ဟဒီးဆ်: အကြင်အရှင်မြတ်၏ လက်တော်တွင် ငါကိုယ်တော်၏ဝိညာဥ်ရှိပြီး ထိုအရှင်မြတ်ကို တိုင်တည်၍ပြောမည်။ မကြာခင် အသင်တို့ထဲတွင် တရားမျှတစွာအုပ်ချုပ်မည့် မရ်ယမ်၏ သားတော် (အီစာ) ဆင်းသက်လာလိမ့်မည်။ ထိုအချိန်၌ သူသည်လက်ဝါးကပ်တိုင်ကို ချိုးဖျက်မည်။ ဝက်တိရစ္ဆာန်တွေကို သတ်ဖြတ်မည်။ အခွန်အခကို ဖျက်သိမ်းပစ်မည်။ (အလှူ) ငွေလက်ခံမည့်သူ တစ်ဦးမှမရှိတော့သည်အထိ ဥစ္စာပစ္စည်းများ ပေါများကြွယ်ဝလာလိမ့်မည်။

عَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«وَالَّذِي نَفْسِي بِيَدِهِ، لَيُوشِكَنَّ أَنْ يَنْزِلَ فِيكُمْ ابْنُ مَرْيَمَ حَكَمًا مُقْسِطًا، فَيَكْسِرَ الصَّلِيبَ، وَيَقْتُلَ الخِنْزِيرَ، وَيَضَعَ الجِزْيَةَ، وَيَفِيضَ المَالُ حَتَّى لاَ يَقْبَلَهُ أَحَدٌ».
[صحيح] - [متفق عليه] - [صحيح البخاري: 2222]

အဗူဟုရိုင်ရဟ် (ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်။
အကြင်အရှင်မြတ်၏ လက်တော်တွင် ငါကိုယ်တော်၏ဝိညာဥ်ရှိပြီး ထိုအရှင်မြတ်ကို တိုင်တည်၍ပြောမည်။ မကြာခင် အသင်တို့ထဲတွင် တရားမျှတစွာအုပ်ချုပ်မည့် မရ်ယမ်၏ သားတော် (အီစာ) ဆင်းသက်လာလိမ့်မည်။ ထိုအချိန်၌ သူသည်လက်ဝါးကပ်တိုင်ကို ချိုးဖျက်မည်။ ဝက်တိရစ္ဆာန်တွေကို သတ်ဖြတ်မည်။ အခွန်အခကို ဖျက်သိမ်းပစ်မည်။ (အလှူ) ငွေလက်ခံမည့်သူ တစ်ဦးမှမရှိတော့သည်အထိ ဥစ္စာပစ္စည်းများ ပေါများကြွယ်ဝလာလိမ့်မည်။
[ဤဟဒီးဆ်သည် ဆွဟီးဟ် အဆင့်ရှိသည်။] - [ဗုခါရီကျမ်းနှင့် မွတ်စ်လင်မ်ကျမ်း။] - [صحيح البخاري - 2222]

ရှင်းလင်းချက်

မရ်ယမ်၏ သားတော်အီစာ (အလိုင်းဟိစ္စလာမ်)သည် တမန်တော်မုဟမ္မဒ် (ဆွလ္လလ္လာဟုအလိုင်းဟိဝစလ္လမ်)၏ ရှရီအဟ်တရားလမ်းစဉ်အတိုင်း တရားမျှတစွာ အုပ်ချုပ်သူအဖြစ် ဤအွမ္မသ်၌ ဆင်းသက်ရန် နီးကပ်ပြီဖြစ် ကြောင်း တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)က ကျိန်ဆို ၍မိန့်ကြားခဲ့သည်။ အီစာ (အလိုင်းဟိစ္စလာမ်)သည် နဆွာရာ ခရစ်ယာန်တို့က အလေးအမြတ်ထားရာ လက်ဝါးကပ်တိုင်ကို ချိုးဖျက်မည်ဖြစ်ပြီး၊ ဝက်များကို သတ်မည်ဖြစ်သည်။ ထို့အတူ ဂျစ်ဇ်ယဟ်အခွန်ကို ဖျက်သိမ်းမည်ဖြစ်သည်။ လူတို့အား အစ္စလာမ်သာသနာတော်ကိုလက်ခံယုံကြည်ရန် အမိန့်ပေးတိုက်တွန်းသွားမည်ဖြစ်သည်။ စည်းစိမ်ဥစ္စာများ အလွန်ပေါများလာသောကြောင့် မည်သူမျှပင် (အလှူ) ငွေကြေးကိုလက်ခံတော့မည်မဟုတ်ပေ။ ဤသို့ဖြစ်ရခြင်းမှာ ဥစ္စာပစ္စည်းများ ပေါများလာခြင်း၊ မိမိလက်တွင်ရှိသောအရာဖြင့် လုံလောက်မှုရှိခြင်း၊ ဗရ်ကသ်မင်္ဂလာများ ကျရောက်လာခြင်း၊ ကောင်းချီးများအဆက်မပြတ် ဖြစ်ပေါ်လာခြင်းတို့ကြောင့်ဖြစ်သည်။

ဟဒီးဆ်မှ သိမှတ်ဖွယ်ရာများ

1. နောက်ဆုံးခေတ်သမယတွင် အီစာ (အလိုင်းဟိစ္စလာမ်) ဆင်းသက်တော်မူမည့်အကြောင်း အတည်ပြုတင်ပြထားသည်။ ဤသည် ကိယာမသ်၏ နိမိတ်လက္ခဏာများတွင် ပါဝင်သည်။
2. တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)၏ ရှရီအဟ် တရားလမ်းစဉ်အား အခြားမည်သည့်လမ်းစဉ်ကမျှ မပယ်ဖျက်နိုင်ပေ။
3. နောက်ဆုံးခေတ်သမယ၌ ဥစ္စာပစ္စည်းတွင် ဗရ်ကသ် မင်္ဂလာများ ကျရောက်လာမည်ဖြစ်ပြီး ဥစ္စာပစ္စည်းနှင့်ပတ်သက်၍ လူတို့၏အလိုရမ္မက် လည်း လျော့နည်းသွားကြမည်။
4. အီစာ (အလိုင်းဟိစ္စလာမ်)သည် နောက်ဆုံးခေတ်၌အစ္စလာမ့် တရားလမ်းစဉ်အတိုင်း အုပ်ချုပ်မည်ဟုဆိုခြင်းသည် အစ္စလာမ်သာသနာတော်သည် အမြဲရှင်သန်နေမည်ဖြစ်ကြောင်း သတင်းကောင်းတစ်ရပ်ပင်ဖြစ်သည်။