హదీస్: “సూర్యుడు ఉదయించే దినములలో ఉత్తమమైన దినము ‘శుక్రవారము’
عَنْ أَبِي هُرَيْرَةَ رضي الله عنه أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«خَيْرُ يَوْمٍ طَلَعَتْ عَلَيْهِ الشَّمْسُ يَوْمُ الْجُمُعَةِ، فِيهِ خُلِقَ آدَمُ، وَفِيهِ أُدْخِلَ الْجَنَّةَ، وَفِيهِ أُخْرِجَ مِنْهَا، وَلَا تَقُومُ السَّاعَةُ إِلَّا فِي يَوْمِ الْجُمُعَةِ».
[صحيح] - [رواه مسلم] - [صحيح مسلم: 854]
المزيــد ...
అబూ హురైరహ్ రజియల్లాహు అన్హు ఉల్లేఖనం : “ప్రవక్త సల్లల్లాహు అలైహి వసల్లం ఇలా పలికినారు:
“సూర్యుడు ఉదయించే దినములలో ఉత్తమమైన దినము ‘శుక్రవారము’. శుక్రవారమునాడే ఆదం అలైహిస్సలాం సృష్టించబడినారు; శుక్రవారమునాడే ఆయన స్వర్గములో ప్రవేశింపజేయబడినారు, శుక్రవారమునాడే ఆయన దాని నుండి బయటకు తీయబడినారు; మరియు శుక్రవారమునాడు తప్ప ప్రళయ ఘడియ స్థాపించబడదు.”
[దృఢమైనది] - [దాన్ని ముస్లిం ఉల్లేఖించారు]
సూర్యుడు ఉదయించే దినములలో అత్యంత ఉత్తమమైన దినము శుక్రవారము అని ప్రవక్త సల్లల్లాహు అలైహి వసల్లం తెలియజేస్తున్నారు. శుక్రవారము యొక్క ప్రత్యేకతలలో ఇవి కొన్ని: శుక్రవారము నాడు అల్లాహ్ ఆదం అలైహిస్సలాం ను సృష్ఠించినాడు; శుక్రవారం నాడే ఆయనను స్వర్గములో ప్రవేశింపజేసి నాడు; శుక్రవారము నాడే ఆయనను స్వర్గము నుండి బయటకు తీసి భూమి పైకి పంపినాడు; మరియు శుక్రవారమునాడు తప్ప ప్రళయ ఘడియ స్థాపించబడదు.
من فوائد الحديث
- ఈ హదీసు ద్వారా మిగతా అన్ని దినములపై శుక్రవారము యొక్క ఘనత తెలియుచున్నది.
- ఈ హదీసులో శుక్రవారము నాడు ఎక్కువగా సత్కార్యాలు ఆచరించుటకు, సర్వోన్నతుడైన అల్లాహ్ యొక్క కరుణను పొందుటకు సిద్ధము కావలెనని; తద్వారా అల్లాహ్ యొక్క ఆగ్రము నుండి రక్షణ పొందవలెననే ప్రోత్సాహము ఉన్నది.
- ఈ హదీసులో పేర్కొనబడిన శుక్రవారము యొక్క ప్రత్యేకతలను గురించి కొంతమంది ఉలెమా ఇలా అన్నారు: ‘ఆ ప్రత్యేకతలు ఉల్లేఖించబడినది శుక్రవారము యొక్క ఘనతను గురించి కాదు. ఎందుకంటే ఆదం అలైహిస్సలాం స్వర్గము నుండి బయటకు తీయబడం, ప్రళయ ఘడియ స్థాపించబడడం శుభప్రదమైన విషయాలు కావు కదా. మరికొంత మంది ఉలెమాలు ఇలా అన్నారు: వాస్తవానికి, అవన్నీ శుభాలే, ఘనమైన విషయాలే. ఆదం అలైహిస్సలాం ఉనికి భూమిపై అల్లాహ్ యొక్క సందేశహరుల, ప్రవక్తల మరియు సత్పురుషుల ఆవిర్భావానికి కారణమయ్యింది. అలాగే అటువంటి సత్పురుషుల ప్రతిఫలాన్ని వేగవంతం చేయుటకు, మరియు వారి కొరకు అల్లాహ్ సిద్ధం చేసి ఉంచిన గౌరవాలను వారికి ప్రసాదించుటను వేగవంతం చేయుటకు – ప్రళయఘడియ ఆవిర్భావం ఒక కారణం.
