ဟဒီးဆ်: သာသနာဟူသည် ကောင်းကျိုးလိုလားခြင်းဖြစ်သည်။

عن أبي رقية تميم بن أوس الداري رضي الله عنه أن النبي صلى الله عليه وسلم قال: «الدين النصيحة» قلنا: لمن؟ قال: «لله، ولكتابه، ولرسوله، ولأئمة المسلمين وعامتهم».
[صحيح] - [رواه مسلم]

အဗူရုကိုင်ယ်ယဟ်သမီမ် ဗင်န် အောဝ်စ် အဒ္ဒါရီ (ရဿွိယလ္လာဟုအန်ဟု)က ဆင့်ပြန်ခဲ့သည်။ တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)က သာသနာဟူသည် "c2">“ကောင်းကျိုးလိုလားခြင်းဖြစ်သည်”ဟု မိန့်တော်မူခဲ့သည်။ ကျွန်တော်တို့က မည်သူ့အတွက်ပါနည်းဟု မေးလျှောက်ခဲ့ကြရာ ကိုယ်တော်က "c2">“အလ္လာဟ်အရှင်မြတ်အတွက်၊ အရှင်မြတ်၏ ကျမ်းဂန်အတွက်၊ အရှင်မြတ်၏ ရစူလ်တမန်တော်အတွက်၊ မွတ်စ်လင်မ်ခေါင်းဆောင်များအတွက်နှင့် အများမွတ်စ်လင်မ်တို့အတွက်ဖြစ်သည်”ဟု ဖြေကြားတော်မူခဲ့သည်။
ဤဟဒီးဆ်သည် ဆွဟီးဟ် အဆင့်ရှိသည်။ - မွတ်စ်လင်မ်ကျမ်း။

ရှင်းလင်းချက်

စစ်မှန်ပြီး မှန်ကန်ဖြောင့်မတ်သည့် အစ္စလာမ် သာသနာတော်သည် စိတ်စေတနာဖြူစင်စွာဖြင့် ဆုံးမသွန်သင်မှုပြုရန်၊ အနန္တတန်ခိုးတော်ရှင် အလ္လာဟ်အရှင်မြတ်သည် တစ်ဆူတည်းတစ်ပါးတည်းဖြစ်ကြောင်းကို ကျွန်တော်တို့ ထောက်ခံ၍ အီမာန် သက်ဝင်ယုံကြည်ရန်၊ ထိုအရှင်မြတ်သည် ချွတ်ယွင်းမှု အပေါင်းမှ ကင်းရှင်းကြောင်းတင်ပြရန်၊ ပြီးပြည့်စုံသော ဂုဏ်တော်များဖြင့် အရှင်မြတ်အား ဂုဏ်ပေးရန်နှင့် ကျမ်းမြတ်ကုရ်အာန်သည် အလ္လာဟ်အရှင်မြတ် ထံတော်မှ ချပေးခြင်းခံရသော အရှင့်မုက္ခပါဌ်တော်ဖြစ်ပြီး အဖန်ဆင်းခံမဟုတ်ကြောင်းကို ယုံကြည်မှုထားရှိရန်၊ ကျွန်တော်တို့သည် ထိုကျမ်းတော်၏ ပေါ်လွင်ထင်ရှားပြီး အဓိပ္ပာယ်တစ်မျိုးတည်းထွက်သော အာယသ်တော်များကို လိုက်နာကျင့်သုံးပြီး အဓိပ္ပာယ်ပြားသော ဆင်တူရိုးမှားဖြစ်သော အာယသ်တော်များကို သက်ဝင်ယုံကြည်ရန်၊ ၎င်းပြင် အလ္လာဟ်အရှင်မြတ်၏ ရစူလ်တမန်တော်(ဆွလ္လလ္လာဟုအလိုင်ဟိဝစလ္လမ်) ယူဆောင်လာသောအရာများနှင့်စပ်လျဥ်း၍ ကိုယ်တော့်အား ယုံကြည်ထောက်ခံပြီး အမိန့်ပေးထားသည်များကို အကောင်ထည်ဖော်ကာ တားမြစ်ထားသောအရာများမှ ရှောင်ကြဉ်ရန်၊ မွတ်စ်လင်မ် ခေါင်းဆောင်များကို အမှန်တရားအပေါ်တွင်ရိုင်းပင်းကူညီရန်၊ ၎င်းတို့ မသိနားမလည်သော အရာများကို လမ်းညွှန်ပေးရန်၊ ၎င်းတို့မေ့လျော့နေသော သို့မဟုတ် သတိမမူမိသော အရာများကို သတိပေးရန်၊ အများမွတ်စ်လင်မ်တို့အား အမှန်တရားသို့ လမ်းညွှန်ပြသရန်၊ ထို့ပြင် ကျွန်ုပ်တို့ထံမှဖြစ်စေ အခြားသူများထံမှဖြစ်စေ ၎င်းတို့အပေါ် ဒုက္ခတစ်စုံတစ်ရာ မကျရောက်စေရန် တတ်နိုင်သမျှ တားဆီးပေးရန်နှင့် ၎င်းတို့အား မကောင်းမြစ်တား ကောင်းရာညွှန်ကြားမှုပြုရန် စသည်တို့အတွက် ရောက်ရှိလာခဲ့သည်။ ၎င်းတို့အတွက် အနှစ်ချုပ် ဆုံးမသြဝါဒမှာ ကျွန်တော်တို့ တစ်ဦးတိုင်း တစ်ယောက်တိုင်းသည် မိမိအတွက် နှစ်သက်သည့်အရားကို အများမွတ်စ်လင်မ်အတွက် နှစ်သက်ရမည်ဖြစ်သည်။