमीहरूलाई केही शासकहरूको सामना गर्नुपर्नेछ, जसका केही काम तिमीले सही ठहर्याउनेछौ र केहीलाई अस्वीकार गर्नेछौ। जसले यिनीहरूका खराब कार्यलाई चिने, उसले आफ्नो जिम्मेवारीबाट मुक्त रह्यो, र जसले यस्ता काम को इन्कार गर्यो, उसले सलामती पायो। तर जो यसता काममा सन्तुष्ट भयो र समर्थन गर्यो, त्यो दोषी हुनेछ।"
साथीहरूले सोधे, "के हामी उनीहरूसँग युद्ध गरौं?"
उहाँले भने, "होइन, जबसम्म उनीहरू नमाज पढिरहन्छन् ।"
[सही] - [मुस्लिमले वर्णन गरेका छन्] - [सही मुस्लिम - 1854]
रसूल (सल्लल्लाहु अलैहि वसल्लम) ले भन्नुभएको छ : हामीमाथि यस्ता हाकिमहरू नियुक्त हुनेछन्, जसका केही कार्यहरू शरियत अनुसार हुनाले हामीलाई सही लाग्ने छन् र केही कार्यहरू शरीयत विरुद्ध भएकोले गलत लाग्नेछ । यस्तो अवस्थामा जसले त्यो मुन्कर (गल्ती) लाई इन्कार गर्न असमर्थ भएकोले आफ्नो हृदयमा नराम्रो ठान्छ भने त्यो व्यक्ति पाप र पाखण्डबाट मुक्त भएको मानिनेछ । त्यसैगरी हातले रोक्ने वा जिब्रोले खण्डन गर्ने शक्ति भएकोले आफ्नो जिम्मेवारी पूरा गर्छ, त्यो पाप र त्यसमा सहभागी हुनबाट सुरक्षित हुनेछ । तर जो उसको दुष्ट कर्ममा सन्तुष्ट रहन्छ र तिनीहरूको पाइला पछ्याउँछ, त्यो तिनीहरू जस्तै विनाशको शिकार हुनेछ ।
तब सहाबाहरूले रसूल (सल्लल्लाहु अलैहि वसल्लम) लाई सोधे, के हामीले त्यस्ता शासकहरूसँग लड्नु हुँदैन ? उहाँले तिनीहरूलाई त्यसो गर्नबाट मनाही गर्दै भन्नुभयो : होइन, तिनीहरूले नमाज स्थापना गरुन्जेल त्यसो नगर्नुहोस् ।
हदीसका केही फाइदाहरू
- मुहम्मद (सल्लल्लाहु अलैहि वसल्लम) अल्लाहका रसूल हुनुहुन्छ भन्ने कुराको एउटा प्रमाण के छ भने उहाँले भविष्यमा हुने केही घटनाहरूको भविष्यवाणी गर्नुभएको थियो र पछि त्यो उहाँले भविष्यवाणी गरेझैं प्रकट भयो ।
- गल्तीप्रति सहमति व्यक्त गर्नु र त्यसमा भाग लिनु अनुमति छैन, बरु यसलाई खण्डन गर्नु आवश्यक छ ।
- जब शासकहरूले शरीयत विपरित काम गर्न थाल्छन्, त्यस्ता कुरामा उनीहरूको आज्ञापालन गर्नु जायज छैन ।
- मुस्लिम शासकहरू विरुद्ध विद्रोह गर्न अनुमति छैन; किनभने यसले दंगा, अराजकता, रक्तपात र अशान्ति फैलिनेछ । तसर्थ, अवज्ञाकारी शासकहरूको अवज्ञा सहनु र तिनीहरूको यातनामा धैर्य गर्नु त्योभन्दा धेरै सजिलो छ ।
- सलाह (नमाज) धेरै महत्त्वपूर्ण कुरा हो । सलाह भनेको कुफ्र र इस्लाम बीचको भिन्नता हो ।
वर्गीकरण
थप
- हदीस: अल्लाहले जसलाई जनताको सेवा गर्ने जिम्मेवारी सुम्पिनु हुन्छ र उसले आफ्नो प्रजालाई धोका दिइरहेको अवस्थामा जब ऊ मर्छ, अल्लाहले उसको लागि स्वर्ग निषेध गर्नुहुन्छ ।
- हदीस: हामीले अल्लाहका रसूल (सल्लल्लाहु अलैहि वसल्लम)सँग यो शर्तमा बइअत (प्रतिबद्धता) गरेका थियौं कि हामी हरेक अवस्थामा—कठिनाईमा होस् या सहजतामा, खुशीमा होस् या दुःखमा—उहाँको हुकुमलाई सुनौं र मानौं, र हाम्रै विरुद्ध भए तापनि
- हदीस: जसले मुस्लिम हाकिमको आज्ञा मान्न इन्कार गर्छ र जमात छोड्छ अनि त्यही अवस्थामा मर्छ भने त्यो जाहिलियतको मृत्यु हो
- हदीस: सहमतिबाट कसैलाई खलीफा (हाकिम) को रूपमा मानेपछि यदि कोही तिम्रो एकतालाई विभाजित गर्न वा तिम्रो समुदायमा असन्तुष्टि सृजना गर्न आउँछ भने उसको हत्या गरिदेऊ ।