ഹദീസ്: എൻ്റെ ആത്മാവ് ആരുടെ കയ്യിലാണോ, അവൻ തന്നെ സത്യം! ഈ സമുദായത്തിൽ പെട്ട ഏതൊരാൾ - അവൻ യഹൂദനോ ക്രൈസ്തവനോ ആകട്ടെ -; അവൻ എന്നെ കുറിച്ച് കേൾക്കുകയും, ശേഷം ഞാൻ അയക്കപ്പെട്ട കാര്യത്തിൽ (ഇസ്ലാമിൽ) വിശ്വസിക്കാതെ മരണപ്പെടുകയും ചെയ്തുവെങ്കിൽ അവൻ നരകക്കാരിൽ പെട്ടവനാകാതിരിക്കുകയില്ല.

عن أبي هريرة رضي الله عنه مرفوعًا: «والذي نفسُ مُحمَّد بيدِه، لا يسمعُ بي أحدٌ من هذه الأمة يهوديٌّ، ولا نصرانيٌّ، ثم يموتُ ولم يؤمن بالذي أُرْسِلتُ به، إلَّا كان مِن أصحاب النار».
[صحيح] - [رواه مسلم]

അബൂ ഹുറൈറ -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: "എൻ്റെ ആത്മാവ് ആരുടെ കയ്യിലാണോ, അവൻ തന്നെ സത്യം! ഈ സമുദായത്തിൽ പെട്ട ഏതൊരാൾ - അവൻ യഹൂദനോ ക്രൈസ്തവനോ ആകട്ടെ-; അവൻ എന്നെ കുറിച്ച് കേൾക്കുകയും, ശേഷം ഞാൻ അയക്കപ്പെട്ട കാര്യത്തിൽ (ഇസ്ലാമിൽ) വിശ്വസിക്കാതെ മരണപ്പെടുകയും ചെയ്തുവെങ്കിൽ അവൻ നരകക്കാരിൽ പെട്ടവനാകാതിരിക്കുകയില്ല."
സ്വഹീഹ് - മുസ്ലിം ഉദ്ധരിച്ചത്

വിശദീകരണം

നബി -ﷺ- അല്ലാഹുവിൻ്റെ പേരിൽ സത്യം ചെയ്തു കൊണ്ട് പറഞ്ഞ വാക്കുകളാണ് ഈ ഹദീഥിലുള്ളത്. "ഈ സമുദായത്തിൽ പെട്ട ഒരാൾ എന്നെ കുറിച്ച് കേൾക്കുകയും" എന്ന് പറഞ്ഞതിലൂടെ അവിടുത്തെ കാലഘട്ടത്തിലും അതിന് ശേഷം അന്ത്യനാൾ വരെയുമുള്ള സർവ്വരും ഉൾപ്പെടും. "അയാൾ യഹൂദനോ ക്രൈസ്തവനോ ആകട്ടെ; അവൻ എന്നെ കുറിച്ച് കേൾക്കുകയും, ശേഷം ഞാൻ അയക്കപ്പെട്ട കാര്യത്തിൽ (ഇസ്ലാമിൽ) വിശ്വസിക്കാതെ മരണപ്പെടുകയും ചെയ്തുവെങ്കിൽ അവൻ നരകക്കാരിൽ പെട്ടവനാകാതിരിക്കുകയില്ല." അതായത് യഹൂദനോ ക്രൈസ്തവനോ മറ്റേതെങ്കിലും വിഭാഗത്തിൽ പെട്ടവരോ ആകട്ടെ, നബി -ﷺ- യുടെ പ്രബോധനത്തെ കുറിച്ച് അവന് വിവരം ലഭിക്കുകയും, ശേഷം അതിൽ വിശ്വസിക്കാതെ അവൻ മരണപ്പെടുകയും ചെയ്താൽ ശാശ്വതരായി നരകത്തിൽ പ്രവേശിക്കുന്നവരിൽ അവൻ ഉൾപ്പെടാതിരിക്കുകയില്ല. യഹൂദരെയും ക്രൈസ്തവരെയും പ്രത്യേകം എടുത്തു പറഞ്ഞത് മറ്റു വിഭാഗങ്ങളിലേക്കുള്ള സൂചനയായിട്ടു കൂടിയാണ്. കാരണം യഹൂദരും ക്രൈസ്തവരും വേദഗ്രന്ഥം ലഭിച്ചവരാണ്. അല്ലാഹു വേദഗ്രന്ഥം നൽകിയവരായിട്ടും അവരുടെ കാര്യം ഇതാണെങ്കിൽ വേദഗ്രന്ഥം നൽകപ്പെടാത്ത മറ്റുള്ളവരുടെ കാര്യം അതിനേക്കാൾ വ്യക്തമാണ്. അതിനാൽ നബി -ﷺ- യുടെ മതമായ ഇസ്ലാമിൽ വിശ്വസിക്കുകയും, അവിടുത്തെ അനുസരിക്കുകയും ചെയ്യുക എന്നത് അവരുടെയെല്ലാം മേൽ ബാധ്യതയുള്ള കാര്യമാണ്.