ဟဒီးဆ်: ငြင်းပယ်သူမှအပ ငါကိုယ်တော်၏ အွမ္မသ်သားအားလုံးသည် ဂျန္နသ်သုခဘုံသို့ ဝင်ရောက်ကြရမည်။ အို - အလ္လာဟ်အရှင်မြတ်၏ရစူလ်တမန်တော် ငြင်းပယ်သူသည် မည်သူဖြစ်ပါသနည်းဟု လျှောက်ထားမေးမြန်းကြသည့်အခါ ကိုယ်တော်က မိန့်ကြားတော်မူသည်မှာ မည်သူမဆို ငါကိုယ်တော့်အမိန့်ကိုနာခံလျှင် ထိုသူသည် ဂျန္နသ်ကိုဝင်ရမည်ဖြစ်ပြီး မည်သူမဆို ငါကိုယ်တော်၏ အမိန့်ကိုမနာခံလျှင် ထိုသူသည်ငြင်းပယ်သူဖြစ်သည်။

عن أبي هريرة رضي الله عنه مرفوعاً: «كل أمتي يدخلون الجنة إلا من أَبَى». قيل: ومَنْ يَأْبَى يا رسول الله؟ قال: «من أطاعني دخل الجنة، ومن عصاني فقد أَبَى».
[صحيح] - [رواه البخاري]

အဗူဟုရိုင်(ရဿွိယလ္လာဟုအန်ဟု)က ဆင့်ပြန်ခဲ့သည်။ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)မိန့်ကြားတော်မူခဲ့သည်။ ငြင်းပယ်သူမှအပ ငါကိုယ်တော်၏ အွမ္မသ်သားအားလုံးသည် ဂျန္နသ်သုခဘုံသို့ ဝင်ရောက်ကြရမည်။ အို - အလ္လာဟ်အရှင်မြတ်၏ရစူလ်တမန်တော် ငြင်းပယ်သူသည် မည်သူဖြစ်ပါသနည်းဟု လျှောက်ထားမေးမြန်းကြသည့်အခါ ကိုယ်တော်က မိန့်ကြားတော်မူသည်မှာ မည်သူမဆို ငါကိုယ်တော့်အမိန့်ကိုနာခံလျှင် ထိုသူသည် ဂျန္နသ်ကိုဝင်ရမည်ဖြစ်ပြီး မည်သူမဆိုငါကိုယ်တော်၏ အမိန့်ကိုမနာခံလျှင် ထိုသူသည်ငြင်းပယ်သူဖြစ်သည်။
ဤဟဒီးဆ်သည် ဆွဟီးဟ် အဆင့်ရှိသည်။ - ဗုခါရီကျမ်း။

