Hadiis: Yãmb sõmlem sẽn yɩɩd yaa mam sẽn be yʋʋm koabg ning pʋgẽ wã, rẽ poorẽ yaa sẽn pʋgd bãmbã, rẽ poorẽ yaa sẽn pʋgd bãmbã

عَنْ عِمْرَانَ بْنِ حُصَيْنٍ رَضِيَ اللَّهُ عَنْهُمَا قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«خَيْرُكُمْ قَرْنِي، ثُمَّ الَّذِينَ يَلُونَهُمْ، ثُمَّ الَّذِينَ يَلُونَهُمْ» قَالَ عِمْرَانُ: لاَ أَدْرِي أَذَكَرَ النَّبِيُّ صَلَّى اللهُ عَلَيْهِ وَسَلَّمَ بَعْدُ قَرْنَيْنِ أَوْ ثَلاَثَةً، قَالَ النَّبِيُّ صَلَّى اللهُ عَلَيْهِ وَسَلَّمَ: «إِنَّ بَعْدَكُمْ قَوْمًا يَخُونُونَ وَلاَ يُؤْتَمَنُونَ، وَيَشْهَدُونَ وَلاَ يُسْتَشْهَدُونَ، وَيَنْذِرُونَ وَلاَ يَفُونَ، وَيَظْهَرُ فِيهِمُ السِّمَنُ».
[صحيح] - [متفق عليه] - [صحيح البخاري: 2651]

Yii a ʿɭmraan ɭbn Hʋsayn nengẽ, (Wẽnd yard be b yiibã yĩnga) a yeelame: Nabiyaamã yeelame (Wẽnd pʋʋsg la A tɩlgr be a yĩnga):
«Yãmb sõmlem sẽn yɩɩd yaa mam sẽn be yʋʋm koabg ning pʋgẽ wã, rẽ poorẽ yaa sẽn pʋgd bãmbã, rẽ poorẽ yaa sẽn pʋgd bãmbã». A ʿɭmraan yeelame: mam ka mi Nabiyaamã (Wẽnd pʋʋsg lɑ A tɩlgr be ɑ yĩngɑ) togsa yʋʋm kobs a yiib bɩ a tãabo, Nabiyaamã (Wẽnd pʋʋsg lɑ A tɩlgr be ɑ yĩngɑ) yeelame: «Ad mam loogr poorẽ, neb n na n zĩnd n zãmbdẽ, n ka tar bas-m-yam ye, la b maan kaset-rãmba tɩ b ka kos-b tɩ b maan ye, la b rɩkd pʋlemse la b ka pidsdẽ ye, tɩ nobrã vẽneg b pʋgẽ».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 2651]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) kõo kibare, tɩ ad zãmaan sõmblem sẽn tʋg n yɩɩde, sẽn tigim taab wakat yεnga, yaa wakat ninga Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) la a sahaabsã sẽn be a soab pʋgẽ wã, rẽ poorẽ yaa sẽn pʋgd-b rãmbã, sẽn yaa sɩd-kõtbã, neb nins sẽn paam-b sahaabsã la b ka paam Tẽn-tʋʋmã, rẽ poorẽ yaa sẽn pʋgd-b bãmba, sẽn paam-b Taabɩ'ɩɩn-rãmbã (sahaabsã pʋgdbã), la sahaabgã a maana sika rẽ yĩnga neb nins sẽn pʋgd bãmbã n na n tʋg n tãag yʋʋm koabg a naas soabã bãmb lagmame bɩ b ka lageme. Rẽ poorsẽ tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeele: tɩ bãmb loogr poorẽ neb n na n wa, n yaa zãmb rãmba, tɩ nebã ka tar bas-m-yam ne-b ye, la b maan kaseto, taoor tɩ b na n ka bao kaset b nengẽ ye, la b pʋlemdẽ la b ka pidsdẽ ye, la b yalgdẽ rɩɩb wεεngẽ la yũubẽ, halɩ tɩ nobrã wa tʋg n puk b nengẽ.

Sẽn be Hɑdiisã yõod-rãmbẽ

1. Yaa tɩ zãma sõmblem sẽn yɩɩd dũni wã yʋʋm-rãmbã fãa pʋgẽ, yaa wakat ning Nabiyaamã (Wẽnd pʋʋsg lɑ A tɩlgr be ɑ yĩngɑ) la a sahaabsã sẽn vɩɩms a pʋgẽ wã, la waa Al-bʋhaariy pʋgẽ, tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeelame: "Ad b tʋmsa maam Adam biisã wakat-rãmb sõmblem sẽn tʋg n yɩɩda pʋgẽ, rẽ poorẽ tɩ wakat watẽ, halɩ tɩ mam wa tʋg n yɩ wakat ninga m sẽn yi a soab pʋgẽ wã".
2. A ɭbn Hagar yeelame (Wẽnd na yols-a): hadiis-kãngã wilgdame tɩ sahaabsã sõmblem n yɩɩd taabɩ'ɩɩn-rãmbã (sẽn pʋgdbã), la bãmb me sõmlem n yɩɩd sẽn pʋgd-b bãmbã wã, la rẽ yĩnga yɩɩdlem-kãngã yaa sẽn na n ges zãmã wã gill bɩ yaa yembr-yembre? A yaa pẽes n bao zĩiga, la yiib soabã la bãngdbã wʋsg kẽng yã.
3. La woto wilgdame tɩ b sõmb n tablga rẽenem yʋʋm kobs a tãabã rãmb na-kẽndrã, bala ned ning wakat sẽn wa n tʋg n pẽneg nabiyaamdlemã wakatã, yẽ n sõmb ne yɩɩdlem, la bãngre, la togs-n-taare la Nabiyaamã (Wẽnd pʋʋsg lɑ A tɩlgr be ɑ yĩngɑ) kãndagrã tikri.
4. An-nazrʋ =Pʋlengã: Yaa kãsem sẽn na n rogl a meng ne tũudum, sãri wã sẽn ka rogl-a, sẽn tũ ne gomd buud fãa sẽn wildg rẽ.
5. Wilgda zãmb sãbsgo, la pʋleng sẽn na n ka pidsdẽ, la yaglg sũurã ne dũni.
6. B sãbsa kaset maanego, tɩ ka tũ b sẽn bao-f tɩ f maane, tɩ hakε wã soab sã n mi rẽnda, la sã n mikame tɩ hakε wã soab ka mi rẽnda, rẽnd rẽ kẽed a koεεgã sẽn yeelã (Wẽnd pʋʋsg lɑ A tɩlgr be ɑ yĩngɑ): «Rẽ yĩnga m ka na n kõ yãmb kibare kaset maandbã sẽn yɩɩd sõmblem? Yaa sẽn wata ne a kasetã taoor tɩ b na n ka sok-a wã» A Muslim n togs-a.