Ab Adiis: lépp lu ma leen tere nangeen ko moytu, lépp lu ma leen digal nangeen ca def lu ngeen man

عَنْ أَبِي هُرَيْرَةَ عَبْدِ الرَّحْمَنِ بْنِ صَخْرٍ رَضِيَ اللَّهُ عَنْهُ قَالَ: سَمِعْت رَسُولَ اللَّهِ صَلَّى اللَّهُ عَلَيْهِ وَسَلَّم يَقُولُ:
«مَا نَهَيْتُكُمْ عَنْهُ فَاجْتَنِبُوهُ، وَمَا أَمَرْتُكُمْ بِهِ فَافْعَلُوا مِنْهُ مَا اسْتَطَعْتُمْ، فَإِنَّمَا أَهْلَكَ الَّذِينَ مِنْ قَبْلِكُمْ كَثْرَةُ مَسَائِلِهِمْ، وَاخْتِلَافُهُمْ عَلَى أَنْبِيَائِهِمْ».
[صحيح] - [رواه البخاري ومسلم] - [الأربعون النووية: 9]

Jële nañu ci Abuu Hurayrata Abdur Rahmaan ibn Saxrin yal na ko Yàlla dollee gërëm mu wax ne: dégg naa Yonente Yàlla bi yal na ko Yàlla dolli xéewal ak mucc muy wax ne:
«lépp lu ma leen tere nangeen ko moytu, lépp lu ma leen digal nangeen ca def lu ngeen man, ndax li alag ña leen jiitu woon mooy seen laaj yu bari, ak seenug juuyoo ak seen i Yonente».
[Wér na] - [رواه البخاري ومسلم] - [الأربعون النووية - 9]

Leeral

Yonente Yàlla bi yal na ko Yàlla dollee gërëm day leeral ne bu nu teree dara danu ko a war a moytu ci lu dul gennug settee, bu nu digalee dara nu def ca lu nu man. Topp mu àrtu ngir nu bañ a mel ni xeet ya jiitu woon ndax dañoo bari woon ay laaj lool jëme ci séen Yonente yi ànd ak loolu ñuy wuute ak ñoom, Yàlla mbugal leen ci ay xeeti alkande, kon jaadu na nu bañ a mel ni ñoom ngir nu bañ a alku kem na ñu alkoo.

Bokk na ci njariñi Adiis bi

1. Hadiis bi ab tënk la ci leeral li ñu war a def ci ndigal yi, ak ni ñu war a moytoo tere yi.
2. Tere yi mayeesul ñu def ci dara, ndigal nag ci kem kàttan rekk; ndaxte bàyyi moom lu ñu man la te def day aajowoo kàttan ci def la nu digle.
3. Tere nañu di baril ay laaj, boroom xam-xam yi séddale nañu laaj ci ñaari xaaj: benn bi mooy: loo xam ne ci anamug xamle lu ñu soxla ci mbiri diine la, lii moom lu ñu digle la te ci xaaj bii la laaji Sahaaba yi nekkoon, ñaareel bi: loo xam ne ci anamug taral la ak sonnale lii nag dañu koo tere.
4. Artu xeet wi ci wuute ak Yonnente bi, kem ni mu ame woon ca xeet ya ko jiitu woon.
5. Yi ñu tere day làmboo lu néew ak lu bari; ndax maneesu ko a moytu ci li dul moytu lu néewam lu bareem, ci misaal: tere na nu Ribaa mu làmboo lu néewam ak lu bareem.
6. Bàyyi sabab yiy jëme ci lu araam; ndax loolu dafa bokk ci moytu.
7. Jaaduwul ci nit ki muy dégg waxu Yonente bi ba noppi di wax naan: ndax lu war la walla lu ñu sopp la, waaye dafa war a gaaw ci jëfe ko; ngir li mu wax ne: "defleen ci lu ngeen man".
8. Bari ay laaj sabab la ci alkande rawati na ci mbir yi nga xam ne maneesu caa egg niki masalay kumba, ak ni mbiri bis-pénc mel, kon buy bari loo koy laaj di alku, te kuy taral nga kuy xóotal nga.