হাদীছ: তোমালোকৰ যাৱতীয় কর্ম এজন ব্যক্তিৰ ওপৰত ন্যস্ত থকা অৱস্থাত যদি কোনোবাই আহি তোমালোকৰ একতাৰ লাখুটি ভাঙিব বিচাৰে আৰু তোমালোকৰ জামাতৰ মাজত বিভেদ সৃষ্টি কৰিব বিচাৰে তেন্তে তোমালোকে তাক হত্যা কৰা।
عن عرفجة رضي الله عنه قال: سمعت رسول الله صلى الله عليه وسلم يقول: "من أتاكم وأمرُكُم جَمِيْعٌ على رجل واحد، يُريد أن يَشُقَّ عَصَاكُم، أو يُفَرِّقَ جَمَاَعَتَكُم، فاقتُلُوهُ".
[صحيح] - [رواه مسلم]
المزيــد ...
আৰফাজাহ ৰাদ্বিয়াল্লাহু আনহুৰ পৰা বৰ্ণিত, তেওঁ কৈছে, মই ৰাছুলুল্লাহ চাল্লাল্লাহু আলাইহি অছাল্লামক কওঁতে শুনিছোঁ, তেখেতে কৈছে, "c2">“তোমালোকৰ যাৱতীয় কর্ম এজন ব্যক্তিৰ ওপৰত ন্যস্ত থকা অৱস্থাত যদি কোনোবাই আহি তোমালোকৰ একতাৰ লাখুটি ভাঙিব বিচাৰে আৰু তোমালোকৰ জামাতৰ মাজত বিভেদ সৃষ্টি কৰিব বিচাৰে তেন্তে তোমালোকে তাক হত্যা কৰা।”
ছহীহ - ইয়াক মুছলিমে বৰ্ণনা কৰিছে
এই হাদীছটোৰ বিষয়বস্তু হৈছে, বিদ্রোহী আৰু যি ব্যক্তিয়ে মুছলিমসকলৰ মাজত থকা একতা ভাঙিব বিচাৰে তথা এজন শাসকৰ আনুগত্য স্থাপিত হোৱাৰ পিছত বিভক্তি সৃষ্টি কৰিব বিচাৰে, তাক হত্যা কৰা। ইয়াৰ দ্বাৰা এই কথাও প্রতীয়ামান হয় যে, যদি মুছলিমসকল এজন খলীফাৰ নেতৃত্বত ঐক্যবদ্ধ থাকে, ইয়াৰ পিছত কোনোবাই আহি যদি সেই ইমামক নেতৃত্বৰ পৰা আঁতৰাব বিচাৰে, তেতিয়া তেওঁলোকৰ ওৱাজিব হ’ব সেই ব্যক্তিৰ ওপৰত হদ (দণ্ড) প্রয়োগ কৰা, অৱশেষত হত্যা কৰি হ’লেও এই বিভেদ দমন কৰিব লাগিব। ইয়াৰ মূল উদ্দেশ্য হৈছে সেই ব্যক্তিৰ অনিষ্টতাক প্রতিহত কৰা আৰু মুছলিমসকলৰ তেজ সুৰক্ষিত কৰা।
হাদীছৰ পৰা সংগৃহীত উপকাৰিতাসমূহ
- মুছলিম শাসকৰ কথা মনা আৰু তেওঁৰ আনুগত্য কৰা ওৱাজিব। তেওঁৰ বিৰুদ্ধে বিদ্রোহ কৰা হাৰাম।
- যাৰ নেতৃত্বৰ ওপৰত মুছলিমসকল ঐক্যবদ্ধ হয়, তেওঁৰ বিৰুদ্ধে যিয়ে বিদ্রোহ কৰে তাক হত্যা কৰা ওৱাজিব। সন্মান আৰু বংশৰ ফালৰ পৰা তাৰ মর্যাদা যিটোৱে নহওক কিয়।
