Tõnd balma Wẽnd Tẽn-tʋʋmã (Wẽnd pʋʋsg la A tɩlgr be a yĩnga) tɩ d na n wʋmame la d tũ, keelem la yol-yol sasa, d yĩn-wɩsgr la d sẽn ka nong sasa, la d na n leb n yɩɩsa yẽnda d mensã Nɑnɑmbs n na n wa zĩndi, tɩ yãmb pẽgd b tʋʋmã sãnda la y kisg b tʋʋmã sãnda, la ned ning sẽn maana neerã a soab fãag a menga, la ned ning sẽn gɩdgɑ b tʋʋm wẽnsã a soab tɩlgame, la yellã yaa ned ning sẽn yara, n na n kell n pʋge Dĩinɑ yɑɑ mɑɑn pʋ-peelem m Soabã, ned ning sẽn wa n lʋɩ mam poorẽ rãmbã yell taoore, n weoog-ba bɩ F weoog a zugu, la ned ning sẽn wa n lʋɩ mam poorẽ rãmbã yell taoore, n zoe b nimbaanegã, bɩ F zoe a nimbaanega Ned ka be Wẽnd sẽn na n kõ-a bũmb taoore, t'a wa tʋg n ki raar ning a sẽn kiidã, t'a yaa sẽn zambd a sẽn gũud bũmb ningã, rẽndame tɩ Wẽnd haram-a arzãnã a zugu Ned ning sẽn tõdg taoor soab pʋgbo, la a welg n bas zamã wã n maan kaalem, ad a kii zɩɩlem kũum Ned ning sẽn wa yãmb nengẽ tɩ yãmb zemsa taab ne naab a yembre, n rat n na n welg yãmb zamã wã, bɩ y kʋ-a M kengd-y-la ne Wẽnd zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sunnah la lεdsdb nins sẽn yaa tẽeg tɩrg-rãmbã, sẽn yaa kãndgdbã Sunnah Ad na-nɑmbs yã-beed n na n wa zĩndi, la yεl yãmb sẽn ka rate, tɩ b yeele: Wẽnd Tẽn-tʋʋma, la bõe la fo sagend tõnd wakat-kãngɑ? T'a yeele: «kõ-y hakε ning sẽn zao yãmb zugã la y kos Wẽnd ne hakε ning sẽn yɑɑ yãmb rẽndã Kelg-y la y tũ, ad roga bãmb zugu b sẽn bobl bãmbã, la roga yãmb me zugu b sẽn bobl yãmbã