Bũmb ning mam sẽn gɩdg yãmb ne-a, bɩ y zãag-y-yã-a, la mam sẽn n sagl yãmb ne bũmb ningã, bɩ y maan-y-yã-a, y pãng tõog tεka
m wẽena ne a Mʋhammad yõorã sẽn be Naab ning Nugẽ wã, ned pa wʋmd mam kibare sẽn be zamã-kãngã pʋgẽ, tɩ yaa Yahʋʋda tɩ yaa Nasaara, rẽ poorẽ t'a ki n ka kõ sɩd ne b sẽn tʋms maam ne bũmb ningã, rẽndame t'a yɩ Bugum biiga
Bas-y maam tɩ mam sã n bas yãmba, ad sẽn reng-b yãmb taoorã halkame, b sogsgã la b sẽn yõsd ne b nabiyaam-rãmbã yĩnga
Yaa sɩda, ad sã n wa beẽ, neb n na n zĩndi tɩ mam hadiis (gomd) wa tʋg n ta a nengẽ, t’a yaa sẽn kɩll a zaoog zugu, n yetẽ : « ad tõnd ne yãmb sʋka yaa Wẽnd Gafã
tɩ tõnd yeele: foom la tõnd zu-soaba, tɩ Nabiyaamã yeele: «ad zu-soabã yaa Wẽnde», tɩ tõnd leb n yeele: foom n leb n yɩɩd tõnd ne yɩɩdlem n leb n yɩɩd tõnd ne kũuni, 'ta yeele: «yeel-y wala yãmb sẽn da yeta bala, maa yeel-y rẽ sãnda, la y ra bas t'a sʋɩɩtãan tak yãmb n kẽng wẽngẽ ye
M wẽen ne Naab ning mam yõorã sẽn be A Nugẽ wã, keta bilf t'a Maryam biig sig yãmb pʋgẽ, t'a Bʋʋdã yaa tẽeg tɩrga, n kao pikã, la a kʋ kurkuyã, la a bas yõor yaoob reegre, tɩ arzεkã wʋsge, halɩ tɩ ned baa a yembr ka reegd-a ye
Gʋlse, tɩ m wẽen ne Naab Ning mam yõorã sẽn be a soab nugẽ wã, ad bũmb ka yit a pʋgẽ tɩ sã n ka sɩd ye
Ad zãmaan yaoolem, neb n na n wa tɩ b yʋʋmã paoodẽ, b yaa yalemba, b yeta bõn-naandsã sẽn yɩɩd sõmã wã koεεga, b yita lɩslaamgã pʋgẽ wala peemd sẽn yit bõn-tãoodgẽ wã
Yãmb sõmlem sẽn yɩɩd yaa mam sẽn be yʋʋm koabg ning pʋgẽ wã, rẽ poorẽ yaa sẽn pʋgd bãmbã, rẽ poorẽ yaa sẽn pʋgd bãmbã
