Hadiis: M kengd-y-la ne Wẽnd zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sunnah la lεdsdb nins sẽn yaa tẽeg tɩrg-rãmbã, sẽn yaa kãndgdbã Sunnah

عن العِرْباضِ بن ساريةَ رضي الله عنه قال:
قام فينا رسول الله صلى الله عليه وسلم ذات يوم، فوَعَظَنا مَوعظةً بليغةً وَجِلتْ منها القلوبُ، وذَرَفتْ منها العيونُ، فقيل: يا رسول الله، وعظتَنَا موعظةَ مُودِّعٍ فاعهد إلينا بعهد. فقال: «عليكم بتقوى الله، والسمع والطاعة، وإن عبدًا حبشيًّا، وسترون من بعدي اختلافًا شديدًا، فعليكم بسنتي وسنة الخلفاء الراشدين المهديين، عَضُّوا عليها بالنواجِذ، وإياكم والأمور المحدثات، فإن كل بدعة ضلالة».
[صحيح] - [رواه أبو داود والترمذي وابن ماجه وأحمد] - [سنن ابن ماجه: 42]

Yii a ʿɭrbaaḍ ɭbn Saariya nengẽ, (Wẽnd yard be a yĩnga), a yeelame:
Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) a yalsa tõnd sʋk raar a yembre, n maan tõnd waazʋ, waazʋ sẽn ta tεka, tɩ sũy rigim a poorẽ, tɩ nintãm wɩdem a poorẽ, tɩ b yeele: Wẽnd Tẽn-tʋʋma, fo maana tõnd Wẽnd-na-wat-ne waazʋ, bɩ f rɩk alkaool ne tõndo. T'a yeele: «M kengd-y-la ne Wẽnd zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sunnah la lεdsdb nins sẽn yaa tẽeg tɩrg-rãmbã, sẽn yaa kãndgdbã Sunnah, gãd-y rẽndã ne yẽn-wãbdɩ la m kengd yãmb tɩ y zãag yεl sɩngdsã, tɩ ad Bid'ah buud fãa yaa menengo».
[Naṣʋn Ṣahɩɩhʋn (Gom-sikdem sẽn manege)] - [A Abʋʋ Daawʋʋd la a At-tirmiiziy la a ɭbn Maaǧa la a Ahmad n togs-a] - [Sunan ɭbn Maaǧa - 42]

bilgrã

Nabiyaamã (Wẽnd pʋʋsg la A tɩlgr be a yĩngɑ) maana a Sahaabsã waazʋ, tɩ yaa sagls sẽn ta tεkẽ, tɩ sũy yεεse, tɩ nintãm rʋʋge, tɩ b yeele: Yaa Wẽnd Tẽn-tʋʋmã, ad wõnda Wẽnd-na-wat-ne waazʋ, la rẽ yaa b sẽn yã Nabiyaamã (Wẽnd pʋʋsg la A tɩlgr be a yĩngɑ) sẽn maan tɩ tʋg n ta tεka sagellã la bugsgã pʋgẽ wã, tɩ b kos Nabiyaama sagelle, sẽn na tõog n gãde, Nabiyaam loogrã poorẽ, t'a yeele: m sagend-y lame ne Wẽnd zoεεga, (A Naam yɩ wagell n zẽke), la rẽnda yaa waagib-rãmbã tʋʋmã la haraam-rãmbã basgo, la y wʋm la y tũ, rat n yeel tɩ: y taoor rãmbã, baa tɩ yaa yamba n lʋɩ yãmb taoore, maa ɑ tõogɑ yãmb n lʋɩ taoore, rat n na n yeel tɩ nebã sẽn yaa yaalg n yɩɩd sã n wa lebg yãmb taoor soaba, bɩ y ra waoog y mensã n zãgs a tũub ye, tũ-y-yã-a, rẽnda yaa fitna-rãmb yεεs yĩnga, la ned ning sẽn na n vɩɩmɑ yãmb sʋka, a na n yãa yõs-taab wʋsgo, rẽ poorẽ a vẽnegame n wilg-ba yiibã zĩigã, yõs-taab-kãngã sã n wa beẽ, la rẽnda yaa sẽn na n gãd Nabiyaamã (Wẽnd pʋʋsg la A tɩlgr be a yĩngɑ) Sunnah la Nabiyaamã lεdsdbã sẽn yaa kãndgdbã Sunnah, a ʿAbʋʋ Bakar Assidiiki la a ʿƲmar ɭbn Alhattaabe, a ʿƲsmaan ɭbn ʿAffaan la a ʿAli ɭbn Abii Ṭaalib (Wẽnd yard be b fãa yĩnga) la b rũm-a ne yẽn-wãbdɩ, rat n na n yeel tɩ b nidg pãnga Sunnah gãdb la Sunnah tablg pʋgẽ, a leb n bugs-b lame n yi yεl-sɩngdsã dĩinã pʋgẽ, tɩ ad Bid'ah fãa gilli, a yaa menengo.