Hadiis: Bũmb ning mam sẽn gɩdg yãmb ne-a, bɩ y zãag-y-yã-a, la mam sẽn n sagl yãmb ne bũmb ningã, bɩ y maan-y-yã-a, y pãng tõog tεka

عَنْ أَبِي هُرَيْرَةَ عَبْدِ الرَّحْمَنِ بْنِ صَخْرٍ رَضِيَ اللَّهُ عَنْهُ قَالَ: سَمِعْت رَسُولَ اللَّهِ صَلَّى اللَّهُ عَلَيْهِ وَسَلَّم يَقُولُ:
«مَا نَهَيْتُكُمْ عَنْهُ فَاجْتَنِبُوهُ، وَمَا أَمَرْتُكُمْ بِهِ فَافْعَلُوا مِنْهُ مَا اسْتَطَعْتُمْ، فَإِنَّمَا أَهْلَكَ الَّذِينَ مِنْ قَبْلِكُمْ كَثْرَةُ مَسَائِلِهِمْ، وَاخْتِلَافُهُمْ عَلَى أَنْبِيَائِهِمْ».
[صحيح] - [رواه البخاري ومسلم] - [الأربعون النووية: 9]

Yii a Abʋʋ Hʋrɑyrɑt Abd Ar-Rahmaan ɭbn Ṣaẖr nengẽ (Wẽnd yɑrd be ɑ yĩng) ɑ yeelɑme: mɑm wʋmɑ Wẽnd Tẽn-tʋʋmɑ (Wẽnd pʋʋsg lɑ A tɩlgr be ɑ yĩngɑ) t'ɑ yetẽ:
«Bũmb ning mam sẽn gɩdg yãmb ne-a, bɩ y zãag-y-yã-a, la mam sẽn n sagl yãmb ne bũmb ningã, bɩ y maan-y-yã-a, y pãng tõog tεka, ad bũmb ning sẽn halk sẽn reng-b yãmb taoorã, yaa b sogs toogã la b yõsbã ne b nabiyaam-rãmbã».
[Naṣʋn Ṣahɩɩhʋn (Gom-sikdem sẽn manege)] - [رواه البخاري ومسلم] - [الأربعون النووية - 9]

bilgrã

Wẽnd Tẽn-tʋʋmã (Wẽnd pʋʋsg la A tɩlgr be a yĩnga) vẽneg n wilgda tõndo, tɩ yẽ sã n gɩdg tõnd tɩ d bas bũmbu, yaa tɩlae tɩ tõnd zãag-a tɩ tũus n bas ka be yel-kãng pʋgẽ ye, la a sã n sagl tõnd ne bũmbi yaa tɩlae ne d tɩ d maan-a d pãng tõog tεka. Rẽ poorẽ a bugsa tõnd tɩ d ra wa yɩ wala zamã-rãmb nins sẽn reng taoorã ye, b sẽn wa n wʋsg b nabiyaam-rãmbã sogsgo la b leb n yõsgd-ba, tɩ Wẽnd sɩbg-ba ne halkr kõbg toor-toore la sãanga, rẽnd sõmba ne tõnd tɩ d ra wa yɩ wala bãmba, sẽn na yɩlẽ n ra wa halk wala b sẽn halka ye.

Sẽn be Hɑdiisã yõod-rãmbẽ

1. Hadiisã yaa zeng-raoog n vẽnegd bũmb ning sẽn yaa tɩlae n sõmb n maana, sẽn kẽed b sẽn saglã maanego, la b sẽn gɩdgã zãagre.
2. Yεl nins sẽn gɩdgã b ka kõ sor tɩ f tõe n maan b baa yembr ye, la sã n yaa saglgã, yẽnda zaa ne pãng tõogo, bala basbã a yaa bũmb b sẽn tõe, la tʋʋmdã a rata tõog sẽn na yɩl tɩ tʋʋmd ning b sẽn saglã yɩ.
3. B gɩdga sogsgã wʋsgã, lɑ bãngdbã pʋɩɩ sogsgã bugs a yiibu: b yiibã yembre: yaa sokr ning sẽn yaa karengo b sẽn tar tʋlsem ne-ɑ dĩinã wεεngẽ, yẽndã b saglame, la sahaabsã sokrã yɩɩ yãwã buudã. Sokr buk a yiibu: yaa kɩɩsg la sok yaalse, yẽ la b sẽn gɩdg n yi wã.
4. B bugsa zãma-kãngã tɩ b ra wa yõsg b Nabiyaamã ye, wala zãma-rãmb a taabã sẽn reng bãmb taoor sẽn da yɩ wã.
5. B sẽn gɩdg yεl ninsã b tigma kɩdg la b bedr fãa, bala zoe n zãag ka yɩte, rẽnda a kɩdg la a bedr fãa, bilgri: A gɩdga tõnd rɩbaa, rẽnd yẽnda gũbga a kɩdg la a wʋsg fãa.
6. Bas sabab-rãmb nins sẽn talled n kẽng haraamã; bala rẽnda bee zoe-n-zãagã pʋgẽ.
7. Ka sõmb ne ninsaal t'a sã n wʋm Wẽnd Tẽn-tʋʋmã sagelle (Wẽnd pʋʋsg la A tɩlgr be a yĩnga), t'a yeele: yaa tɩlae bɩ yaa nonglem, la ad yaa tɩlae ne yẽnda t'a yãg n maan tʋʋmdã, ne a koεεg sẽn yeele: «Bɩ y maan-y-yã-a, y pãng tõog tεka».
8. Sogs-rãmb wʋsgã a yaa sabab n halkdẽ, sẽn tʋg n yɩɩdã yεl nins b sẽn ka tõe n ta-ba, wala yεl nins sẽn solgã, la yaoolem yεlã yalẽ, ra wʋsg sogsg b pʋgẽ tɩ f wat n halkame, f wat n yɩɩ koko kεgεng soaba, n yaa zulg toog soaba