Хадис: Жаркырап күн чыгып жаткан күндөрдүн эң жакшысы бул - жума күн.
«خَيْرُ يَوْمٍ طَلَعَتْ عَلَيْهِ الشَّمْسُ يَوْمُ الْجُمُعَةِ*، فِيهِ خُلِقَ آدَمُ، وَفِيهِ أُدْخِلَ الْجَنَّةَ، وَفِيهِ أُخْرِجَ مِنْهَا، وَلَا تَقُومُ السَّاعَةُ إِلَّا فِي يَوْمِ الْجُمُعَةِ».
[صحيح] - [رواه مسلم]
المزيــد ...
Абу Хурайра (ага Аллах ыраазы болсун) айтат: Пайгамбарыбыз (ага Аллахтын тынчтыгы жана мактоосу болсун) минтип айткан:
"Жаркырап күн чыгып жаткан күндөрдүн эң жакшысы бул - жума күн. Бул күнү Адам ата жаратылган. Ушул күнү ал бейишке киргизилген. Ушул күнү бейиштен чыгарылган. Кыямат дагы дал ушул күнү болот".
Сахих (ишенимдүү) - Муслим жазып калтырган.
Пайгамбарыбыз (ага Аллахтын тынчтыгы жана мактоосу болсун) күн чыгып башталган күндөрдүн эң жакшысы жума күнү экенин баяндады. Жума күнүнүн өзгөчөлүктөрү төмөнкүлөр: Аллах Таала Адам атаны жума күнү жараткан. Аны жума күнү бейишке киргизген. Кийин жума күнү кайра бейиштен чыгарган жана жер бетине түшүргөн. Кыямат жүма күнү башталат.
Хадистин пайдалары
- Жума күнү аптанын башка күндөрүнөн артык.
- Жума күнү жакшы иш-амалдарды көбүрөөк кылуу керек.
- Жогоруда хадисте айтылган жума күнүнүн өзгөчөлүктөрү тууралуу кээ бир китептерде: булар жума күнүнүн артыкчылыктары катары айтылган эмес, анткени, Адам атанын бейиштен чыгарылуусу, кыяматтын башталышы артыкчылыктуу иштер эмес деп айтылган. Бирок чынында булар жуманын артыкчылыктары, анткени Адам атанын бейиштен чыгуусу менен анын урпагы уланып пайгамбар, элчилер жана салих адамдар чыкты. Ал эми кыяматтын болушу салих адамдардын сыйлык алуусу жана Аллахтын аларга даярдап койгон бейишине кирүүсү жакындаганын билдирет деп да айтылат.
- Бул риваяттан башка да жума күндүн өзгөчөлүктөрү тууралуу айтымдар бар. Алардын кээ бири төмөнкүлөр: жума күнү Адам атанын тообосу кабыл болгон, жума күнү дүйнөдөн өткөн, бул күнү намаз окуган пенде дуба кылганда, дубасы дал келип калса сөзсүз кабыл боло турган бир убакыт бар.
- Жыл ичиндеги күндөрдүн эн жакшысы - арафа күнү. Жыл ичиндеги эң жакшы күн - курмандык чалуу күнү деген айтым да бар. Аптанын ичиндеги эң жакшы күн - жума күнү. Түндөрдүн эң жакшысы - кадыр түнү.
Категориялар
Дагы...
- Хадис:
- Хадис:
- Хадис: Чынында Аллах Таала заалымга убакыт берет, анан аны кармаганда такыр коё бербейт
- Хадис: Мен силерге айтпаган нерсени ошол бойдон калтыргыла! Анткени, силерден мурдагылар керексиз көп суроо бергени жана пайгамбарларына каяша кылганы үчүн кыйрап жок болгон
- Хадис: Жаным Анын колунда турганга (Аллахка) ант ичип айтам, силерге Марямдын уулу түшүп, адилеттүү өкүмдар болоруна аз калды. Ал крестти сындырат, чочкону өлтүрөт, салыкты (жизя) жок кылат, мал-мүлк аябай көбөйүп, аны эч ким албай калат