হাদীছ: ‘আমি ৰাছুলুল্লাহ চাল্লাল্লাহ আলাইহি অছাল্লামৰ ওচৰত এই বিষয়ে বাইআত কৰিছিলোঁ যে, সুখে-দুখে, পছন্দ অপছন্দ সকলো ক্ষেত্ৰতে আৰু আমাৰ ওপৰত (আনক) প্রাধান্য দিয়াৰ ক্ষেত্ৰতো আমি তেখেতৰ পূৰ্ণ আনুগত্য কৰিম
عن عُبَادَةَ بن الصَّامتِ رضي الله عنه قال:
بَايَعْنَا رسولَ اللهِ صلى الله عليه وسلم على السَّمْعِ وَالطَّاعَةِ فِي الْعُسْرِ وَالْيُسْرِ، وَالْمَنْشَطِ وَالْمَكْرَهِ، وعلى أَثَرَةٍ علينا، وعلى أَلَّا نُنَازِعَ الْأَمْرَ أهلَه، وعلى أَنْ نَقُولَ بِالْحَقِّ أينما كُنَّا، لا نَخَافُ في الله لَوْمَةَ لَائِمٍ.
[صحيح] - [متفق عليه] - [صحيح مسلم: 1709]
المزيــد ...
উবাদাহ বিন চামিত ৰাদ্বিয়াল্লাহু আনহুৰ পৰা বৰ্ণিত, তেওঁ কৈছেঃ
‘আমি ৰাছুলুল্লাহ চাল্লাল্লাহ আলাইহি অছাল্লামৰ ওচৰত এই বিষয়ে বাইআত কৰিছিলোঁ যে, সুখে-দুখে, পছন্দ অপছন্দ সকলো ক্ষেত্ৰতে আৰু আমাৰ ওপৰত (আনক) প্রাধান্য দিয়াৰ ক্ষেত্ৰতো আমি তেখেতৰ পূৰ্ণ আনুগত্য কৰিম। লগতে ৰাষ্ট্র নেতাৰ ক্ষমতা হৰণ কৰিবলৈ আমি তেওঁৰ বিৰুদ্ধে কেতিয়াও যুদ্ধ নকৰোঁ ; কিন্তু যদি তেওঁৰ মাজত প্রকাশ্য কুফৰী দেখা পাওঁ সেয়া সুকীয়া বিষয়। এইদৰে আমি সদায় সত্য কথা কম, লগতে আমি আল্লাহৰ বিষয়ে কোনো নিন্দাকাৰীৰ নিন্দাক ভয় নকৰোঁ।
[ছহীহ] - [(মুত্তাফাক আলাইহ {বুখাৰী মুছলিম})] - [ছহীহ মুছলিম - 1709]
নবী চাল্লাল্লাহু আলাইহি অছাল্লামে চাহাবাসকলৰ পৰা এই বিষয়ত বাইআত লৈছে যে, স্বাভাৱিক সময়তো আৰু কঠিন সময়তো, লগতে স্বচ্ছল অৱস্থাতো আৰু অভাৱ-অনাটনৰ সময়তো ৰাষ্ট্ৰনেতা তথা প্ৰশাসনৰ আনুগত্য কৰিব লাগিব। যদিও তেওঁলোকৰ আদেশ-নিষেধ পছন্দ হওক বা নহওক। যদিও শাসকসকলে ৰাজহুৱা সম্পদ, পদ বা আন কোনো ধৰণৰ বস্তু দখল কৰি লয়। তেওঁলোকৰ প্ৰতিটো সঠিক নিৰ্দেশনা মানি লোৱা অনিবাৰ্য। তেওঁলোকৰ বিৰুদ্ধে কাজিয়া কৰা উচিত নহয়, কাৰণ শাসকৰ বিৰুদ্ধে কৰা কাজিয়াৰ পৰিণতি অতি ভয়াৱহ, ইয়াৰ ক্ষতিৰ পৰিমাণ আটাইতকৈ ডাঙৰ। তেওঁলোকে এই ক্ষেত্ৰতো বাইআত লৈছিল যে, তেওঁলোকে আল্লাহৰ উদ্দেশ্য নিষ্ঠা সহকাৰে সকলো সময়তে উচিত তথা হক কথা ক'ব, এই ক্ষেত্ৰত তেওঁলোকে কোনো ভৰ্ৎসনাকাৰীৰ ভৰ্ৎসনাক কেৰেপ নকৰিব তথা ভয় নকৰিব।
হাদীছৰ পৰা সংগৃহীত উপকাৰিতাসমূহ
