Xaddiis: Qofkii Ilaahay madax uga dhigo shacab, oo maalinta geeridiisu joogto, dhinta isago soo khiyaamay shacabkiisii, Ilaahay wuxuu ka xarimaa janada
عن مَعقِلِ بن يَسار المُزَنِيّ رضي الله عنه قال: إني سمعت رسول الله صلى الله عليه وسلم يقول:
«مَا مِنْ عَبْدٍ يَسْتَرْعِيهِ اللهُ رَعِيَّةً، يَمُوتُ يَوْمَ يَمُوتُ وَهُوَ غَاشٌّ لِرَعِيَّتِهِ، إِلَّا حَرَّمَ اللهُ عَلَيْهِ الْجَنَّةَ».
[صحيح] - [متفق عليه] - [صحيح مسلم: 142]
المزيــد ...
Macqal Binu Yasaar AlMusani Allaha ka raali ahaade wuxuu yiri: waxaan ka maqlay Rasuulka Ilaahay scw isagoo dhahaya:
" Qofkii Ilaahay madax uga dhigo shacab, oo maalinta geeridiisu joogto, dhinta isago soo khiyaamay shacabkiisii, Ilaahay wuxuu ka xarimaa janada.
[Xadiis Saxiix ah] - [Xadiis la isku waafaqay] - [Saxiix Muslim - 142]
Nabigu scw wuxuu sheegay in qof kasta oo Ilaahay masuul uga dhigay dad, ha noqoto masuuliyad guud sida Madax wayne, ama masuuliyad gaara sida tan ninka ka saaran gurigiisa, ama gabadha ka saaran gurigeeda, hadii ay dayacaan wixii masuulka looga dhigay, ama ay khiyaanaan oo aanay u naseexayn, oo dayacaan xuquuqdooda diineed iyo tan aduunyo, waxay mutaysanayaan ciqaabtaas adag.
Faa'iidooyinka xaddiiska laga faa'iideysanayo waxaa kamid ah.
- Goodigaasi gaar kuma aha madax waynaha iyo ku xigeenadiisa, balse waa mid guud oo loo jeedo qofkastoo Ilaahay madax uga dhigay dad.
- Waxaa waajib ku ah qofkasta oo masuul ka noqda arin muslimiintu leeyihiin inuu u naseexeeyo, kuna dadaalo inuu amaanada guto, oo dadka uga digo khiyaanada.
- Aad ayey u wayn tahay qofka mas'uuliyad guud u qabta dadka ama mid gaara, ha noqoto mid wayn ama mid yare.