ရှင်းလင်းချက်

တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သည် မိမိ၏အွမ္မသ်အား သတင်းကောင်းပေးခဲ့ကြောင်း အဗူဟုရိုင်ရဟ် (ရဿွိယလ္လာဟုအန်ဟု)က ဆင့်ပြန်ခဲ့သည်။ ကိုယ်တော်မိန့်ကြားခဲ့သည့် "c2">“ငါကိုယ်တော်၏ အွမ္မသ်သားအားလုံးသည် ဂျန္နသ်သုခဘုံသို့ ဝင်ရောက်ကြရမည်။” ဟူသည် ကိုယ်တော်၏ အမိန့်ကိုနာခံခဲ့ကြသော အွမ္မသ်သားတို့ကို ဆိုလိုသည်။ ထို့နောက် ကိုယ်တော်မြတ် (ဆွလ္လလ္လာဟုအလိုင်ဟိဝစလ္လမ်)က "c2">“ငြင်းပယ်သူမှအပ”ဟူ၍ ဖယ်ထုတ်ထားသည်။ ဆိုလိုသည်မှာ ၎င်းတို့အနက် ဂျန္နသ်သို့ဝင်ရောက်ခွင့်ရရန် အကြောင်းခံဖြစ်သည့် အမိန့်နာခံမှုအား စွန့်လွှတ်ကာ ဖီဆန်ခဲ့ကြသူများ မပါဝင်ပေ။ အဘယ့်ကြောင့်ဆိုသော် မည်သူမဆိုတစ်စုံတစ်ရာအတွက် မရှိမဖြစ်လိုအပ်သောအကြောင်းခံအား စွန့်လွှတ်ခဲ့ပါက ၎င်းသည် ငြင်းပယ်သူပင်ဖြစ်သည်။ ၎င်းတို့အား ဖယ်ထုတ်ထားခြင်းသည် ၎င်းတို့အပေါ်ပြင်းပြင်းထန်ထန် သတိပေးထားခြင်းပင်ဖြစ်သည်။ သို့မဟုတ် (ငြင်းပယ်သူဟူသည်) ဒအ်ဝဟ်ဖိတ်ခေါ်ရန်လိုအပ်သည့် ဘာသာခြားများကို ဆိုလိုပါက ၎င်း၏အလိုသဘောမှာ အစ္စလာမ်ကို ငြင်းပယ်ကြသူများ ဖြစ်သည်။ ဂုဏ်သရေရှိ သာဝကကြီးများက "c2">“အိုအလ္လာဟ်အရှင်မြတ်၏ရစူလ်တမန်တော် ငြင်းပယ်သူသည် မည်သူဖြစ်ပါသနည်း”ဟု ကိုယ်တော်အား မေးမြန်းခဲ့ကြသည်။ ကိုယ်တော်မြတ်(ဆွလ္လလ္လာဟုအလိုင်ဟိဝစလ္လမ်)က ၎င်းတို့အား ဖြေကြားတော်မူသည်မှာ "c2">“မည်သူမဆို ငါကိုယ်တော့်အမိန့်ကိုနာခံလျှင်” ဆိုလိုသည်မှာငါကိုယ်တော် ယူဆောင်လာသည့် အရာကို ကျိုးနွံ နာခံလိုက်နာလျှင် "c2">“ထိုသူသည် ဂျန္နသ်ကိုဝင်ရမည်။” "c2">“မည်သူမဆို ငါကိုယ်တော်၏အမိန့်ကို မနာခံလျှင်” ဆိုလိုသည်မှာ မထောက်ခံခဲ့လျှင် သို့မဟုတ် တားမြစ်ထားသော ကိစ္စကိုပြုလုပ်လျှင် "c2">“ထိုသူသည် ငြင်းပယ်သူဖြစ်သည်။” ဆိုလိုသည်မှာ ၎င်းသည် သူ၏ ငြင်းပယ်မှုကြောင့် ဆိုးရွားလှသည့် ရလဒ်ကိုသာ ရရှိမည်ဖြစ်သည်။ နိဂုံးချုပ်အားဖြင့် ဆိုရလျှင် ထိုငြင်းပယ်သူသည် အကယ်၍ ကာဖိရ်ဆိုပါက ဂျန္နသ်သို့ အလျင်းဝင်ရောက်ရမည် မဟုတ်ပေ။ သို့သော်(ငြင်းပယ်သူသည်) မွတ်စ်လင်မ်ဖြစ်လျှင် ဂျဟန္နမ်ငရဲမီးဖြင့် အပြစ်များကို ဆေးကြောပြီးမှသာ ဂျန္နသ်သို့ဝင်ရောက်ရမည်ဖြစ်သည်။ မွတ်စ်လင်မ်တစ်ဦးသည် အကုသိုလ်ဟူသ၍ကို ကျူးလွန်ခဲ့သော်လည်း တစ်ခါတစ်ရံ ၎င်းသည် ခွင့်လွှတ်ခြင်းခံရပြီး အဇာဗ်ပြစ်ဒဏ်ပေးခြင်းမခံရပေ။