ഹദീസ്: നിങ്ങളുടെ കാര്യം ഒരാളിൽ ഏകോപിച്ചു നിലകൊള്ളവെ ആരെങ്കിലും നിങ്ങളിൽ ഭിന്നിപ്പുണ്ടാക്കുന്നതിനോ, നിങ്ങളുടെ ഐക്യം ഛിന്നഭിന്നമാക്കുന്നതിനോ വേണ്ടി വന്നാൽ അവനെ നിങ്ങൾ വധിച്ചു കളയുക.
عن عرفجة رضي الله عنه قال: سمعت رسول الله صلى الله عليه وسلم يقول: "من أتاكم وأمرُكُم جَمِيْعٌ على رجل واحد، يُريد أن يَشُقَّ عَصَاكُم، أو يُفَرِّقَ جَمَاَعَتَكُم، فاقتُلُوهُ".
[صحيح] - [رواه مسلم]
المزيــد ...
അർഫജഃ -رَضِيَ اللَّهُ عَنْهُ- നിവേദനം: നബി -ﷺ- പറയുന്നത് ഞാൻ കേട്ടു: "നിങ്ങളുടെ കാര്യം ഒരാളിൽ ഏകോപിച്ചു നിലകൊള്ളവെ ആരെങ്കിലും നിങ്ങളിൽ ഭിന്നിപ്പുണ്ടാക്കുന്നതിനോ, നിങ്ങളുടെ ഐക്യം ഛിന്നഭിന്നമാക്കുന്നതിനോ വേണ്ടി വന്നാൽ അവനെ നിങ്ങൾ വധിച്ചു കളയുക."
സ്വഹീഹ് - മുസ്ലിം ഉദ്ധരിച്ചത്
(മുസ്ലിം) ഭരണാധികാരികൾക്കെതിരെ വിപ്ലവത്തിന് പുറപ്പെടുന്നവരെയും, മുസ്ലിംകൾ ഐക്യത്തിലും ഒരു ഭരണാധികാരിയുടെ കീഴിൽ ഒരുമിക്കുകയും ചെയ്ത ശേഷം അവരുടെ ഐക്യത്തെ തകർക്കാൻ ശ്രമിക്കുകയും ചെയ്യുന്നവരുടെ വിഷയമാണ് ഈ ഹദീഥ് ഉൾക്കൊള്ളുന്നത്. ഒരു ഖലീഫയുടെ കീഴിൽ മുസ്ലിംകൾ ഒരുമിച്ച ശേഷം ആ ഭരണാധികാരിയെ താഴെയിറക്കാൻ ആരെങ്കിലും ശ്രമിക്കുന്നെങ്കിൽ അവനെ കൊലപ്പെടുത്തിയിട്ടാണെങ്കിലും അവൻ്റെ കാര്യത്തിൽ ശിക്ഷാനടപടി സ്വീകരിക്കണമെന്ന് ഈ ഹദീഥ് അറിയിക്കുന്നു. അയാളെ കൊണ്ട് സംഭവിക്കുന്ന ഉപദ്രവം തടുക്കുന്നതിനും, മുസ്ലിംകളുടെ രക്തം സംരക്ഷിക്കുന്നതിനും വേണ്ടിയാണത്.
ഹദീഥിൻ്റെ പാഠങ്ങളിൽ നിന്ന്
- * ഭരണാധികാരിയെ കേൾക്കുകയും അനുസരിക്കുകയും ചെയ്യുക എന്നത് നിർബന്ധമാകുന്നു. അദ്ദേഹത്തിനെതിരിൽ പുറപ്പെടുക എന്നത് നിഷിദ്ധവുമാകുന്നു.
- * മുസ്ലിംകൾ ഒരുമിച്ച ഒരു ഭരണാധികാരിക്കെതിരെ ആരെങ്കിലും വിപ്ലവവുമായി പുറപ്പെട്ടാൽ അയാളെ വധിക്കുക എന്നത് നിർബന്ധമാണ്. എത്ര വലിയ സ്ഥാനവും പദവിയുമുള്ളവനാണ് അയാളെങ്കിലും അക്കാര്യത്തിൽ സംശയമില്ല.
- * ഹദീഥിൻ്റെ ബാഹ്യപദങ്ങൾ സൂചിപ്പിക്കുന്നത് ഭരണാധികാരിക്കെതിരെ ഒരു വ്യക്തിയോ ഒരു കൂട്ടമാളുകളോ വിപ്ലവം നയിച്ചാലും അവരെ കൊലപ്പെടുത്തണമെന്ന് തന്നെയാണ്. എന്നാൽ ഈ പറയപ്പെട്ട സംഘത്തിന് ആൾബലവും ശക്തിയുമുണ്ടാവുകയും, അവരുടെ പ്രവർത്തനങ്ങൾക്ക് അനുവദനീയമായ വ്യാഖ്യാന സാധ്യതകളുണ്ടാവുകയും ചെയ്താൽ അക്കൂട്ടരെയാണ് ബുഗാത് എന്ന് വിളിക്കുക. എന്നാൽ മതപരമായ ന്യായങ്ങളൊന്നും തങ്ങളുടെ പ്രവൃത്തിക്കുള്ളതായി പറയാതെ, കേവലം ഭരണം ലഭിക്കണമെന്ന ഉദ്ദേശത്തിൽ വിപ്ലവം നയിക്കുകയാണെങ്കിൽ അക്കൂട്ടർക്ക് വഴികൊള്ളക്കാരുടെ വിധിയാണ് നൽകപ്പെടുക.
