Hadiis: Kẽng a nengẽ n tʋg n yeel-a; ad fo ka Bugum ned ye, la ad fo yaa arzãn neda

عَنْ ‌أَنَسِ بْنِ مَالِكٍ رَضِيَ اللهُ عَنْهُ:
أَنَّ النَّبِيَّ صَلَّى اللهُ عَلَيْهِ وَسَلَّمَ افْتَقَدَ ثَابِتَ بْنَ قَيْسٍ، فَقَالَ رَجُلٌ: يَا رَسُولَ اللهِ، أَنَا أَعْلَمُ لَكَ عِلْمَهُ، فَأَتَاهُ فَوَجَدَهُ جَالِسًا فِي بَيْتِهِ، مُنَكِّسًا رَأْسَهُ، فَقَالَ: مَا شَأْنُكَ؟ فَقَالَ شَرٌّ، كَانَ يَرْفَعُ صَوْتَهُ فَوْقَ صَوْتِ النَّبِيِّ صَلَّى اللهُ عَلَيْهِ وَسَلَّمَ، فَقَدْ حَبِطَ عَمَلُهُ، وَهُوَ مِنْ أَهْلِ النَّارِ، فَأَتَى الرَّجُلُ فَأَخْبَرَهُ أَنَّهُ قَالَ كَذَا وَكَذَا، فَرَجَعَ الْمَرَّةَ الْآخِرَةَ بِبِشَارَةٍ عَظِيمَةٍ، فَقَالَ: «اذْهَبْ إِلَيْهِ فَقُلْ لَهُ: إِنَّكَ لَسْتَ مِنْ أَهْلِ النَّارِ، وَلَكِنْ مِنْ أَهْلِ الْجَنَّةِ».
[صحيح] - [متفق عليه] - [صحيح البخاري: 3613]

Yii a Anas ɭbn Maalik nengẽ, -Wẽnd yard be a yĩnga-:
Tɩ Nabiyaamã -Wẽnd pʋʋsg la A tɩlgr be a yĩnga-a bao a Saabit ɭbn Ƙays n ka yã ye, tɩ ned yeele:" Wẽnd Tẽn-tʋʋmã, mam na n waa ne a kibarã fo nengẽ". T'a ta a nengẽ n mik t'a zĩ a zãkẽ wã n sulg a zugã. T'a yeel-a: " yaa bõe n tar foom?" T'a yeel-a ad yaa wẽnga. Bala a ra zẽkda a koεεga tɩ yɩɩd Nabiyaamã -Wẽnd pʋʋsg la A tɩlgr be a yĩnga- koεεgã, rẽnd a tʋʋmdã lʋɩɩme, a yaa Bugum biiga, tɩ nedã lebg n wa Nabiyaamã nengẽ n kõ-a kibare t'a yella woto la woto, t'a lebg yaoolem kẽngrã ne kiba-noogo sẽn yaa bedre, Nabiyaamã yeelame:«Kẽng a nengẽ n tʋg n yeel-a; ad fo ka Bugum ned ye, la ad fo yaa arzãn neda».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 3613]

bilgrã

Nabiyaamã -Wẽnd pʋʋsg la A tɩlgr be a yĩnga- konga a Saabɩt ɭbn Ƙays, -Wẽnd yard be a yĩnga- t'a sok a yelle, tɩ ned yeele: mam na n wa kõo foom la m togs foom a sẽn ka be wã sababo, t'a kẽng a nengẽ n tʋg n mik t'a sũurã yaa sẽn sãame, t'a tik a zugã, n sur a zakẽ wã, t'a soak-a: yaa bõe n tar foom, t'a Saabɩt kõ-a kiba-wẽng ning sẽn be ne yẽ wã, bala yẽ rag n yɩɩme n zẽkd a koεεga n yɩɩd Nabiyaamã -Wẽnd pʋʋsg la A tɩlgr be a yĩnga- koεεga zugu, la Wẽnd yaool n maana pʋleng-wẽnga neb nins sẽn maand rẽndã wã tɩ b tʋʋm lʋɩɩme, tɩ b yaa Bugum koamba.
Tɩ nedã lebg n kẽng Nabiyaamã -Wẽnd pʋʋsg la A tɩlgr be a yĩnga-nengẽ, n tɩ kõ-a kibare, ne a gomdã, tɩ Nabiyaamã -Wẽnd pʋʋsg la A tɩlgr be a yĩnga- yeel nedã t'a lebg n kẽng a Saabɩt nengẽ n tʋg n kõa kibar noogo, t'a ka Bugum neda, t'a yaa arzãn neda, woto yaa t'a Saabɩt koεεgã zẽkrã yaa Wẽnd naanego, n paasde, a rag yɩɩ Tẽn-tʋʋmã -Wẽnd pʋʋsg la A tɩlgr be a yĩnga- no-rεεsa n leb n yaa Madiin-rãmb gom-rɩkda.