- হাদীছটোৰ বাহ্যিক অর্থই প্ৰমাণ কৰে যে, বিদ্রোহী এজন হওক বা এটা দল, সিহঁতক হত্যা কৰা হ’ব। কিন্তু জামাতৰ যদি শক্তি আৰু প্রতিৰোধ কৰাৰ ক্ষমতা থাকে তথাপিও যদি সদস্যসকলে ব্যাখ্যা বিশ্লেষণৰ সহায় লৈ জামাত ত্যাগ কৰে তেনেহ'লে সিহঁত হ’ব বিদ্রোহী। যদি সিহঁতৰ কোনো ব্যাখ্যা নাথাকে তথা ক্ষমতা লাভ কৰিব বিচাৰে তেনেহ'লে এই ক্ষেত্ৰত সিহঁতৰ বিধান হ’ব ডকাইতৰ বিধান।
- একতাৰ প্রতি উৎসাহ প্রদান কৰা হৈছে আৰু মতানৈক্য তথা মতোবিৰোধ পৰিহাৰ কৰিবলৈ উৎসাহ দিয়া হৈছে।
শ্ৰেণীবিন্যাসসমূহ
অধিক
- হাদীছ: আমি ৰাছুলুল্লাহ চাল্লাল্লাহু আলাইহি অছাল্লামৰ ওচৰত এই বিষয়ে বাইআত কৰিছিলোঁ যে, আমি সুখে-দুখে, আৰামত অথবা কষ্টত আৰু আমাৰ ওপৰত (অন্য লোকক) প্রাধান্য দিয়াৰ অৱস্থাতো আমি তেওঁৰ পূৰ্ণ আনুগত্য কৰিম। আৰু আমি ৰাষ্ট্ৰ নেতাক ক্ষমতাচ্যুত কৰিবলৈ তেওঁৰ বিৰুদ্ধে কেতিয়াও বিদ্ৰোহ নকৰোঁ।
- হাদীছ: অদূৰ ভৱিষ্যতত তোমালোকৰ ওপৰত এনেকুৱা শাসকবৃন্দ নিযুক্ত কৰা হ’ব, যিসকলৰ (কিছুমান কাম) তোমালোকে ভাল দেখিবলৈ পাবা আৰু (কিছুমান কাম) গর্হিত দেখিবলৈ পাবা। এতেকে যি ব্যক্তিয়ে (তেওঁলোকৰ গর্হিত কৰ্মক) ঘৃণা কৰিব, তেওঁ দায়িত্বমুক্ত হৈ যাব, আৰু যিয়ে আপত্তি তথা প্ৰতিবাদ জনাব, সেই ব্যক্তিও পৰিত্রাণ পাই যাব। কিন্তু যি ব্যক্তিয়ে (এইবোৰ কৰ্মত) সন্মত হ’ব আৰু তেওঁলোকৰ অনুসৰণ কৰিব (সি ধ্বংস হৈ যাব)।” চাহাবাসকলে ক’লেঃ ‘হে আল্লাহৰ ৰাছুল! আমি তেওঁলোকৰ বিৰুদ্ধে যুদ্ধ নকৰিম নেকি?’ তেখেতে ক’লেঃ “নহয়; যেতিয়ালৈকে তেওঁলোকে তোমালোকৰ মাজত চালাত কায়েম কৰিব।”
- হাদীছ: আল্লাহ তা‘আলাই যাক জনসাধাৰণৰ নেতৃত্ব প্ৰদান কৰিছে, তেওঁ যদি বিশ্বাসঘাতকতা বা প্ৰৱঞ্চনা কৰি মৃত্যুবৰণ কৰে, তেন্তে আল্লাহে তাৰ ওপৰত জান্নাত হাৰাম কৰি দিব।
- হাদীছ: যি ব্যক্তিয়ে আনুগত্যৰ পৰা ওলাই গৈছে আৰু জামাতৰ পৰা বিচ্ছিন্ন হৈ মৃত্যুবৰণ কৰিছে, সি প্ৰকৃততে জাহিলি অৱস্থাত মৃত্যুবৰণ কৰিছে। এইদৰে যি ব্যক্তিয়ে অন্ধভক্তিৰ পতাকাৰ তলত গোড়ামীৰ বশৱৰ্তী হৈ জাতিগত কাৰণত যুদ্ধ কৰে অথবা জাতীয়তাবাদৰ পিনে আহ্বান কৰে অথবা জাতীয়তাক সহায় কৰা অৱস্থাত নিহত হয়, সেই ব্যক্তিয়েও জাহিলি মৃত্যুবৰণ কৰে।