- শাসকৰ আনুগত্যক অনিবাৰ্য কৰাৰ উদ্দেশ্য হৈছে মুছলিমসকলক এটা প্লেটফৰ্মত একত্ৰিত কৰা আৰু বহুধাবিভক্তিৰ পৰা ৰক্ষা কৰা।
- আল্লাহৰ অবাধ্যতা নোহোৱাকৈ সুখে দুখে, পছন্দ অপছন্দ আদি সকলো ক্ষেত্ৰতে ৰাষ্ট্ৰনেতাৰ আনুগত্য কৰা অনিবাৰ্য। আনকি সিহঁতে যদি ৰাজহুৱা সম্পত্তিত প্ৰজাতকৈ নিজকে প্ৰাধান্য দিয়ে তথাপিও আনুগত্য কৰা ওৱাজিব।
- কোনো ভয়-ভ্ৰূক্ষেপ নকৰাকৈ আমি য'তেই নাথাকো কিয় সদায় সত্য কথা কোৱা ওৱাজিব।
শ্ৰেণীবিন্যাসসমূহ
অধিক
- হাদীছ: অদূৰ ভৱিষ্যতত তোমালোকৰ ওপৰত এনেকুৱা শাসকবৃন্দ নিযুক্ত কৰা হ’ব, যিসকলৰ (কিছুমান কাম) তোমালোকে ভাল দেখিবলৈ পাবা আৰু (কিছুমান কাম) গর্হিত দেখিবলৈ পাবা। এতেকে যি ব্যক্তিয়ে (তেওঁলোকৰ গর্হিত কৰ্মক) ঘৃণা কৰিব, তেওঁ দায়িত্বমুক্ত হৈ যাব, আৰু যিয়ে আপত্তি তথা প্ৰতিবাদ জনাব, সেই ব্যক্তিও পৰিত্রাণ পাই যাব। কিন্তু যি ব্যক্তিয়ে (এইবোৰ কৰ্মত) সন্মত হ’ব আৰু তেওঁলোকৰ অনুসৰণ কৰিব (সি ধ্বংস হৈ যাব)।” চাহাবাসকলে ক’লেঃ ‘হে আল্লাহৰ ৰাছুল! আমি তেওঁলোকৰ বিৰুদ্ধে যুদ্ধ নকৰিম নেকি?’ তেখেতে ক’লেঃ “নহয়; যেতিয়ালৈকে তেওঁলোকে তোমালোকৰ মাজত চালাত কায়েম কৰিব।”
- হাদীছ: আল্লাহ তা‘আলাই যাক জনসাধাৰণৰ নেতৃত্ব প্ৰদান কৰিছে, তেওঁ যদি বিশ্বাসঘাতকতা বা প্ৰৱঞ্চনা কৰি মৃত্যুবৰণ কৰে, তেন্তে আল্লাহে তাৰ ওপৰত জান্নাত হাৰাম কৰি দিব।
- হাদীছ: যি ব্যক্তিয়ে আনুগত্যৰ পৰা ওলাই গৈছে আৰু জামাতৰ পৰা বিচ্ছিন্ন হৈ মৃত্যুবৰণ কৰিছে, সি প্ৰকৃততে জাহিলি অৱস্থাত মৃত্যুবৰণ কৰিছে। এইদৰে যি ব্যক্তিয়ে অন্ধভক্তিৰ পতাকাৰ তলত গোড়ামীৰ বশৱৰ্তী হৈ জাতিগত কাৰণত যুদ্ধ কৰে অথবা জাতীয়তাবাদৰ পিনে আহ্বান কৰে অথবা জাতীয়তাক সহায় কৰা অৱস্থাত নিহত হয়, সেই ব্যক্তিয়েও জাহিলি মৃত্যুবৰণ কৰে।
- হাদীছ: তোমালোকৰ যাৱতীয় কর্ম এজন ব্যক্তিৰ ওপৰত ন্যস্ত থকা অৱস্থাত যদি কোনোবাই আহি তোমালোকৰ একতাৰ লাখুটি ভাঙিব বিচাৰে আৰু তোমালোকৰ জামাতৰ মাজত বিভেদ সৃষ্টি কৰিব বিচাৰে তেন্তে তোমালোকে তাক হত্যা কৰা।
- হাদীছ: শীঘ্ৰেই ফিতনাই দেখা দিব। সাৱধান! সেই ফিতনাৰ সময়ছোৱাত চলমান লোকতকৈ বহি থকা লোক বেছি নিৰাপদ থাকিব। এইদৰে দ্ৰুতগামী লোকতকৈ চলমান লোক বেছি সুৰক্ষিত থাকিব।