عن ابن عمر رضي الله عنهما، قال: سمعت رسول الله صلى الله عليه وسلم يقول: «كلكم رَاعٍ، وكلكم مسؤول عن رَعِيَّتِهِ: والأمير رَاعٍ، والرجل رَاعٍ على أهل بيته، والمرأة رَاعِيَةٌ على بيت زوجها وولده، فكلكم راَعٍ، وكلكم مسؤول عن رَعِيَّتِهِ». وفي لفظ: «كلكم رَاعٍ، وكلكم مسؤول عن رَعِيَّتِهِ: الإمام رَاعٍ ومسؤول عن رَعِيَّتِهِ، والرجل رَاعٍ في أهله ومسؤول عن رَعِيَّتِهِ، والمرأة رَاعِيَةٌ في بيت زوجها ومسؤولة عن رَعِيَّتِهَا، والخادم رَاعٍ في مال سيده ومسؤول عن رَعِيَّتِهِ، فكلكم رَاعٍ ومسؤول عن رَعِيَّتِهِ».
[صحيح] - [متفق عليه]
المزيــد ...

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئیبن عومەرەوە -ڕەزای خوایان لێبێت- دەڵێت: گوێم لە پێغەمبەری خودا بوو -صلى اللە علیە وسلم- کە دەیفەرموو: «هەمووتان شوانن، وهەریەکێکتان بەرپرسیارە بەرامبەر ژێردەستەکەى: دەسەڵاتدار شوانە، وپیاو شوانە لەسەر خێزانەکەى، وئافرەت شوانە لەسەر ماڵی مێردەکەى ومنداڵەکانى، وهەمووتان شوانن وبەرپرسیارن بەرامبەر ژێردەستەکانتان». ولە گێڕانەوەیەکدا: «هەمووتان شوانن، وهەریەکێکتان بەرپرسیارە بەرامبەر ژێردەستەکەى: دەسەڵاتدار (ئەمیر) شوانە وبەرپرسیارە بەرامبەر ژێردەستەکەى، پیاو شوانە وبەرپرسیارە بەرامبەر خێزانەکەى، وئافرەت شوانە وبەرپرسیارە بەرامبەر ماڵی مێردەکەى ومنداڵەکانى، خزمەتکار شوانە وبەرپرسیارە بەرامبەر ماڵ وسامانی گەورەکەى، وهەمووتان شوانن وبەرپرسیارن بەرامبەر ژێردەستەکانتان».
صەحیحە - بوخاری و موسلیم هاوڕان لەسەری

شیکردنەوە

هەموو کەسێک سپاردە کراوە بە پاراستن وگرنگیدان بەو کەس وشتانەى لە ژێر دەستیدان، ولێپرسینەوەى لێدەکرێت سەبارەت بەم بەرپرسیاریەتیە. بۆ نمونە، دەسەڵاتدار بەرپرسیارە سەبارەت بە ژێر دەستەکانى لە ڕۆژی قیامەتدا جا لە هەر پلەیەکی دەسەڵات بێت، بەهەمان شێوە پیاو بەرپرسیارە بەرامبەر خێزانەکەى وپێویستە فەرمانیان پێبکات بە گوێڕایەڵیکردنی فەرمانەکانى خواى گەورە ونەهیان لێبکات لە ئەنجامدانى حەرامکراوەکان وپێویستە ماف وئەرکەکانى سەرشانی جێبەجێبکات بەرامبەریان ولە ڕۆژی قیامەتدا سەبارەت بەم شتانە پرسیاری لێدەکرێت، وئافرەتیش بەرپرسیارە بەرامبەر ماڵی مێردەکەى وپێویستە پارێزگاری لێبکات ومنداڵەکانى جوان پەروەردە بکات ولە ڕۆژی قیامەتدا سەبارەت بەم ئەرکانە لێپرسینەوەى لێدەکرێت، وکۆیلە (خزمەتکار یان کەسێک بۆ کەسێکی تر کار بکات) سپاردە کراوە لەسەر پاراستن وخیانەت نەکردن لە ماڵی گەورەکەى (یان ئەو کەسەی کاری بۆ دەکات)، ئەمانە هەموویان سپاردە کراون بە پاراستنی ماف وئەرکەکانی سەرشانیان بە ڕاستگۆیی وبێ خیانەت کردن وجێبەجێکردنیان بە ڕێکترین وجوانترین شێوە چونکە لە ڕۆژی قیامەتدا لێپرسینەوەیان لەسەر دەکرێت.

وه‌رگێڕانی ماناكان: ئینگلیزی فەڕەنسی ئیسپانی تورکی ئۆردی ئەندەنوسی بۆسنی ڕووسی چینی فارسی تاگالۆگ هیندی سینهالی ئیگۆری هوسا پورتوغالی
پیشاندانی وەرگێڕانەکان
زیاتر