হাদীছ: মোৰ উম্মতৰ প্ৰত্যেকেই জান্নাতত প্ৰৱেশ কৰিব; কিন্তু সেই ব্যক্তিৰ বাহিৰে যিয়ে অস্বীকাৰ কৰিছে। প্ৰশ্ন কৰা হ’ল, হে আল্লাহৰ ৰাছুল! কোনে অস্বীকাৰ কৰিব। তেখেতে ক’লে: যিয়ে মোৰ অনুসৰণ কৰিব, সি জান্নাতত প্ৰৱেশ কৰিব; আৰু যিয়ে মোৰ অবাধ্যতা কৰিছে, সিয়েই অস্বীকাৰ কৰিছে।
عن أبي هريرة رضي الله عنه مرفوعاً: «كل أمتي يدخلون الجنة إلا من أَبَى». قيل: ومَنْ يَأْبَى يا رسول الله؟ قال: «من أطاعني دخل الجنة، ومن عصاني فقد أَبَى».
[صحيح] - [رواه البخاري]
المزيــد ...
আবু হুৰাইৰাহ ৰাদ্বিয়াল্লাহু ‘আনহুৰ পৰা মাৰফূ‘ হিচাপে বর্ণিত, "c2">“মোৰ উম্মতৰ প্ৰত্যেকেই জান্নাতত প্ৰৱেশ কৰিব; কিন্তু সেই ব্যক্তিৰ বাহিৰে যিয়ে অস্বীকাৰ কৰিছে। প্ৰশ্ন কৰা হ’ল, হে আল্লাহৰ ৰাছুল! কোনে অস্বীকাৰ কৰিছে। তেখেতে ক’লে: যিয়ে মোৰ অনুসৰণ কৰিছে, তেওঁ জান্নাতত প্ৰৱেশ কৰিব; আৰু যিয়ে মোৰ অবাধ্যতা কৰিছে, দৰাচলতে সিয়েই অস্বীকাৰ কৰিছে।” ছহীহ – এই হাদীছটোক বুখাৰীয়ে বৰ্ণনা কৰিছে।
ছহীহ - বুখাৰীয়ে বৰ্ণনা কৰিছে।
আবু হুৰাইৰাহ ৰাদ্বিয়াল্লাহু ‘আনহুৱে বৰ্ণনা কৰিছে যে, নবী চাল্লাল্লাহু আলাইহি অছাল্লামে তেখেতৰ উম্মতক সুসংবাদ দি কৈছে যে, "c2">“মোৰ উম্মতৰ প্ৰত্যেকেই জান্নাতত প্ৰৱেশ কৰিব” ইয়াৰ দ্বাৰা ইছলাম গ্ৰহণ কৰা লোকসকলক বুজোৱা হৈছে। ইয়াৰ পিছত নবী চাল্লাল্লাহু আলাইহি অছাল্লামে তফাৎ বৰ্ণনা কৰি কৈছে, "c2">“কিন্তু যিয়ে অস্বীকাৰ কৰিব।” অর্থাৎ সিহঁতৰ মাজৰ যিসকলে আনুগত্য ত্যাগ কৰি নাফৰমানি কৰিব সিহঁতৰ বাহিৰে। কাৰণ, যিয়ে সেই মাধ্যমক ত্যাগ কৰিব যি মাধ্যমৰ বাহিৰে লক্ষ্যত উপনীত হোৱাটো সম্ভৱ নহয়, দৰাচলতে এই ত্যাগ কৰাটোৱে সেইটোক অস্বীকাৰ কৰা বুজায়। হয়তো সিহঁতক কঠোৰতা প্রদর্শনপূর্বক এৰি দিয়া হৈছে, নাইবা উক্ত বাক্যৰ দ্বাৰা তেওঁ অমুছলিমসকলক বুজাইছে। অৰ্থাৎ সিহঁতে তেখেতৰ দাৱাত গ্রহণ নকৰি কুফৰী কৰিছে। চাহাবাসকলে প্ৰশ্ন কৰিলে, "c2">“হে আল্লাহৰ ৰাছুল! কোনে অস্বীকাৰ কৰিব?”