Hadith: ((ئوممه‌تا من هه‌می دێ چنه‌ به‌حه‌شتێ، ئه‌و نه‌بیت یێ نه‌ڤێت بچیت

عن أبي هريرة رضي الله عنه أن رسول الله صلى الله عليه وسلم قال:
«كُلُّ أُمَّتِي يَدْخُلُونَ الْجَنَّةَ إِلَّا مَنْ أَبَى»، قَالُوا: يَا رَسُولَ اللهِ، وَمَنْ يَأْبَى؟ قَالَ: «مَنْ أَطَاعَنِي دَخَلَ الْجَنَّةَ، وَمَنْ عَصَانِي فَقَدْ أَبَى».
[صحيح] - [رواه البخاري] - [صحيح البخاري: 7280]

ژ ئه‌بو هورەیرە (خودێ ژێ ڕازی بیت) ژ پێغەمبەرێ خودێ (صەلات و سەلامێن خودێ ل سەر بن) گۆت:
((ئوممه‌تا من هه‌می دێ چنه‌ به‌حه‌شتێ، ئه‌و نه‌بیت یێ نه‌ڤێت بچیت))، گۆتن: ئه‌ی پێغه‌مبه‌رێ خودێ؛ ما كی هه‌یه‌ نه‌ڤێت بچیت؟ گۆت: ((هه‌ر كه‌سێ گوهدارییا من بكه‌ت؛ دێ چیته‌ به‌حه‌شتێ و هه‌ر كه‌سێ سه‌رپێچییا من بكه‌ت؛ ئه‌ڤه‌ وی نه‌ڤێت بچیت)).
[صحيح] - [رواه البخاري] - [صحيح البخاري - 7280]

Explanation

پێغەمبەر (صەلات و سەلامێن خودێ ل سەر بن) به‌حس دكه‌ت كو ئوممه‌تا وی هه‌می دێ چنه‌ به‌حه‌شتێ، ئه‌و نه‌بیت یێ ڕازی نه‌بیت و نه‌ڤێت بچیت!
ئینا صه‌حابییان (خودێ ژ هه‌مییان ڕازی بیت) گۆت: ئه‌ی پێغه‌مبه‌رێ خودێ؛ ئه‌رێ ما كه‌سه‌ك هه‌یه‌ ب ڤێ چه‌ندێ ڕازی نه‌بیت و نه‌ڤێت بچیت؟!
ئینا پێغەمبەرێ خودێ (صەلات و سەلامێن خودێ ل سەر بن) به‌رسڤا وان دا و گۆتێ: هه‌ر كه‌سێ سه‌رچه‌مییای و دویڤچوون و گوهدارییا پێغەمبەرێ خودێ (صەلات و سەلامێن خودێ ل سەر بن) بكه‌ت؛ دێ چیته‌ به‌حه‌شتێ، به‌لێ هه‌ر كه‌سێ سه‌رپێچییا وی بكه‌ت و سه‌رچه‌مییای نه‌بیت بۆ شه‌ریعه‌تێ وی؛ ئه‌ڤه‌ ئه‌و ڕازی نه‌بوو و نه‌ڤیا بچیته‌ به‌حه‌شتێ ژ به‌ر كارێن خۆ یێن خراب.

Benefits from the Hadith

1. گوهدانا پێغەمبەری (صەلات و سەلامێن خودێ ل سەر بن) ژ گوهدانا خودێیه‌ و سه‌رپێچیكرنا وی؛ ژ سه‌رپێچیكرنا خودێیه‌.
2. گوهدانا پێغەمبەری (صەلات و سەلامێن خودێ ل سەر بن)؛ به‌حه‌شتێ بۆ خودانی فه‌ر دكه‌ت و سه‌رپێچیكرنا وی؛ جه‌هنه‌مێ بۆ خودانی فه‌ر دكه‌ت.
3. ئه‌ڤه‌ مزگینییه‌كه‌ بۆ كه‌سێن گوهدار ژ ڤێ ئوممه‌تێ و مزگینییه‌ كو هه‌می دێ چنه‌ به‌حه‌شتێ، ئه‌و نه‌بیت یێ سه‌رپێچییا خودێ و پێغه‌مبه‌رێ وی بكه‌ت.
4. دلپێڤه‌بوونا پێغەمبەری (صەلات و سەلامێن خودێ ل سەر بن) بۆ ئوممه‌تا وی و ڕژدبوونا وی ل سه‌ر هیدایه‌ت و ڕاسته‌ڕێكرنا وان.