Hadith: Agahimba kose mu bihimba vy'umubiri w'umuntu, karafise imperezwa kotanga maze umuntu akayihemberwa

عَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«كُلُّ سُلاَمَى مِنَ النَّاسِ عَلَيْهِ صَدَقَةٌ، كُلَّ يَوْمٍ تَطْلُعُ فِيهِ الشَّمْسُ يَعْدِلُ بَيْنَ الِاثْنَيْنِ صَدَقَةٌ، وَيُعِينُ الرَّجُلَ عَلَى دَابَّتِهِ فَيَحْمِلُ عَلَيْهَا أَوْ يَرْفَعُ عَلَيْهَا مَتَاعَهُ صَدَقَةٌ، وَالكَلِمَةُ الطَّيِّبَةُ صَدَقَةٌ، وَكُلُّ خُطْوَةٍ يَخْطُوهَا إِلَى الصَّلاَةِ صَدَقَةٌ، وَيُمِيطُ الأَذَى عَنِ الطَّرِيقِ صَدَقَةٌ».
[صحيح] - [متفق عليه] - [صحيح البخاري: 2989]

Mu vyakiriwe na Abu Hurayra (Imana Allah Imwishimire) yavuze ko Intumwa y'Imana (nyakugira amahoro n'impuhwe z'Imana Allah) yavuze iti:
"Agahimba kose mu bihimba vy'umubiri w'umuntu, karafise imperezwa kotanga maze umuntu akayihemberwa. Buri musi izuba riserutse rero, maze umuntu agatunganiriza abantu babiri batase, iba ari imperezwa ahemberwa, afashije umuntu mu kumwuriza ku gitwazi ciwe canke mu kumuterurira udukoresho twiwe akadushira kuri nya gitwazi, iba ari imperezwa ahemberwa, eka ni n'ijambo ryiza rihumuriza umuntu avuze, iba ari imperezwa ahemberwa, n'intambwe umuntu ateye aja gusenga, iba ari imperezwa ahemberwa, n'ugukura mu nzira ikibangamira abarengana, iba ari imperezwa ahemberwa".
[صحيح] - [متفق عليه] - [صحيح البخاري - 2989]

Explanation

Umuvugishwamana (nyakugira amahoro n'impuhwe z'Imana Allah) yaratomoye ko umwislamu uwo ari we wese amaze kugera mu bigero, agahimba kamwekamwe mu duhimba tw'umubiri wiwe, buri musi gafise igikorwa kokora ku bw'Imana Allah Nyenuguhabwicubahiro nta ngere, umuntu agaheza akagihemberwa impembo y'imperezwa, maze akagikora mu ntumbero yo gushimira Imana Allah ku nema y'amagara meza Yamuhaye, no ku nema yuko Yamuremeye amagufa mu duhimba dutuma ashobora kuyapfunya no kuyagorora Yaranatomoye n'uko iyo mperezwa itangwa mu gukora ibikorwa vy'ubugwaneza, n'uko idatangwa gusa mu guhereza amatungo, muri ivyo bikorwa rero, ni uko: Ukudahengama kwawe mu gutunganiriza abatase hamwe no mu kubumvikanisha, ni imperezwa. N’iyo ufashije umuntu mu kumwuriza ku gitwazi ciwe, canke mu kumuterurira kuri nya gitwazi ivyo adashoboye guterura, ni imperezwa; N’ijambo ryiza rigizwe n'ininahaza n'itaziramana, igisabisho, indamutso y'amahoro, n'ayandi majambo meza ahumuriza, ni imperezwa; N’intambwe yose umuntu ateye aja gusenga, ni imperezwa; N’ugukura ibibangamira abarengana mu nzira, ni imperezwa.

Benefits from the Hadith

1. Inyubako y'amagufa ya kiremwa-muntu mu buryo bumworohereza kuyakoresha, ni inema ihambaye cane mu nema z'Imana Allah Nyenuguhabwicubahiro nta ngere Yahaye umuntu, ni ngombwa rero ko atangira imperezwa igufa ryose mu magufa yiwe, mu ntumbero yo gushimira Imana Allah kuri iyo nema.
2. Ugukundisha umuntu kwama yibuka buri musi ugushima inema yahawe kugira nya nema azozamane mu bihe vyose.
3. Ugukundisha umuntu kwamizako buri musi ugukora ibikorwa vy'inyongera hamwe n'imperezwa zitandukanye.
4. Akamaro n'ivyiza biri mu kunywanisha abantu.
5. Ihimirizwa ry'umuntu gufasha mugenziwe, kuko ukwo kumufasha ari imperezwa.
6. Ihimirizwa ry'umuntu kuja ahakorerwa ibikorwa nyegerezamana bihuza abantu benshi, hamwe rero no gutsimbataza ibikorerwa mu misigiti.
7. Ni ngombwa kwubaha ukubahiriza agateka k'inzira abislamu bacamwo, mu kwirinda kuyisivya n'ibibangamira canke ibigeramira abarengana.