ဟဒီးဆ်: အကြင်အရှင်မြတ်၏ လက်တော်တွင် မုဟမ္မဒ်၏ ဝိညာဥ်ရှိသည်။ ထိုအရှင်မြတ်ကိုတိုင်တည်၍ပြောမည်။ ဤအွမ္မသ်အနက်မှ ဂျူးဖြစ်စေ၊ ခရစ်ယာန်ဖြစ်စေ ငါကိုယ်တော်ကို ကြားသိပြီးနောက် ငါကိုယ်တော်နှင့်အတူ ချပေးခြင်းခံရသောအရာကိုမယုံကြည်ဘဲ သေဆုံးခဲ့သော် ထိုသူသည် ငရဲသားများအနက်မှပင်ဖြစ် သည်။

عن أبي هريرة رضي الله عنه مرفوعًا: «والذي نفسُ مُحمَّد بيدِه، لا يسمعُ بي أحدٌ من هذه الأمة يهوديٌّ، ولا نصرانيٌّ، ثم يموتُ ولم يؤمن بالذي أُرْسِلتُ به، إلَّا كان مِن أصحاب النار».
[صحيح] - [رواه مسلم]

အဗူဟုရိုင်ရဟ်(ရဿွိယလ္လာဟုအန်ဟု)က တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)ထံမှ ဆင့်ပြန်ခဲ့သည်။ အကြင်အရှင်မြတ်၏ လက်တော်တွင် မုဟမ္မဒ်၏ ဝိညာဥ်ရှိသည်။ ထိုအရှင်မြတ်ကို တိုင်တည်၍ ပြောမည်။ ဤအွမ္မသ်အနက်မှ ဂျူးဖြစ်စေ၊ ခရစ်ယာန်ဖြစ်စေ ငါကိုယ်တော်ကို ကြားသိပြီးနောက် ငါကိုယ်တော်နှင့်အတူ ချပေးခြင်းခံရသောအရာကို မယုံကြည်ဘဲ သေဆုံးခဲ့သော် ထိုသူသည် ငရဲသားများ အနက်မှပင်ဖြစ်သည်။
ဤဟဒီးဆ်သည် ဆွဟီးဟ် အဆင့်ရှိသည်။ - မွတ်စ်လင်မ်ကျမ်း။

ရှင်းလင်းချက်

တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)က အလ္လာဟ်အရှင်မြတ်ဖြင့်ကျိန်ဆို၍ ပြောကြားသည့်"c2">“ဤအွမ္မသ်အနက်မှ တစ်ဦးတစ်ယောက်သည်ကိုယ်တော်မြတ်ကိုကြားသိသည်”၏ ဆိုလိုရင်းမှာ ကိုယ်တော်၏ခေတ်၌ ရှိကြသူများနှင့် ကိုယ်တော်၏ နောက်ကိယာမသ်နေ့ထိ ရှိကြမည့်သူများကို ဆိုလို သည်။ "c2">“ယဟူဒီဖြစ်စေ၊ နဆွ်ရာနီဖြစ်စေ ငါကိုယ်တော်အား ကြားသိပြီးနောက် ငါကိုယ်တော်နှင့် အတူချပေးခြင်းခံရသောအရာကို မယုံကြည်ဘဲ သေဆုံးခဲ့သော် ထိုသူသည် ငရဲသားများအနက်မှပင်ဖြစ်သည်။”၏ ဆိုလိုရင်းမှာ မည်သည့် ယဟူဒီဖြစ်စေ၊ နဆွ်ရာနီဖြစ်စေ၊ ထို့အတူ အခြားမည်သူပင်ဖြစ်စေ ၎င်းထံသို့တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)၏ (ဒအ်ဝဟ်)ဖိတ်ခေါ်မှု ရောက်ရှိပြီးနောက် ကိုယ်တော့်အား မယုံကြည်ဘဲ သေဆုံးခဲ့သော် ထိုသူသည် ငရဲဘုံတွင် အမြဲနေရမည့် ငရဲသားတို့အနက်မှပင် ဖြစ်သည်။ ဤသြဝါဒတွင် ယဟူဒီနှင့် နဆွ်ရာနီတို့ကိုဖော်ပြပြီး အခြားသူများကိုပါ သတိပေးထားခြင်းဖြစ်သည်။ အဘယ်ကြောင့်ဆိုသော် ယဟူဒီနှင့် နဆွ်ရာနီတို့တွင် ကောင်းကင်ကျကျမ်းရှိကြသည်။ ထိုသို့ကျမ်းရသူတို့၏ အခြေအနေသည် ဤသို့ဖြစ်မည်ဆိုလျှင် ကောင်းကင်ကျကျမ်း မရရှိသောအခြားသူတို့၏ အခြေအနေသည် ပို၍ပင်ဆိုးရွားသည်။ ထို့ကြောင့် ၎င်းတို့အားလုံးသည် တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)၏ သာသနာနှင့် အမိန့်နာခံမှုအတွင်းသို့ ဝင်ရောက်ရန် တာဝန်ရှိသည်။