Hadiis: Raar sõmblem, wĩndgã sẽn puk a zugu, yaa arzũm raare
عَنْ أَبِي هُرَيْرَةَ رضي الله عنه أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«خَيْرُ يَوْمٍ طَلَعَتْ عَلَيْهِ الشَّمْسُ يَوْمُ الْجُمُعَةِ، فِيهِ خُلِقَ آدَمُ، وَفِيهِ أُدْخِلَ الْجَنَّةَ، وَفِيهِ أُخْرِجَ مِنْهَا، وَلَا تَقُومُ السَّاعَةُ إِلَّا فِي يَوْمِ الْجُمُعَةِ».
[صحيح] - [رواه مسلم] - [صحيح مسلم: 854]
المزيــد ...
Yii ɑ Abɩɩ Hʋrɑyrɑt nengẽ (Wẽnd yɑrd be ɑ yĩngɑ) ɑ yeelɑme: tɩ Nabiyaamã (Wẽnd pʋʋsg la A tɩlgr be a yĩnga) yeelame:
«Raar sõmblem, wĩndgã sẽn puk a zugu, yaa arzũm raare, a pʋgẽ la b naan a Ādema, a pʋgẽ la b kẽes-a arzãna, a pʋgẽ la b yiis-a arzãnẽ wã, la dũni pa yikdi rẽnda arzũm raare».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 854]
Nabiyaamã (Wẽnd pʋʋsg lɑ A tɩlgr be ɑ yĩngɑ) kõta kibare, tɩ raar wĩndg sẽn pukd ɑ pʋgẽ sõma sẽn tʋg n yɩɩde, yaa arzũma, la sẽn tʋg n be arzũm raar yεl-weendɩ wã: yaa tɩ Wẽnd naana a Ādem a pʋgẽ, (tɩlgr be a yĩnga) la yẽ pʋgẽ me la A kẽes-a arzãnã, arzũm raar me la A yiis-a arzãnẽ wã, n sik-a Tẽng gãngã zugu, la dũni wã me ka na n yiki, rẽnda arzũm reare.
Sẽn be Hɑdiisã yõod-rãmbẽ
- Wilgda arzũmã sẽn yɩɩd rasem a yopoe wã raar-rãmbã.
- Yaa sẽn pirsd tɩ b nidg pãng ne tʋʋm-sõms arzũm raare, la b segl sẽn na paam Wẽnd yolsgã (A Naam yɩ wagelle) la tus A namsgã n yi f menga.
- Yel-weendɩ-kãensã arzũmã raar sẽn tarã, b sẽn togs hadiisã pʋgẽ wã, b yeelame: tɩ ka sẽn n wilgd arzũmã raar yɩɩdlem ye, bala a Ādem arzãnã yiisgu, la dũni wã yikri, b ka bũmb sẽn sõt tɩ yaa yɩɩdlem ye, tɩ sãnda yeel tɩ ad a gillã fãa yaa yɩɩdlem, la a Ādem arzãnã yiibã a sababã yaa koambã sẽn na n zĩndã, sẽn yaa tẽn-tʋʋmba, la nabiyaam-rãmba, la nin-sõmsã, la sã n yɑɑ dũni wã yikrã, a yaa sabab sẽn na n yãg ne nin-sõmsã keoorã, la b leb n paam bũmb ning Wẽnd sẽn sεgl n bĩng-ba, tɩ yaa waoogrã.
- B togsa yel-weendɩ a taaba sẽn be arzũmã rɑɑre, tɩ ka togs-kãngã pʋgẽ wã ye, la sẽn be a pʋgẽ: tɩ yaa arzũm raar la b reeg a Ādem tuubgu, leb n yaa arzũm raar me la b reeg a yõorã, la wakat n be arzũm rɑɑrã, tɩ yamb sẽn yaa sɩd-kõt ka tukd-a, n mik tɩ yẽ pʋʋsdame, tɩ yaa Wẽnd la a kota, rẽndɑme tɩ Wẽnd kõ-a bũmbã.
- Yʋʋmdã rasẽm-rãmb sõmblem sẽn yɩɩde, yaa Arafa raare, tɩ sãnda yeele: yaa kibsã raare, la rasem a yopoe wã sõmblem sẽn yɩɩd yaa arzũm raare, la yʋndã sẽn yɩɩd yaa Laylatʋ Al-ƙadr (kordgã yʋngã).
Sagsã
Pɑɑgã
- Hadiis: lɩslaangã yaa f maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma, la f yals ne Pʋʋsgo la f yãk Zaka n kõ, la f loe Ramadaane, la f kaag Roogã tɩ f sã n paam sor n na n tʋg beenẽ
- Hadiis: Yaa Mam yembse, ad Mam gɩdga wẽgd Mam zugu, n maan-a t'a yaa haraam yãmb ne taab sʋka, bɩ y ra wẽg taab ye
- Hadiis: Ad Wẽnd tõe n yaoolga wẽgdã, t'A sã n wa yõk-a a ka põsgd-A ye
- Hadiis: M wẽen ne Naab ning mam yõorã sẽn be A Nugẽ wã, keta bilf t'a Maryam biig sig yãmb pʋgẽ, t'a Bʋʋdã yaa tẽeg tɩrga, n kao pikã, la a kʋ kurkuyã, la a bas yõor yaoob reegre, tɩ arzεkã wʋsge, halɩ tɩ ned baa a yembr ka reegd-a ye
- Hadiis: Bas-y maam tɩ mam sã n bas yãmba, ad sẽn reng-b yãmb taoorã halkame, b sogsgã la b sẽn yõsd ne b nabiyaam-rãmbã yĩnga