Hədis: Günəşin üzərinə doğduğu ən xeyirli gün cümə günüdür

عَنْ أَبِي هُرَيْرَةَ رضي الله عنه أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«خَيْرُ يَوْمٍ طَلَعَتْ عَلَيْهِ الشَّمْسُ يَوْمُ الْجُمُعَةِ، فِيهِ خُلِقَ آدَمُ، وَفِيهِ أُدْخِلَ الْجَنَّةَ، وَفِيهِ أُخْرِجَ مِنْهَا، وَلَا تَقُومُ السَّاعَةُ إِلَّا فِي يَوْمِ الْجُمُعَةِ».
[صحيح] - [رواه مسلم] - [صحيح مسلم: 854]

Əbu Hureyradan (Allah ondan razı olsun) Peyğəmbərin (Allahın salavatı və salamı onun üzərinə olsun) belə dediyi rəvayət edilir:
Günəşin üzərinə doğduğu ən xeyirli gün cümə günüdür, Adəm həmin gün yaradılıb, həmin gün Cənnətə daxil edilib, həmin gün oradan çıxarılıb və Qiyamət yalnız cümə günü qopacaq.»
[Səhih] - [Muslim rəvayət etdi] - [Sahihu Muslim - 854]

Şərh (izah)

Peyğəmbər (Allahın salavatı və salamı onun üzərinə olsun) xəbər verir ki, günəşin üzərinə doğduğu ən xeyirli gün cümə günüdür. Onun xüsusiyyətlərindən: Allah Adəmi o gündə yaratdı və o gündə onu Cənnətə daxil etdi və o gündə onu oradan çıxarıb yerə endirdi və Qiyamət yalnız cümə günündə qopacaq.

Hədisin faydalarından

1. Cümə gününün həftənin digər günləri üzərində olan üstünlüyü.
2. Cümə günü saleh əməllərə həvəsləndirmək və çoxaltmaq, Uca Allahın rəhmətinə nail olmaq və qəzəbini dəf etmək üçün hazırlaşmaq.
3. Deyilir ki, hədisdə qeyd olunan cümə gününün bu xüsusiyyətləri: cümə gününün fəzilətini qeyd etmək üçün deyildir, çünki Adəmin cənnətdən çıxarılması və qiyamətin qopması fəzilət sayılmır. (Digər bir görüşə görə isə) deyilir: Əksinə, onların hamısı fəzilətdir və Adəmin cənnətdən çıxması elçilər, peyğəmbərlər və salehlərin nəslinin mövcüd olmasının səbəbidir. Qiyamətin qopması isə salehlərin mükafatının tezləşdirilməsi və Allahın onlar üçün hazırladığı kəramətlərə çatmaları üçün səbəbdir.
4. Cümə gününün, bu rəvayətdə qeyd olunanlardan başqa digər xüsusiyyətləri də qeyd edilmişdir. Onlardan bəziləri: O gün Adəmin tövbəsi qəbul edildi, o gün vəfat etdi və o gündə elə bir saat vardır ki, həmin saata müvafiq olan və namaz qılaraq Allahdan bir şey istəyən mömin bəndəyə, Allah o şeyi verər.
5. İlin ən fəzilətli günü Ərafə günüdür və (digər bir görüşə görə) deyilir ki: Qurban bayramı günüdür. Və həftənin ən fəzilətli günü cümə günü, ən fəzilətli gecə isə Qədr gecəsidir.