हदीस: अल्लाहको कसम जसको कब्जा मा मोहम्मदको जीवन छ, यस समुदायमध्ये जसले मेरो कुरा सुन्दैनन्, चाहे त्यो यहूदी होस् वा ईसाई, त्यसपछि ममाथि आस्था नराखेको अवस्थामा उसको मृत्यु हुन्छ भने ऊ नर्कमा जानेछ ।
عَنْ أَبِي هُرَيْرَةَ رضي الله عنه عَنْ رَسُولِ اللهِ صلى الله عليه وسلم أنه قال:
«وَالَّذِي نَفْسُ مُحَمَّدٍ بِيَدِهِ لَا يَسْمَعُ بِي أَحَدٌ مِنْ هَذِهِ الْأُمَّةِ يَهُودِيٌّ وَلَا نَصْرَانِيٌّ، ثُمَّ يَمُوتُ وَلَمْ يُؤْمِنْ بِالَّذِي أُرْسِلْتُ بِهِ إِلَّا كَانَ مِنْ أَصْحَابِ النَّارِ».
[صحيح] - [رواه مسلم] - [صحيح مسلم: 153]
المزيــد ...
अबू-हुरैरह (रजियल्लाहु अन्हु) ले बयान गरेका छन्, रसूल (सल्लल्लाहु अलैहि वसल्लम) ले भन्नुभएको छ :
"अल्लाहको कसम जसको कब्जा मा मोहम्मदको जीवन छ, यस समुदायमध्ये जसले मेरो कुरा सुन्दैनन्, चाहे त्यो यहूदी होस् वा ईसाई, त्यसपछि ममाथि आस्था नराखेको अवस्थामा उसको मृत्यु हुन्छ भने ऊ नर्कमा जानेछ ।"
[सही] - [मुस्लिमले वर्णन गरेका छन्] - [सही मुस्लिम - 153]
रसूल (सल्लल्लाहु अलैहि वसल्लम) अल्लाहको कसम खाँदै हुनुहुन्छ, यस समुदायमध्ये यहूदी, ईसाई वा अरू कोही जसले उहाँको बारेमा सुन्छ तर उहाँमाथि विश्वास नगरी मर्छ भने ऊ सधैंभरि नरकमा हुनेछ ।
हदीसका केही फाइदाहरू
- रसूल (सल्लल्लाहु अलैहि वसल्लम) लाई सम्पूर्ण संसारका मानिसहरूका लागि रसूल (ईसहदूत) को रूपमा पठाइएको थियो । तसर्थ, सबैले उहाँको अनुसरण गर्नु अनिवार्य हो र उहाँको शरियतले पहिलेका सबै शरीयत (विधिविधान) हरूलाई रद्द गरेको छ ।
- जसले रसूल (सल्लल्लाहु अलैहि वसल्लम) लाई अस्वीकार गर्छ, उसलाई अन्य ईश्दूतहरुमा विश्वास गर्ने दाबीले केही फाइदा हुने छैन ।
- जसले रसूल (सल्लल्लाहु अलैहि वसल्लम) को बारेमा थाहा पाएन र उहाँको आह्वान पनि उसलाई पुगेन भने ऊ अनभिज्ञ (अशक्त) ठानिन्छ र परलोकमा उसको मामिला अल्लाहको हातमा हुनेछ ।
- मृत्युको केही समय अघि चाहे एकदम गम्भीर रोगले ग्रसित किन नहोस् आत्मा घाँटीमा नपुग्दासम्म इस्लाम स्वीकार गर्ने व्यक्तिलाई लाभ हुन्छ ।
- यहूदी र ईसाई सहित काफिरहरूको धर्मलाई सही ठान्नु कुफ्र हो ।
- यस हदीसमा यहूदी र ईसाईहरूलाई उल्लेख गरेर अन्य धर्मका अनुयायीहरूलाई चेतावनी दिइएको छ; किनभने यी दुई समुदाय ‘अह्ले-किताव’ लाई ग्रन्थहरू दिइएका थिए तैपनि यो हालत हो भने किताब नभएका अन्य समुदायको हालत के होला ? तसर्थ, सबै समुदायले इस्लाम धर्म स्वीकार्नु र उहाँको अनुसरण गर्नु अनिवार्य छ ।
थप
- हदीस: इस्लाम भनेको अल्लाह बाहेक कोही सत्य पूज्य छैन र मुहम्मद अल्लाहका सन्देष्टा हुनुहुन्छ भन्ने गवाही दिनु, सलाह (नमाज) कायम गर्नु, जकात दिनु, रमजानको रोजा राख्नु र सक्षम व्यक्तिले अल्लाहको घरसम्म हज गर्नु हो
- हदीस: हे मेरा सेवकहरू! मैले आफूमाथि अन्याय र अत्याचार हराम (निषेध) गरेको छु र यसलाई तिमीहरूका लागि पनि हराम गरेको छु, त्यसैले तिमीहरू एकार्कामाथि अन्याय नगर
- हदीस: मेरा समस्त अनुयायीहरू स्वर्गमा प्रवेश गर्नेछन्, इन्कार गर्नेहरू बाहेक
- हदीस: निस्सन्देह अल्लाहले अत्याचारीलाई स्वतन्त्रता दिनुहुन्छ, तर जब समात्नुहुन्छ तब छोड्नु हुन्न
- हदीस: मेरो नाम जमाम बिन षाल्बा हो र म साद बिन बकर जनजाति को भाई हुँ ।
- हदीस: ४० वर्षको उमेरमा
- हदीस: तिमीले लेखे हुन्छ, कसम (अल्लाहको), जसको कब्जामा मेरो ज्यान छ, यो (मुख) बाट सत्य बाहेक केही आउँदैन ।