- ఈ హదీథులో పేర్కొనబడిన ప్రత్యేకతలు మరియు ఘనతలే కాక శుక్రవారానికి సంబంధించి మరికొన్ని విశేషాలు కూడా ఉన్నాయి, అవి: శుక్రవారము నాడే ఆదం అలైహిస్సలాం క్షమించబడినారు; శుక్రవారమునాడే ఆయన మరణించినారు; అలాగే శుక్రవారము నాడు ఒక ప్రత్యేకమైన ఘడియ ఉన్నది – ఆ ఘడియలో ఏ ముస్లిం విశ్వాసి అయినా నమాజు ఆచరించి అల్లాహ్’ను ఏదైనా కోరితే, అల్లాహ్ అతనికి దానిని ప్రసాదించకుండా ఉండడు.
- సంవత్సరములో అన్నింటి కంటే ఉత్తమమైన దినము “అరఫా దినము”; అలాగే హజ్’లో ‘ఖుర్బానీ’ చేయు దినము కూడా ఉత్తమమైనదిగా భావిస్తారు; వారములో ఉత్తమమైన దినము శుక్రవారము; మరియు రాత్రులలోఉత్తమమైన రాత్రి – లైలతుల్ ఖద్ర్ రాత్రి.
ఇంకా
- హదీస్: మేము ఒకసారి మహనీయ దైవప్రవక్త వద్ద కూర్చుని ఉన్నాము ,ఆ రోజు మా వద్దకి ఒక తెల్లని తెలుపు దుస్తులు ధరించి,నల్లని నలుపు వెంట్రుకలు కలిగి,ఎటువంటి ప్రయాణ ప్రభావం కనిపించని,ఒక అపరిచిత వ్యక్తి వచ్చాడు.
- హదీస్: ఓ నా దాసులరా! నేను నాపై హింసను నిషేదించుకున్నాను,అలాగే మీ మధ్యలో కూడా దాన్ని నిషేదించాను,పరస్పరము హింసించుకోకండి దౌర్జన్య పడకండి, ఓ నా దాసులరా! నిశ్చయంగా నేను కోరినవారు తప్ప మిగతావారంతా మార్గబ్రష్టులే కాబట్టి నాతో సన్మార్గాన్ని వేడుకోండి నేను మీకు సన్మర్గమును ప్రసాదిస్తాను.
- హదీస్: మహోన్నతుడైన అల్లాహ్ దుర్మార్గునికి ప్రపంచం లో కొంచెం గడువు ఇస్తాడు కానీ పట్టుకున్నప్పుడు మాత్రం అతన్ని వదలడు.
- హదీస్: “నేను మీతో ప్రస్తావించని దాని గురించి అనవసరంగా నన్ను అడగవద్దు. నిశ్చయంగా, మీకు పూర్వం ఉన్న వారిని నాశనం చేసింది చాలా ప్రశ్నలు అడగడమే మరియు తమ ప్రవక్తలతో విభేదించడమే
- హదీస్: “ఎవరి చేతిలోనైతే నా ప్రాణమున్నదో, ఆయన సాక్షిగా – త్వరలో మరియం కుమారుడు (ఈసా అలైహిస్సలాం) ఒక ధర్మబద్ధుడైన న్యాయమూర్తిగా మీ మధ్యకు (భువి నుండి) దిగివస్తాడు. అతడు శిలువను విరిచేస్తాడు; పందిని చంపుతాడు; మరియు జిజియాను ఎత్తివేస్తాడు; అప్పుడు సంపద ఎంత పుష్కలంగా ఉంటుందంటే, ఎవరూ దానిని స్వీకరించరు.”