- * ഐക്യപ്പെടാനും, ഭിന്നിപ്പും അഭിപ്രായവ്യത്യാസവും ഒഴിവാക്കാനുമുള്ള പ്രേരണ.
വിഭാഗങ്ങൾ
കൂടുതൽ
- ഹദീസ്: പ്രയാസത്തിലും എളുപ്പത്തിലും, സന്തോഷത്തിലും ദുഃഖത്തിലും (നബി -ﷺ- യുടെ കൽപ്പനകൾ) കേൾക്കുകയും അനുസരിക്കുകയും ചെയ്യാമെന്നും, ഞങ്ങളുടെ കാര്യത്തേക്കാൾ അവിടുത്തെ കാര്യം പ്രാധാന്യത്തിൽ എടുക്കാമെന്നും, ഭരണാധികാരികളോട് അധികാരത്തിൻ്റെ കാര്യത്തിൽ എതിർത്തു നിൽക്കില്ലെന്നും ഞങ്ങൾ റസൂൽ -ﷺ- യോട് ബയ്അത് (കരാർ) ചെയ്തു.
- ഹദീസ്: "നിങ്ങൾക്ക് മേൽ ചില അധികാരികൾ നിശ്ചയിക്കപ്പെടും. (അവരിൽ നിന്ന്) ചിലത് - മതനിയമങ്ങളോട് യോചിക്കുന്നത് - നിങ്ങൾ തിരിച്ചറിയുകയും, ചിലത് - മതനിയമങ്ങളോട് വിയോചിക്കുന്നവ - നിങ്ങൾ വെറുക്കുകയും ചെയ്യും. ആരെങ്കിലും അവ വെറുത്താൽ അവൻ രക്ഷപ്പെട്ടു. ആരെങ്കിലും എതിർത്താൽ അവൻ സുരക്ഷിതനായി. എന്നാൽ ആരെങ്കിലും അത് തൃപ്തിപ്പെടുകയും പിൻപറ്റുകയും ചെയ്താൽ..." (അവൻ നശിച്ചു). സ്വഹാബികൾ ചോദിച്ചു: "അല്ലാഹുവിൻ്റെ റസൂലേ! ഞങ്ങൾ അവരോട് യുദ്ധം ചെയ്യട്ടയോ?!" അവിടുന്ന് പറഞ്ഞു: "ഇല്ല! അവർ നിങ്ങളിൽ നമസ്കാരം നിലനിർത്തുന്നിടത്തോളം."
- ഹദീസ്: അല്ലാഹു ഒരു ജനതയുടെ അധികാരം ഏൽപ്പിച്ചു നൽകിയ ഏതൊരു വ്യക്തിയാകട്ടെ, അയാൾ മരണപ്പെടുന്ന ദിവസം തൻ്റെ ജനതയെ വഞ്ചിച്ചു കൊണ്ടാണ് അവൻ മരിക്കുന്നതെങ്കിൽ അല്ലാഹു അവൻ്റെ മേൽ സ്വർഗം നിഷിദ്ധമാക്കാതിരിക്കുകയില്ല.
- ഹദീസ്: ആരെങ്കിലും ഭരണാധികാരിയെ അനുസരിക്കുന്നതിൽ നിന്ന് ധിക്കാരം പുലർത്തുകയും, ജമാഅത്തിനെ വെടിയുകയും മരണപ്പെടുകയും ചെയ്താൽ ജാഹിലിയ്യാ മരണമാണ് അവൻ വരിച്ചിരിക്കുന്നത്. ആരെങ്കിലും അന്ധമായ കൊടിക്കൂറക്ക് കീഴിൽ പോരാടുകയും, വിഭാഗീയതക്ക് വേണ്ടി കോപിക്കുകയും, വിഭാഗീയതയിലേക്ക് ക്ഷണിക്കുകയും, വിഭാഗീയതയെ സഹായിക്കുകയും, അങ്ങനെ കൊല്ലപ്പെടുകയും ചെയ്താൽ അത് ജാഹിലിയ്യാ മരണമാണ്.
- ഹദീസ്: ഏ, അബ്ദു റഹ്മാന് ഇബ്നു സമുറാ, നീ അധികാരം ചോദിച്ച് വാങ്ങരുത്, നീ ചോദിച്ചതിൻ പ്രകാരം നിനക്കത് നൽകപ്പെട്ടാൽ നീ ഭാരമേല്പിക്കപ്പെടും