Hadith: ((سویند ب وی خودایێ نه‌فسا موحه‌ممه‌دی د ده‌ستیدا، هه‌ر كه‌سه‌كێ ڤێ ئوممه‌تێ (ڤێ جیهانێ) گوهـ ل من ببیت، چ جوهی بیت یان فه‌له‌، پاشی بمریت و باوه‌رییێ ب وێ په‌یامێ نه‌ئینیت یا ئه‌ز پێ هاتیمه‌ هنارتن؛ هنگی دێ ژ وان كه‌سان بیت یێن دچنه‌ جه‌هنه‌مێ))

عَنْ أَبِي هُرَيْرَةَ رضي الله عنه عَنْ رَسُولِ اللهِ صلى الله عليه وسلم أنه قال:
«وَالَّذِي نَفْسُ مُحَمَّدٍ بِيَدِهِ لَا يَسْمَعُ بِي أَحَدٌ مِنْ هَذِهِ الْأُمَّةِ يَهُودِيٌّ وَلَا نَصْرَانِيٌّ، ثُمَّ يَمُوتُ وَلَمْ يُؤْمِنْ بِالَّذِي أُرْسِلْتُ بِهِ إِلَّا كَانَ مِنْ أَصْحَابِ النَّارِ».
[صحيح] - [رواه مسلم] - [صحيح مسلم: 153]

ئه‌بو هوره‌یره‌ (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((سویند ب وی خودایێ نه‌فسا موحه‌ممه‌دی د ده‌ستیدا، هه‌ر كه‌سه‌كێ ڤێ ئوممه‌تێ (ڤێ جیهانێ) گوهـ ل من ببیت، چ جوهی بیت یان فه‌له‌، پاشی بمریت و باوه‌رییێ ب وێ په‌یامێ نه‌ئینیت یا ئه‌ز پێ هاتیمه‌ هنارتن؛ هنگی دێ ژ وان كه‌سان بیت یێن دچنه‌ جه‌هنه‌مێ)).
[صحيح] - [رواه مسلم] - [صحيح مسلم - 153]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) سویند ب خودێ دخۆت كو هه‌ر كه‌سه‌كێ ڤێ ئوممه‌تێ گوهـ لێ ببیت، چ جوهی بیت یان فه‌له‌ یان هه‌ر كه‌سه‌كێ دی كو گازییا پێغه‌مبه‌ری (صه‌لات و سه‌لامێن خودێ ل سه‌ر بن) گه‌هشتبیتێ و پاشی بمریت و باوه‌رییێ پێ نه‌ئینیت؛ دێ بیته‌ ئێك ژ وان كه‌سێن دچنه‌ ئاگرێ جه‌هنه‌مێ و دێ بۆ هه‌تا هه‌تایێ تێدا مینیت.

Benefits from the Hadith

1. ڤه‌گربوونا په‌یاما پێغه‌مبه‌ری (صه‌لات و سه‌لامێن خودێ ل سه‌ر بن) بۆ هه‌می جیهانێ و فه‌ربوونا دویڤچوونا وی و هه‌لوه‌شاندنا (نه‌سخكرنا) هه‌می ئایینێن به‌ری نوكه‌ ب ئایینێ وی.
2. هه‌ر كه‌سێ کوفرێ ب پێغه‌مبه‌ری (صه‌لات و سه‌لامێن خودێ ل سه‌ر بن) بكه‌ت، باوه‌ری ئینانا وی ب پێغه‌مبه‌رێن دی چ مفای ناگه‌هینیتێ (سلاڤێن خودێ ل سەر هەمی پێغەمبەران بن).
3. ئه‌و كه‌سێ گوهـ ل ناڤێ پێغه‌مبه‌ری (صه‌لات و سه‌لامێن خودێ ل سه‌ر بن) نه‌ببیت و گازییا ئیسلامێ نه‌گه‌هشتبیتێ؛ ئه‌و یێ بێگونه‌هه‌ (عوزرا هه‌ی و خودێ لێ ناگریت‌)، و كارێ وی ل ئاخره‌تێ بۆ خودایێ مه‌زن دزڤریت‌.
4. مفا ژ ئیسلامێ دهێته‌ دیتن، هه‌تا ئه‌گه‌ر به‌ری مرنێ ب ده‌مه‌كێ كێم ژی بیت، هه‌تا ئه‌گه‌ر د نه‌خۆشییا گران ژیدا بیت، ب تنێ هنگی نه‌بیت ئه‌گه‌ر ڕح ‌گه‌هشتبیته‌ گه‌ورییێ.
5. ڕاستده‌رئیخستنا ئایینێ كافران -وه‌كی جوهی و فه‌له‌یان- بخۆ كوفرییه‌.
6. ناڤئینانا جوهی و فه‌له‌یان د ڤێ فه‌رمووده‌یێدا، وه‌ك ئاگه‌هداركرنه‌كێیه‌ بۆ كه‌سێن دی، چونكی جوهی و فه‌له‌ خودان په‌ڕتووكن، ڤێجا ئه‌گه‌ر حالێ وان ئه‌ڤه‌ بیت؛ هنگی یێن چ په‌ڕتووك نه‌هه‌ی ب ساناهیتر دچنه‌ د بن ڤی حوكمیڤه‌، له‌وا ل سه‌ر هه‌مییان فه‌ڕزه‌ بچنه‌ د ناڤ ئایینێ پێغه‌مبه‌ریدا و گوهدارییا وی بكه‌ن (صه‌لات و سه‌لامێن خودێ ل سه‌ر بن).