Hadiis: M kengd-y-la ne Wẽn-zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sũnnah la lεdsdb nins sẽn yaa tẽeg tɩrg-rãmbã sẽn yaa kãndgdbã Sũnnah

عَنْ أَبِي نَجِيحٍ العِرْبَاضِ بْنِ سَارِيَةَ رضي الله عنه قَالَ: وَعَظَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ مَوْعِظَةً وَجِلَتْ مِنْهَا القُلُوبُ، وَذَرَفَتْ مِنْهَا العُيُونُ، فَقُلْنَا: يَا رَسُولَ اللهِ! كَأَنَّهَا مَوْعِظَةُ مُوَدِّعٍ؛ فَأَوْصِنَا، قَالَ:
«أُوصِيكُمْ بِتَقْوَى اللَّهِ، وَالسَّمْعِ وَالطَّاعَةِ، وَإِنْ تَأَمَّرَ عَلَيْكُمْ عَبْدٌ، فَإِنَّهُ مَنْ يَعِشْ مِنْكُمْ بَعْدِي فَسَيَرَى اخْتِلَافًا كَثِيرًا، فَعَلَيْكُمْ بِسُنَّتِي وَسُنَّةِ الخُلَفَاءِ الرَّاشِدِينَ المَهْدِيينَ، عَضُّوا عَلَيْهَا بِالنَّوَاجِذِ، وَإِيَّاكُمْ وَمُحْدَثَاتِ الأُمُورِ؛ فَإِنَّ كُلَّ بِدْعَةٍ ضَلَالَةٌ».
[صحيح] - [رواه أبو داود والترمذي] - [الأربعون النووية: 28]

Yii a Abɩɩ Nagiih Al-ɭrbaad ɭbn Saariyya nengẽ, (Wẽnd yard be a yĩnga) a yeelame: Nabiyaamã (Wẽnd pʋʋsg la A tɩlgr be a yĩngɑ) maana tõnd waazʋ, tɩ yaa sagls sẽn ta tεkẽ, tɩ sũy yεεse, tɩ nintãm rʋʋge, tɩ d yeele: Yaa Wẽnd Tẽn-tʋʋmã! Ad wõnda Wẽnd-na-wat-ne waazʋ; bɩ f sagell-do, t'a yeele:
«M kengd-y-la ne Wẽn-zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sũnnah la lεdsdb nins sẽn yaa tẽeg tɩrg-rãmbã sẽn yaa kãndgdbã Sũnnah, gãd-y rẽndã ne yẽn-wãbdɩ la m kengd yãmb tɩ y zãag yεl sɩngdsã, tɩ ad Bid'ah buud fãa yaa menengo».
[Naṣʋn Ṣahɩɩhʋn (Gom-sikdem sẽn manege)] - [A Abʋʋ Daawʋʋd la a At-tirmiiziy n togs-a] - [الأربعون النووية - 28]

bilgrã

Nabiyaamã (Wẽnd pʋʋsg la A tɩlgr be a yĩngɑ) maana a Sahaabsã waazʋ, tɩ yaa sagls sẽn ta tεkẽ, tɩ sũy yεεse, tɩ nintãm rʋʋge, tɩ b yeele: Yaa Wẽnd Tẽn-tʋʋmã, ad wõnda Wẽnd-na-wat-ne waazʋ, la rẽ yaa b sẽn yã Nabiyaamã (Wẽnd pʋʋsg la A tɩlgr be a yĩngɑ) sẽn maan tɩ tʋg n ta tεka sagellã la bugsgã pʋgẽ wã, tɩ b kos Nabiyaama sagelle, sẽn na tõog n gãde, Nabiyaam loogrã poorẽ, t'a yeele: m sagend-y lame ne Wẽnd zoεεga, (A Naam yɩ wagell n zẽke), la rẽnda yaa waagib-rãmbã tʋʋmã la haraam-rãmbã basgo, la y wʋm la y tũ, rat n yeel tɩ: y taoor rãmbã, baa tɩ yaa yamba n lʋɩ yãmb taoore, maa ɑ tõogɑ yãmb n lʋɩ taoore, rat n na n yeel tɩ nebã sẽn yaa yaalg n yɩɩd sã n wa lebg yãmb taoor soaba, bɩ y ra waoog y mensã n zãgs a tũub ye, tũ-y-yã-a, rẽnda yaa fitna-rãmb yεεs yĩnga, la ned ning sẽn na n vɩɩmɑ yãmb sʋka, a na n yãa yõs-taab wʋsgo, rẽ poorẽ a vẽnegame n wilg-ba yiibã zĩigã, yõs-taab-kãngã sã n wa beẽ, la rẽnda yaa sẽn na n gãd Nabiyaamã (Wẽnd pʋʋsg la A tɩlgr be a yĩngɑ) Sunnah la Nabiyaamã lεdsdbã sẽn yaa kãndgdbã Sunnah, a ʿAbʋʋ Bakar Assidiiki la a ʿƲmar ɭbn Alhattaabe, a ʿƲsmaan ɭbn ʿAffaan la a ʿAli ɭbn Abii Ṭaalib (Wẽnd yard be b fãa yĩnga) la b rũm-a ne yẽn-wãbdɩ, rat n na n yeel tɩ b nidg pãnga Sunnah gãdb la Sunnah tablg pʋgẽ, a leb n bugs-b lame n yi yεl-sɩngdsã dĩinã pʋgẽ, tɩ ad Bid'ah fãa gilli, a yaa menengo.

Sẽn be Hɑdiisã yõod-rãmbẽ

1. A wilgda Sunnah gãdbo la a pʋgbo, a yellã sẽn ta zĩig ninga.
2. A wilgdame tɩ b nidg pãnga ne waazʋ-rãmba la sũya bʋkre.
3. Yaa saglg tɩ b tũ Nabiyaamã lεdsdb a naasã sẽn yaa kãndgdbã, bãmb me la a Abʋʋbakar la a ʿƲmar, la a ʿƲsmaan la a ʿAli (Wẽnd yard be b yĩnga).
4. Gɩdgame tɩ b zãag yεl-sɩngds dĩinã pʋgẽ la ad Bid'ah fãa yaa menengo.
5. Yaa wʋm la tũ ned ning sẽn wa n lʋɩ muumin-rãmbã yell taoore, tɩ Wẽnd kɩɩsg sã n ka be.
6. A wilgda Wẽn-zoεεgã yell sẽn ta zĩig ninga, wakat la halhaal-rãmbã fãa gill pʋgẽ.
7. Yõs-taaba a yaa bũmb sẽn be dĩin-kãngã pʋgẽ, la a sẽn wat n yɩ wã, yaa tɩlae tɩ b lebg n tʋg Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) Sunnẽ wã la lεdsdb a naasã sũnnã.