Ҳадис: Қуёш чиққан жнг яхши кун жума кунидир

عَنْ أَبِي هُرَيْرَةَ رضي الله عنه أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«خَيْرُ يَوْمٍ طَلَعَتْ عَلَيْهِ الشَّمْسُ يَوْمُ الْجُمُعَةِ، فِيهِ خُلِقَ آدَمُ، وَفِيهِ أُدْخِلَ الْجَنَّةَ، وَفِيهِ أُخْرِجَ مِنْهَا، وَلَا تَقُومُ السَّاعَةُ إِلَّا فِي يَوْمِ الْجُمُعَةِ».
[صحيح] - [رواه مسلم] - [صحيح مسلم: 854]

Бу таржима қайта кўрилиши ва текширилиши кекак.

Абу Ҳурайра разияллоҳу анҳудан ривоят қилинади: «Набий соллаллоҳу алайҳи ва саллам:
Қуёш чиққан жнг яхши кун жума кунидир. Одам шу куни яратилган, шу куни жаннатга киритилган ва ундан чиқарилган, қиёмат ҳам айнан жума куни қоим бўлади», дедилар».
[Саҳиҳ] - [Имом Муслим ривояти] - [Саҳиҳи Муслим - 854]

Изоҳ

Набий соллаллоҳу алайҳи ва саллам қуёш чиққан кунларнинг энг яхшиси жума куни эканини хабар бермоқдалар. Унинг хусусиятларидан: Аллоҳ унда Одам алайҳиссаломни яратди, унда у зотни жаннатга киритди ва унда у ердан чиқариб, ер юзига туширди. Қиёмат ҳам фақатгина жума куни қоим бўлади».

Ҳадиснинг фойдалари

1. Жума кунининг ҳафтанинг бошқа кунлардан афзаллиги.
2. Жума кунида солиҳ амалларни кўпайтиришга тарғиб қилиш ҳамда Аллоҳ таолонинг раҳматига эришиш ва азобидан қутилиш учун ҳозирлик кўриш.
3. Ҳадисда зикр қилинган жума кунининг ушбу хусусиятлари ҳақида шундай дейилган: «Булар жума кунининг фазилатини баён қилиш учун эмас, чунки Одам алайҳиссаломнинг жаннатдан чиқарилиши ва қиёмат қоим бўлиши фазилат саналмайди». Яна бир фикрга кўра: «Буларнинг барчаси фазилатдир. Зеро, Одамнинг чиқарилиши — пайғамбарлар, набийлар ва солиҳлардан иборат зурриётнинг вужудга келишига сабаб бўлган. Қиёмат қоим бўлиши эса солиҳларга бериладиган мукофотларнинг тезлашишига ҳамда Аллоҳ улар учун тайёрлаб қўйган икромларга эришишларига сабабдир.
4. Жума куни учун ушбу ривоятда келганлардан бошқа хусусиятлар ҳам зикр қилинган. Жумладан: ушбу кунда Одам алайҳиссаломнинг тавбаси қабул қилинган, шу куни у зот вафот этган ва бу кунда шундай бир соат борки, агар мўмин банда намоз ўқиб, Аллоҳдан бирор нарса сўраган ҳолида ўша соатга тўғри келса, Аллоҳ унга сўраганини, албатта, беради.
5. Йилнинг энг афзал куни — Арафа кунидир, баъзилар Қурбонлик куни ҳам дейишган. Ҳафтанинг энг афзал куни — жума кунидир. Энг афзал кеча эса Қадр кечасидир.