Hadith: ((خودایێ من؛ هه‌ر كه‌سێ كاروبارێن ئوممه‌تا من كه‌ڤتنه‌ د ده‌ستیدا و بارێ ئوممه‌تا من گران كر؛ تو ژی بارێ وی گران بكه‌ و هه‌ر كه‌سێ كاروبارێن ئوممه‌تا من كه‌ڤتنه‌ د ده‌ستیدا و بارێ ئوممه‌تا من سڤك كر؛ تو ژی بارێ وی سڤك بكه‌))

عن عائشة رضي الله عنها قالت: سمعتُ من رسول الله صلى الله عليه وسلم يقول في بيتي هذا:
«اللَّهُمَّ مَنْ وَلِيَ مِنْ أَمْرِ أُمَّتِي شَيْئًا فَشَقَّ عَلَيْهِمْ فَاشْقُقْ عَلَيْهِ، وَمَنْ وَلِيَ مِنْ أَمْرِ أُمَّتِي شَيْئًا فَرَفَقَ بِهِمْ فَارْفُقْ بِهِ».
[صحيح] - [رواه مسلم] - [صحيح مسلم: 1828]

ژ عائیشایێ (خودێ ژێ ڕازی بیت) گۆت: من گوهـ ل پێغەمبەرێ خودێ (صەلات و سەلامێن خودێ ل سەر بن) بوو د ڤێ مالا منڤه‌ دگۆت:
((خودایێ من؛ هه‌ر كه‌سێ كاروبارێن ئوممه‌تا من كه‌ڤتنه‌ د ده‌ستیدا و بارێ ئوممه‌تا من گران كر؛ تو ژی بارێ وی گران بكه‌ و هه‌ر كه‌سێ كاروبارێن ئوممه‌تا من كه‌ڤتنه‌ د ده‌ستیدا و بارێ ئوممه‌تا من سڤك كر؛ تو ژی بارێ وی سڤك بكه‌)).
[صحيح] - [رواه مسلم] - [صحيح مسلم - 1828]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) یێ دوعا ل هه‌ر كه‌سه‌كی دكه‌ت كو كاره‌ك ژ كاروبارێن موسلمانان بكه‌ڤیته‌ د ده‌ستیدا، چ كاره‌كێ بچویك بیت یان یێ مه‌زن بیت، چ ئه‌ڤ ویلایه‌ت و ده‌ستهه‌لاته‌؛ یا گشتی بیت و هه‌مییان ب خۆڤه‌ بگریت، یان ژی ده‌ستهه‌لاته‌كا كێم و تایبه‌ت بیت، ڤێجا ئه‌ڤ كه‌سه‌ نه‌خۆشییێ بۆ وان دروست بكه‌ت و بارێ وان گران بكه‌ت و دلێ وی ب وانڤه‌ نه‌بیت، (دوعا ل وی كه‌سی دكه‌ت) كو خودایێ مه‌زن ژی هه‌ر ژ كارێ وی جزایێ وی بده‌ت و كاروبارێن وی ل به‌ر وی گران و نه‌خۆش بكه‌ت.
و هه‌ر كه‌سێ دلێ وی ب مینیته‌ ب وانڤه‌ و كاروبارێن وان بۆ وان ب ساناهی بێخیت؛ خودێ ژی دلۆڤانییێ پێ ببه‌ت و كاروبارێن وی ل به‌ر وی سڤك و ساناهی بێخیت.

Benefits from the Hadith

1. پێدڤیه‌ ل سه‌ر وی كه‌سێ كاره‌ك ژ كاروبارێن موسلمانان دكه‌ڤیته‌ د ده‌ستیدا؛ ل دویڤ شیانێن خۆ یێ نه‌رم و باش بیت د گه‌ل وان و كاروبارێن وان ل به‌ر وان ب ساناهی بێخیت.
2. جزادان هه‌ر ژ جۆرێ کریارێیە.
3. پیڤه‌ر و ته‌ڕازی بۆ وی تشتێ ژ نه‌رماتی و ساناهیكرنێ و توندكرن و نه‌خۆشیكرنێ دهێته‌ هژمارتن؛ ئه‌وه یێ دژی قورئان و سوننه‌تێ نه‌بیت.