। তেতিয়া ৰাছুলুল্লাহ চাল্লাল্লাহু আলাইহি অছাল্লামে উত্তৰ দি ক’লে, "c2">“যিসকলে মোৰ অনুসৰণ কৰিব” অর্থাৎ মোৰ কথা মানিব আৰু মই যি লৈ আহিছোঁ তাৰ প্ৰতি আনুগত্য কৰিব "c2">“তেওঁলোকে জান্নাতত প্ৰৱেশ কৰিব”। আনহাতে "c2">“যিয়ে মোৰ অবাধ্যতা কৰিব” অৰ্থাৎ বিশ্বাস নকৰিব অথবা নিষিদ্ধ কৰ্মবোৰ কৰিব "c2">“সিয়েই অস্বীকাৰ কৰিব।” অর্থাৎ সি অস্বীকাৰ কৰাৰ মাধ্যমত নিজেই নিজৰ বেয়া পৰিণতি মাতি নিছে। ইয়াৰ ওপৰত ভিত্তি কৰি ক’ব পাৰি, যিয়ে অস্বীকাৰ কৰিছে সি যদি কাফিৰ হয়; তেন্তে সি কোনোমতেই জান্নাতত প্ৰৱেশ কৰিব নোৱাৰিব। আনহাতে যিয়ে অস্বীকাৰ কৰিছে সি যদি মুছলিম হয়, তেনেহ’লে সি তেতিয়ালৈকে জান্নাতত প্ৰৱেশ কৰিব নোৱাৰিব, যেতিয়ালৈকে তাক জুইত নিক্ষেপ কৰি পৱিত্র কৰা নহ’ব। এনেকুৱা ব্যক্তিক অৱশেষত আল্লাহে ক্ষমা কৰি দিব, যদিও সকলো পাপকৰ্মই কৰিছে, কাৰণ তাক চিৰস্থায়ী শাস্তি দিয়া নহ’ব।
হাদীছৰ পৰা সংগৃহীত উপকাৰিতাসমূহ
- আল্লাহে বান্দাসকলক সৃষ্টি কৰিছে যাতে তেওঁলোকৰ প্ৰতি দয়া কৰিব পাৰে, আৰু তেওঁলোকক ৰহমতৰ ঘৰত প্ৰৱেশ কৰাব পাৰে।
- ৰাছুলুল্লাহ চাল্লাল্লাহু আলাইহি অছাল্লাম হৈছে আল্লাহৰ এজন বাৰ্তাবাহক।
- যিয়ে ৰাছুলৰ নাফৰমানি কৰে, সি দৰাচলতে আল্লাহৰ ৰহমতক প্রত্যাখ্যান কৰে।
- আল্লাহ আৰু তেওঁৰ ৰাছুলৰ অবাধ্যতাৰ ফলত জাহান্নাম ওৱাজিব হৈ পৰে।
- পৃথিৱী আৰু আখিৰাতত মানুহৰ মুক্তি নিহিত হৈ আছে ৰাছুলৰ আদর্শ অনুসৰণৰ মাজত।
- হাদীছটোৰ মাজত এই উম্মতৰ আনুগত্যকাৰীসকলৰ বাবে সবোর্চ্চ সু-সংবাদ প্ৰদান কৰা হৈছে। সেই সুসংবাদটো হৈছে এই যে, তেওঁলোক সকলোৱে জান্নাতত প্ৰৱেশ কৰিব, কিন্তু সেইসকল লোকৰ বাহিৰে যিসকলে আল্লাহ আৰু তেওঁৰ ৰাছুলৰ নাফৰমানী কৰিছে আৰু প্রবৃত্তিৰ অনুসৰণ কৰিছে।
শ্ৰেণীবিন্যাসসমূহ
অধিক
- হাদীছ: যাৰ হাতত মুহাম্মদৰ জীৱন আছে তেওঁৰ শপত কৰি কৈছোঁ, এই উম্মতৰ যি ব্যক্তিয়েই মোৰ বিষয়ে শুনিব সি ইয়াহুদী হওক অথবা খ্ৰীষ্টান, যদি মোৰ আগমনৰ সংবাদ পোৱাৰ পিছতো সি সেইবোৰ বিষয়ৰ প্ৰতি ঈমান পোষণ নকৰাকৈ মৃত্যুবৰণ কৰে, যিবোৰ বিষয় প্ৰদান কৰি মোক প্ৰেৰণ কৰা হৈছে তেন্তে সি নিশ্চিতভাৱে জাহান্নামী।
