Ҳадис: Жоним қўлида бўлган Зот билан қасамки, албатта, келажакда ичингизга Ибн Марям алайҳиссалом одил ҳакам бўлган ҳолда нозил бўлади. Сўнг хочни синдиради, чўчқани ўлдиради, жизяни бекор қилади ҳамда мол-мулк тўлиб-тошади. Ҳаттоки бирор киши уни қабул қилмай қўяди», – дедилар

عَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«وَالَّذِي نَفْسِي بِيَدِهِ، لَيُوشِكَنَّ أَنْ يَنْزِلَ فِيكُمْ ابْنُ مَرْيَمَ حَكَمًا مُقْسِطًا، فَيَكْسِرَ الصَّلِيبَ، وَيَقْتُلَ الخِنْزِيرَ، وَيَضَعَ الجِزْيَةَ، وَيَفِيضَ المَالُ حَتَّى لاَ يَقْبَلَهُ أَحَدٌ».
[صحيح] - [متفق عليه] - [صحيح البخاري: 2222]

Абу Ҳурайра разияллоҳу анҳудан ривоят қилинади: Расулуллоҳ соллаллоҳу алайҳи ва саллам:
«Жоним қўлида бўлган Зот билан қасамки, албатта, келажакда ичингизга Ибн Марям алайҳиссалом одил ҳакам бўлган ҳолда нозил бўлади. Сўнг хочни синдиради, чўчқани ўлдиради, жизяни бекор қилади ҳамда мол-мулк тўлиб-тошади. Ҳаттоки бирор киши уни қабул қилмай қўяди», – дедилар.
[Тўғри матн] - [Муттафақун алайҳ] - [Саҳиҳул Бухорий - 2222]

Изоҳ

Набий соллаллоҳу алайҳи ва саллам бу ҳадиси шарифда Исо ибн Марям алайҳиссалом тушиб, Муҳаммадия шариати ила адолат билан ҳукм қилишига қасам ичдилар. У киши насоролар улуғлайдиган хочни синдирадилар, чўчқани ўлдирадилар, жизяни қабул қилмайдилар ва барча инсонларни Ислом динига олиб кирадилар. Бойлик кўпаяди, ҳеч ким уни қабул қилмай қўяди. Бу эса, бойликнинг кўплиги, ҳамма қўлидаги нарса билан бошқадардан беҳожат экани, баракалар тушгани ва яхшиликлар узлуксиз эканига далолат қилади.

Ҳадиснинг фойдалари

1. Охир замонда Исо алайҳиссалом тушиши тасдиқланмоқда ва бу қиёмат аломатларидандир.
2. Набий соллаллоҳу алайҳи ва салламнинг шариатларини ҳеч ким насх қилмайди.
3. Охир замонда одамлар беҳожат бўлса ҳам мол-дунёга барака ёғилади.
4. Ислом дини охир замонгача қолиши ҳақида башорат берилмоқда. Чунки Исо алайҳиссалом шу дин билан ҳукм қиладилар.