Ururimi
  1. Urupapuro rutangura
  2. Igaburwa mu migwi
  3. The Creed

Inyigisho y'intumwa Ubwislamu bwubakiye ku nkingi zitanu

The Creed Belief in Allah the Mighty and Majestic

عَنْ عَبْدِ اللهِ بنِ عُمَر رضي الله عنهما قال: قال رسولُ الله صلى الله عليه وسلم:
«بُنِيَ الْإِسْلَامُ عَلَى خَمْسٍ: شَهَادَةِ أَنْ لَا إِلَهَ إِلَّا اللهُ، وَأَنَّ مُحَمَّدًا عَبْدُهُ وَرَسُولُهُ، وَإِقَامِ الصَّلَاةِ، وَإِيتَاءِ الزَّكَاةِ، وَحَجِّ الْبَيْتِ، وَصَوْمِ رَمَضَانَ».

Mu vyakiriwe na Abdu Llaahi mwene Omari (Imana Allah Ibishimire bompi) yavuze ko Intumwa y'Imana (nyakugira amahoro n'impuhwe z'Imana Allah) yavuze iti:
"Ubwislamu bwubakiye ku nkingi zitanu: Ukwemera n'ukwemanga ko ata mana ibwirijwe gusengwa atari Imana Imwe Rudende Allah, n'uko Muhamadi ari Umuja wayo akaba n'Intumwa yayo; ugutsimbataza isengesho; ugutanga ishikanwa-bwirizwa; ugushengerera ingoro ntagatifu y'Imana Allah iri i Makka; hamwe rero n'ugupfunga ukwezi kwa Ramadhani".

صحيح متفق عليه صحيح مسلم - 16

Ugusobanura

Umuvugishwamana (nyakugira amahoro n'impuhwe z'Imana Allah) yagereranije ubwislamu n'inyubakwa yubatse neza, mu kuba bwubakiye ku nkingi zitanu nka zirya zireruye inyubakwa, ayandi mabwirizwa y'ubwislamu akaba ari nka kurya kw'insika n'ibindi bisikuye inyubakwa maze igatungana. Iya mbere muri izo nkingi, ni umuntu kwemera yemanga ibintu bibiri: ukwemera yemanga ko ata mana ikwiye gusengwa atari Imana Imwe Rudende Allah, n'uko Muhamadi ari Intumwa y'Imana Allah. Ivyo bintu uko ari bibiri rero, bigize inkingi imwe ku buryo kimwe muri vyo kidatandukana n'ikindi, umuntu rero araheza akavyatura n'ururimi yemanga ko Imana Allah ari Imwe mu bumana bwayo, n'uko ari Yo Ikwiye gusengwa n'ukwiyegerezwa vy'ukuri muri vyose, mu bikorwa vyose nyegerezamana umuntu akora atari ku bw'ikindi kintu na kimwe, maze akabigendera, agaheza kandi akemera yemanga n'ubutumwa bwa Muhamadi (nyakugira amahoro n'impuhwe z'Imana Allah) ko ari ubw'ukuri, akanakurikira n'inyigisho n'imigenzo vyiwe. Inkingi igira kabiri, ni ugutsimbataza isengesho, na ryo rikaba rigizwe n'amasengesho atanu abwirijwe gusengwa ku musi (ijoro n'umurango): isengesho ryo mu mutwenzi, iryo ku musase, iryo ku muhingamo, iryo ku kirengazuba, hamwe rero n'iryo ku kazange (ku mugoroba), maze umuntu akayasenga yubahirije ibisabwa, inkingi n'ibitegetswe mw'isengesho. Inkingi igira gatatu, ni ugutanga ishikanwa-bwirizwa, na ryo rikaba ari igikorwa nyegerezamana gitegetswe mu bijanye n'amatungo akwije igitigiri-fatiro gitegekanijwe mu mategeko y'ubwislamu, rihabwa abarigenewe. Inkingi igira kane, ni ugushengerera ingoro ntagatifu, na kwo kukaba ari umuntu kugenda agana i Makka mu ntumbero yo gutunganya ibikorwa vy'ishengerera ry'ingoro ntagatifu ku bw'Imana Allah. Inkingi igira gatanu, ni ugupfunga ukwezi kwa Ramadhani, na kwo kukaba ari umuntu kureka kurya no kunywa n'ibindi bitari ivyo bibujijwe mu bituma umuntu afungura, maze agapfunga kw'izirikanagikorwa ry'ukwiyegereza Imana Allah, kuva umutwenzi ukitse gushika izuba rirenze rigacokera.

Zimwe mu nyungu ziri muri iyi nyigisho y'intumwa:

  1. Ukwemanga umuntu yemara ibintu bibiri bitigera bitandukana "shahaadataani", ku buryo kimwe muri vyo kitemerwa kiretse igihe kiri kumwe n'ikindi; ni na co gituma vyompi hamwe bigize inkingi imwe.
  2. Ukwemanga kabiri (umuntu yemera ibintu bibiri), ni wo mushinge w'idini, ku buryo ata jambo canke igikorwa cemerwa ngo cakirwe kiretse mu gihe gishingiye kuri ivyo bintu bibiri.

Ukwerekana insiguro mu rundi rurimi

64 Ururimi
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
FF Fulfulde الفولانية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
DA Dansk الدنماركية
KMR Kurmancî الكرمنجية
MS Bahasa Melayu الملايو
Igaburwa mu migwi
Ivyiyongeyeko