Hadiis: m wẽena ne a Mʋhammad yõorã sẽn be Naab ning Nugẽ wã, ned pa wʋmd mam kibare sẽn be zamã-kãngã pʋgẽ, tɩ yaa Yahʋʋda tɩ yaa Nasaara, rẽ poorẽ t'a ki n ka kõ sɩd ne b sẽn tʋms maam ne bũmb ningã, rẽndame t'a yɩ Bugum biiga
عَنْ أَبِي هُرَيْرَةَ رضي الله عنه عَنْ رَسُولِ اللهِ صلى الله عليه وسلم أنه قال:
«وَالَّذِي نَفْسُ مُحَمَّدٍ بِيَدِهِ لَا يَسْمَعُ بِي أَحَدٌ مِنْ هَذِهِ الْأُمَّةِ يَهُودِيٌّ وَلَا نَصْرَانِيٌّ، ثُمَّ يَمُوتُ وَلَمْ يُؤْمِنْ بِالَّذِي أُرْسِلْتُ بِهِ إِلَّا كَانَ مِنْ أَصْحَابِ النَّارِ».
[صحيح] - [رواه مسلم] - [صحيح مسلم: 153]
المزيــد ...
Yii a Abɩɩ Hʋrayrat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩngɑ) a yeelame:
«m wẽena ne a Mʋhammad yõorã sẽn be Naab ning Nugẽ wã, ned pa wʋmd mam kibare sẽn be zamã-kãngã pʋgẽ, tɩ yaa Yahʋʋda tɩ yaa Nasaara, rẽ poorẽ t'a ki n ka kõ sɩd ne b sẽn tʋms maam ne bũmb ningã, rẽndame t'a yɩ Bugum biiga».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 153]
Nabiyaamã, (Wẽnd pʋʋsg la A tɩlgr be a yĩngɑ) wẽenda ne Wẽnde, tɩ ka wʋmd yẽnda kibare, sẽn yi zãmã-kãngã pʋga, Yahuuda maa nasaara, maa zẽng sẽn ka bãmba b yiibã, tɩ Nabiyaamã, (Wẽnd pʋʋsg la A tɩlgr be a yĩngɑ) boollã ta a soabã, rẽ poorẽ t'a ki, n ka kõ sɩd ne-a, rẽndame t'a yɩ Bugum biiga, n duum beenẽ lae-lae.
Sẽn be Hɑdiisã yõod-rãmbẽ
- A wilgda Nabiyaamã, (Wẽnd pʋʋsg la A tɩlgr be a yĩngɑ) tẽn-tʋmdã sẽn gũbg n tʋg dũni wã gillã, la a tũubã sẽn yaa tɩlae wã, la a sẽn yẽes sãri-rãmb nins sẽn reng taoorã.
- Ned ning sẽn kɩfla ne Nabiyaamã, (Wẽnd pʋʋsg la A tɩlgr be a yĩngɑ) baa t'a sã n yag zĩri tɩ yẽ kõo sɩd ne nabiyaam-rãmb a taabã (Wẽnd pʋʋsg la A tɩlgr be b fãa gilli yĩnga) ka nafd-a ye.
- Ned ning sẽn ka wʋm Nabiyaamã kibare, (Wẽnd pʋʋsg la A tɩlgr be a yĩngɑ), tɩ lɩslaamngã booll ka ta-a, yẽ soabã tara padanga, la a yellã dũni yikr raarã bee ne Wẽnde, (A Naam zẽkame).
- Ned tõe n nafa ne lɩslaangã, baa t'a kũumã wa n pẽnegame, baa tɩ yaa bã-kεgeng zugu, sã n mikame t'a yõorã ka ta a koko-londẽ wã.
- Wilgdame tɩ yeel tɩ kɩfr-rãmbã dĩin yaa sɩda- sẽn be b pʋgẽ me yaa Yahuud-rãmbã la Nasaar-rãmbã- rẽ yaa kɩfẽndo.
- A pʋda Yahuud-rãmbã la Nasaar-rãmbã dĩin hadiisã pʋgẽ; tɩ yaa sẽn na n nek zẽng sẽn ka bãmb b yiibã, bala Yahuud-rãmbã la Nasaar-rãmbã rag n tara gafo, rẽnd sã n mikame tɩ bãmb yellã yaa woto, rẽnd neb nins sẽn ka tara-b gafã n yɩɩda, rẽnd b fãa gilli, yaa tɩlae tɩ b kẽ Wẽnd dĩinã pʋgẽ, la Nabiyaamã (Wẽnd pʋʋsg la A tɩlgr be a yĩngɑ) tũudum pʋgẽ.
Sagsã
Pɑɑgã
- Hadiis: lɩslaangã yaa f maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma, la f yals ne Pʋʋsgo la f yãk Zaka n kõ, la f loe Ramadaane, la f kaag Roogã tɩ f sã n paam sor n na n tʋg beenẽ
- Hadiis: Yaa Mam yembse, ad Mam gɩdga wẽgd Mam zugu, n maan-a t'a yaa haraam yãmb ne taab sʋka, bɩ y ra wẽg taab ye
- Hadiis: Mam poorẽ rãmbã fãa kẽeda arzãna, sã n pa sẽn tõdga
- Hadiis: Ad Wẽnd tõe n yaoolga wẽgdã, t'A sã n wa yõk-a a ka põsgd-A ye
- Hadiis: la ad yaa maam la a Damaam, ɭbn Sa’alaba, n yaa Banii Sa’ad ɭbn Bakr neda
- Hadiis: B sika wahɩ wã Wẽnd Tẽn-tʋʋma, (Wẽnd pʋʋsg la A tɩlgr be a yĩnga), zugu, t’a tara yʋʋm pis-naase
- Hadiis: Gʋlse, tɩ m wẽen ne Naab Ning mam yõorã sẽn be a soab nugẽ wã, ad bũmb ka yit a pʋgẽ tɩ sã n ka sɩd ye