- হাদীছ: এদিনাখন আমি ৰাছুলুল্লাহ চাল্লাল্লাহু ‘আলাইহি অছাল্লামৰ ওচৰত বহি আছিলোঁ, ঠিক সেই সময়তে হঠাৎ এজন ব্যক্তি আমাৰ সন্মুখত আহি উপস্থিত হয়, যাৰ কাপোৰ আছিল অতিকৈ বগা, চুলি আছিল ভীষণ ক’লা; তাৰ ওপৰত ভ্ৰমণৰ কোনো লক্ষণ পৰিলক্ষিত হোৱা নাছিল। আমাৰ মাজৰ কোনেও তেওঁক চিনিও পোৱা নাছিল।
- হাদীছ: হে মোৰ বান্দাসকল! মই মোৰ ওপৰত অন্যায়-অত্যাচাৰক হাৰাম কৰি লৈছোঁ, আৰু তোমালোকৰ মাজতো ইয়াক হাৰাম কৰিছোঁ। গতিকে তোমালোকেও ইজনে সিজনক অন্যায় নকৰিবা। হে মোৰ বান্দাসকল! তোমালোক আটায়েই পথভ্রষ্ট; কিন্তু সেই ব্যক্তিৰ বাহিৰে যাক মই সঠিক পথ দেখুৱাইছোঁ (অৰ্থাৎ হিদায়ত প্ৰদান কৰিছোঁ)। গতিকে তোমালোকে মোৰ ওচৰত হিদায়ত কামনা কৰা, ময়ে তোমালোকক সঠিক পথ দেখুৱাম।
- হাদীছ: নিশ্চয় আল্লাহ তা‘আলাই অত্যাচাৰীক অৱকাশ দিয়ে। কিন্তু যেতিয়া তেওঁ কৰায়ত্ব কৰে তেতিয়া কোনো পধ্যেই এৰি নিদিয়ে।
- হাদীছ: আমি ক'লোঁ যে, আপুনি হৈছে আমাৰ ছায়্যেদ। তেখেতে ক'লেঃ "ছায়্যেদ হৈছে আল্লাহ তাআলা।" তেতিয়া আমি ক'লোঁ, আপুনি হৈছে আমাৰ মাজত উচ্চ মৰ্যাদা সম্পন্ন, তথা মহান দাতা আৰু উদাৰ ব্যক্তিত্বৰ অধিকাৰী। তেতিয়া তেখেতে ক'লেঃ "এইটো ক'ব পাৰা বা এনেকুৱা কথা ক'ব পাৰা। কিন্তু মনত ৰাখিবা চয়তানে যাতে তোমালোকক নিজৰ প্ৰতিনিধি বনাই নলয়।" (অৰ্থাৎ মোৰ বিষয়ে এনেকুৱা কোনো কথা নক'বা যিটোৰ লগত মোৰ কোনো সম্পৰ্ক নাই)
- হাদীছ: সেই সত্ত্বাৰ শপত, যাৰ হাতত মোৰ প্ৰাণ আছে। অচিৰেই তোমালোকৰ মাজলৈ (ঈছা) ইবনে মৰিয়ম ন্য়ায়পৰায়ণ শাসক হিচাপে অৱতৰণ কৰিব। তেওঁ আহি ক্ৰচ ভাঙি পেলাব, গাহৰি বধ কৰিব, কৰ নিঃশেষ কৰিব। সম্পদৰ প্ৰাচুৰ্যতা ইমান বাঢ়িব যে, কোনেও সেয়া গ্ৰহণ কৰিবলৈ ইচ্ছা নকৰিব।
- হাদীছ: মোৰ নাম হৈছে জিমাম ইবনে ছা'লাবাহ, বনী ছাআদ ইবনে বকৰৰ ভাতৃ।