Hadith: ពួកយើងបានធ្វើសច្ចាប្រណិធាននឹងរ៉ស៊ូលុលឡោះ ﷺ លើការស្តាប់បង្គាប់និងគោរពតាម(មេដឹកនាំ)ទាំងក្នុងស្ថានភាពលំបាក និងងាយស្រួល ទាំងអ្វីដែលយើងពេញចិត្ត និងអ្វីដែលយើងមិនពេញចិត្ត ហើយស៊ូទ្រាំអត់ធ្មត់ប្រសិនបើមានការផ្តាច់ការមកលើយើង

عن عُبَادَةَ بن الصَّامتِ رضي الله عنه قال:
بَايَعْنَا رسولَ اللهِ صلى الله عليه وسلم على السَّمْعِ وَالطَّاعَةِ فِي الْعُسْرِ وَالْيُسْرِ، وَالْمَنْشَطِ وَالْمَكْرَهِ، وعلى أَثَرَةٍ علينا، وعلى أَلَّا نُنَازِعَ الْأَمْرَ أهلَه، وعلى أَنْ نَقُولَ بِالْحَقِّ أينما كُنَّا، لا نَخَافُ في الله لَوْمَةَ لَائِمٍ.
[صحيح] - [متفق عليه] - [صحيح مسلم: 1709]

អំពី អ៊ូហ្ពាហ្ទះ ពិន អាសស៏មិត رضي الله عنه បាននិយាយថា
ពួកយើងបានធ្វើសច្ចាប្រណិធាននឹងរ៉ស៊ូលុលឡោះ ﷺ លើការស្តាប់បង្គាប់និងគោរពតាម(មេដឹកនាំ)ទាំងក្នុងស្ថានភាពលំបាក និងងាយស្រួល ទាំងអ្វីដែលយើងពេញចិត្ត និងអ្វីដែលយើងមិនពេញចិត្ត ហើយស៊ូទ្រាំអត់ធ្មត់ប្រសិនបើមានការផ្តាច់ការមកលើយើង ហើយមិនប្រឆាំងនឹងអ្នកមេដឹកនាំឡើយ និងនិយាយការពិតគ្រប់ទីកន្លែង ដោយមិនត្រូវខ្លាចគេស្តីបន្ទោសក្នុងមាគ៌ាអល់ឡោះនោះឡើយ។
[صحيح] - [متفق عليه] - [صحيح مسلم - 1709]

Explanation

ណាពី ﷺ លោកបានទទួលយកនូវកិច្ចសន្យាពីសហាហ្ពាត់របស់លោកលើការគោរពតាមមេដឹកនាំទាំងក្នុងស្ថានភាពលំបាក និងងាយស្រួល ទាំងពេលមានបាន ទាំងពេលទាល់ក្រ ទោះបីជាកិច្ចការនោះពួកគេពេញចិត្ត ឬមិនពេញចិត្តក៏ដោយ ទោះជាអ្នកដឹកនាំផ្តល់អាទិភាពលើមនុស្សលើទ្រព្យសម្បត្តិសាធារណៈ មុខតំណែង ឬរឿងផ្សេងៗក៏ដោយ ក៏ចាំបាច់លើពួកគេត្រូវតែស្តាប់តាម និងគោរពតាមមេដឹកនាំនោះក្នុងរឿងដែលត្រឹមត្រូវដែរ។ ហើយមិនត្រូវបះបោរប្រឆាំងនឹងមេដឹកនាំឡើយ ពីព្រោះភាពវឹកវរ ចលាចល និងវិនាសកម្មដែលកើតឡើងពីការប្រយុទ្ធប្រឆាំងនឹងមេដឹកនាំ គឺធំធេងជាងវិនាសកម្មដែលកើតចេញពីអំពើអយុត្តិធម៌របស់មេដឹកនាំនោះទៅទៀត។ ហើយក្នុងចំណោមអ្វីដែលសហាហ្ពាត់បានចុះកិច្ចសន្យាផងដែរនោះ គឺពួកគេត្រូវនិយាយពាក្យពិតជានិច្ចប្រកបដោយភាពជ្រះថ្លាចំពោះអល់ឡោះជាម្ចាស់ទោះជានៅទីកន្លែងណាក៏ដោយ ដោយមិនត្រូវខ្លាចមានអ្នកស្តីបន្ទោសពួកគេឡើយ។

Benefits from the Hadith

1. ផ្លែផ្កានៃការស្តាប់តាម និងគោរពតាមមេដឹកនាំ គឺធ្វើឲ្យជនមូស្លីមមានការរួបរួមគ្នា និងចាកផុតពីការបែកបាក់។
2. ចាំបាច់ត្រូវស្តាប់បង្គាប់ និងគោរពតាមមេដឹកនាំចំពោះបញ្ហាដែលមិនមែនជាអំពើល្មើសចំពោះអល់ឡោះ ទាំងក្នុងស្ថានភាពលំបាក និងងាយស្រួល ទាំងអ្វីដែលខ្លួនពេញចិត្ត និងអ្វីដែលខ្លួនមិនពេញចិត្ត ទាំងពេលដែលពួកគេធ្វើសកម្មភាពផ្តាច់ការ។
3. ចាំបាច់ត្រូវនិយាយពាក្យពិតទោះបីជាយើងនៅទីកន្លែងណាក៏ដោយដោយមិនត្រូវខ្លាចគេស្តីបន្ទោសក្នុងរឿងអល់ឡោះនោះឡើយ។