Hadiis: Nɑnɑmbs n na n wa zĩndi, tɩ yãmb pẽgd b tʋʋmã sãnda la y kisg b tʋʋmã sãnda, la ned ning sẽn maana neerã a soab fãag a menga, la ned ning sẽn gɩdgɑ b tʋʋm wẽnsã a soab tɩlgame, la yellã yaa ned ning sẽn yara, n na n kell n pʋge

عَنْ أُمِّ سَلَمَةَ أُمِّ المُؤمنين رضي الله عنها: أَنَّ رَسُولَ اللهِ صلى الله عليه وسلم قَالَ:
«سَتَكُونُ أُمَرَاءُ فَتَعْرِفُونَ وَتُنْكِرُونَ، فَمَنْ عَرَفَ بَرِئَ، وَمَنْ أَنْكَرَ سَلِمَ، وَلَكِنْ مَنْ رَضِيَ وَتَابَعَ» قَالُوا: أَفَلَا نُقَاتِلُهُمْ؟ قَالَ: «لَا، مَا صَلَّوْا».
[صحيح] - [رواه مسلم] - [صحيح مسلم: 1854]

Yii a Ʋmmu salamat nengẽ sẽn yaa muumin-rãmbã ma wã (Wẽnd yard be a yĩnga) tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) a yeelame-:
«Nɑnɑmbs n na n wa zĩndi, tɩ yãmb pẽgd b tʋʋmã sãnda la y kisg b tʋʋmã sãnda, la ned ning sẽn maana neerã a soab fãag a menga, la ned ning sẽn gɩdgɑ b tʋʋm wẽnsã a soab tɩlgame, la yellã yaa ned ning sẽn yara, n na n kell n pʋge» , tɩ b yeele: d kõn n zab ne-ba? La a yeele: «ayoo, b sã n ket n pʋʋsdame bɩ y ra zab ne-b ye».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 1854]

bilgrã

Nabiyaamã (Wẽnd pʋʋsg la A tɩlgr be a yĩnga) kõo kibare, tɩ na-nambs n na n wa lʋɩ tõnd taoore, tɩ tõnd mi tʋʋm sãnda n pẽgda; bala b zemsa ne sãri wã sẽn saglã, la d kisgd sãnda bala b yõsga ne sãri wã, rẽnd ned ning sẽn kisgɑ yellã ne a sũuri, t'a sã n ka tõe n kɩɩs vẽenega, yẽ soaba paama põsgr n yi zãnuubã la munaafɩglemã, la ned ning sẽn wa n tõe n kɩɩs-b ne a nugu, maa a zelemde, n sɩd kɩɩs-ba, yẽ soabã tɩlgame n yi Wẽn-kɩɩsgo la zũnuubã lagengo, la ned ning sẽn yara b tʋʋmdã la a pʋg-b a pʋgẽ, a halkdame wala bãmb me sẽn halkã.
Rẽ poorẽ, tɩ b sok Nabiyaamã, (Wẽnd pʋʋsg la A tɩlgr be a yĩngɑ): d ka na n zab ne nanambs nins sɩfa sẽn yaa woto wã? T'a gɩdg-ba n yeele: ayoo, b sã n ket n yalsd Pʋʋsgã ne yãmb bɩ y ra zab ne-b ye.

Sẽn be Hɑdiisã yõod-rãmbẽ

1. A wilgda Nabiyaamã, (Wẽnd pʋʋsg la A tɩlgr be a yĩngɑ) nabiyaamdem, ne a sẽn kõ kibar ne bũmb ning sẽn na n yɩ, sẽn yaa yel-soondɩ, t'a sɩd wa yɩ wala a sẽn togsã.
2. Pɑ sakd tɩ ned wa tʋg n yard ne yel-kiti maanego, ka sõmb me t'a lagem a pʋgẽ, la yaa tɩlae t'a kisg-a.
3. Nanambsã sã n wa maan bũmb sẽn yõsgd sãri wã ka sakd tɩ b pʋg-b rẽ pʋgẽ ye.
4. Wilgdame tɩ ka sõmb tɩ yi n na n zab ne lɩslaambã Nanambse, ne sãang wʋsg sẽn na n zĩnd a pʋgẽ, sẽn yaa zɩɩm raagre la yõ-koglg kaalem, rẽnd nanambsã yel-kiti wã maanego, sẽn tõe n zã la maan sugr ne b nangã, n yaa faag n yɩɩd yell ning sẽn na n zĩnd b zabrã pʋgẽ wã.
5. Wilgdame tɩ Pʋʋsgã yell yaa zɩsgo, yaa yẽnda n welgd kɩfẽnd la lɩslaang sʋka.